Z wudaća: štwórtk, 09 januara 2020

W Budyskim Serbskim muzeju hotuja so na přichodny wulki podawk: swójbne popołdnjo pod hesłom „Pućowanje přez modowe doby“. Tak změja tam njedźelu wodźenje po wosebitej wustajeńcy předewšěm za swójby runje tak předwidźane kaž wosebitu přehladku z wudźěłkami z modernej interpretaciju serbskeje narodneje drasty. Mjez druhim je to wosebity šat, kiž sobudźěłaćerce muzeja Andrea Pawlikowa a Mónika Ošikowa pokazujetej a kotryž bě sej Serbowka za maturitny bal zešić dała. Njedźelne swójbne popołdnjo započnje so w 13 hodź. Foto: SN/Hanka Šěnec

Chrósćicy (SN). Wo putnikowanju hač do Pětrohroda zhoniće na přichodnym zarjadowanju we wobłuku 9. kulturneje zymy pjatk wječor w Chróšćanskej putniskej hospodźe. Putniska mać Monika Gerdesowa je sej Beatu Gruß na přednošk přeprosyła. Započatk je w 19.45 hodź. Dźeń po tym su wšitke zajimowane dźěći do putniskeje hospody přeprošene. To wotměje so mjenujcy popołdnju w štyrjoch znowa serbske dźěćace kino. Widźeć budu tónraz „Čapkowe činki“.

Z Passatom so přewaliła

Narć. Mjez Wojerecami a Narćom je 28lětna šoferka VWja wčera rano na zwjazkowej dróze B 96 ćežko znjezbožiła. Kaž policija zdźěla, suny so wona z nje­znatych přičin z jězdnje, zrazy do wjacorych štomow kaž tež do wobchadneho znamješka a so přewali. Wohnjowi wobornicy dyrbjachu žonu z awta wurězać. B 96 bě nachwilnje zawrjena. Cyłkowna škoda wučinja wjace hač 30 000 eurow.

9.–15.1.2020 Budyski filmowy palast: Star Wars: Der Aufstieg Skywalkers w 3D: wšědnje 16:15 a 19:30 (nimo srje) | pj a so tež 22:45 Star Wars: Der Aufstieg Skywalkers wšědnje 14:15 (nimo srj) a 20:00 | so tež 23:00 Knives Out – Mord ist Familiensache: wšědnje 16:45 a 19:45 | pj a so tež 22:45 Der kleine Rabe Socke 3 – Suche nach dem verlorenen Schatz: so 15:00 Die Eiskönigin 2: wšědnje 15:00 (nimo pó a srj) a 17:30 Jumanji: The Next Level w 3D: pja a so 22:30 Jumanji: The Next Level wšědnje 14:15 (nimo so a srj), 17:15 a 19:30 Das perfekte Geheimnis: wšědnje 20:00 (nimo pó) | pj a so tež 22:15 | pó 19:30 Cats: štw, nj a srj 17:00 Joker: so 22:15 Als Hitler das rosa Kaninchen stahl: wšědnje 19:30 (nimo pó) Spione Undercover w 3D: nj 14:00 Spione Undercover: štw a pó 14:00 | pj, so a wu 17:00 Systemsprenger: pj 22:15 Vier verzauberte Schwestern: wšědnje 14:45 (nimo srj) a 17:15 Shadow: pj 22:45 Bad Boys for Life: srj 20:00

Na Serbskej zakładnej šuli Budyšin maja tójšto młodych wučerjow

Budyska Serbska zakładna šula je kruty wobstatk Serbskeho šulskeho a zetkawanskeho centruma. Mjez třomi kubłanišćemi, zakładnej a wyšej šulu kaž tež gymnazijom, wobsteja dobre zwiski. Tak znajmjeńša posudźuje to nawodnica zakładneje šule Annette Natušowa.

Praktikuja inkluziju

Kóždolětny tradicionalny koparski turněr­ wo pokal Towarstwa Cyrila a Metoda (TCM) wotmě so minjenu sobotu­ w Chróšćanskej sportowej hali. Dypkownje w 15 hodź. bě tam na witanju šěsć mustwow.

Turněrowe wjednistwo wokoło Guida Zahrodnika dojedna so na to, zo hraje najprjedy raz kóždy přećiwo kóždemu. Po krótkim rozjasnjenju regulow prěnju hru zahwizdachu. W tej steještej sej hnydom dwě sylnej mustwje napřemo sebi: zakitowar titula Puklot a na tamnej stronje mustwo Čornobóh. Wobaj cyłkaj wobsteještej z koparjow Sportoweje jednotki 1981 Chrósćicy. Wurunana partija skónči so 3:1 za Čornobóh.

W dalšim přeběhu turněra wukristalizowachu so poněčim dalši faworića na dobyće. Zornowc Hórki a młode mustwo Kapałka United z Dobrošic běštej mjez druhim dalšej kandidataj na finale. Wšitke štyri mjenowane cyłki su so na kóncu tež za połfinale kwalifikowali.

W prěnim nastupi Čornobóh Chrósćicy přećiwo Kapałce United Dobrošicy. Mustwo Čornobóh, kotrež bě dotal kóždu hru dobyło, tež tutón nadawk suwe­renje zmištrowa a přećiwnika z 5:0 po­razy.

Tabulce dorosta Zapadołužiskeho koparskeho zwjazka

młodźina E, wokrjesna liga-stafla 3

1. FSV Bretnig-Hauswalde 9 104 : 13 27

2. ST Porchow 9 75 : 22 24

3. Arnsdorfske KT 9 47 : 25 21

4. Postup Großharthau 9 53 : 27 18

5. SC Großröhrsdorf II 9 34 : 41 12

6. ST Demicy-Tumicy 9 30 : 53 9

7. ST Porchow II 9 41 : 69 9

8. HZ SG Frankenthal/

Postup Großharthau II/

SV Seeligstadt 9 25 : 61 9

9. Drohotka Ramnow 9 17 : 65 3

10. Biskopičanske KT 08 II 9 15 : 65 3

młodźina E, wokrjesna liga-stafla 4

1. SC 1911 Großröhrsdorf  9 86 : 22 27

2. Hermsdorfske ST 9 60 : 23 24

3. ST Kinspork/Łužnica 9 50 : 29 16

4. Liegau-Augustusbad III 9 70 : 27 14

5. Lomnitzer SV 9 58 : 31 14

6. SZ Großnaundorf 9 55 : 47 13

7. HZ FV Ottendorf-Okrilla 05 II/

Hermsdorfske ST II 9 34:  51 12

8. SV Haselbachtal 9 44 : 78 9

9. TSV Wachau II 9 15 : 58 3

10. Liegau-Augustusbad II 9 11 : 117 0