Megahrajny wolejbulowy dźeń
Wot ranja do wječora wolejbulistkam přihladować móžeće jutře wot 9 do 18 hodź. we Worklečanskej ćěłozwučowarni. Megahrajny dźeń je nastał, dokelž dyrbjachu partiji prěnjeho mustwa Hrajneho zjednoćenstwa Pančicy-Worklecy přesunyć. Hnydom k zazběhej w 9 hodź. nastupitej jutře druhe mustwo HZ Pančicy-Worklecy a dorost Viktorije Worklecy k serbskemu derbyjej we wobwodnej klasy. Dalše jutřiše hry: 11 hodź. HZ Pančicy-Worklecy II – Nysa Wolejs; 14 hodź. HZ Pančicy-Worklecy – Rózbork; 16 hodź. HZ Pančicy-Worklecy – Nysa Wolejs
Jutře na piwowy cup ...
Sportowe towarstwo Módro-běli Kulow zarjaduje jutře halowy koparski turněr starych knjezow. W Kulowskej wjacezaměrowej hali hraja wot 12 hodź. wjacore cyłki starych knjezow wo tak mjenowany piwowy cup, mjez druhim Sokoł Ralbicy/Hórki a Módro-běli Kulow.
... a na Landskron-cup
Dalšej koncertaj SLA
Budyšin. Hudźbnicy a rejwarjo Serbskeho ludoweho ansambla kaž tež spěwnaj solistaj Derya Atakan (sopran) a Jeeyoung Lim (bariton) pokazaja swój nowolětny program jutře, sobotu, w 17 hodź. w Kumwałdskim hosćencu „Módra kula“. Dalši koncert ze znatymi melodijemi a wuraznymi rejemi klasikarjow Wienskeje dynastije kaž tež chłóšćenki serbskich komponistow budźe njedźelu w 17 hodź. we Wósporskej „Třělerni“.
Hospoda wita dźensa a jutře
Chrósćicy. Dalše zarjadowanje „kulturneje zymy“ w Chróšćanskej putniskej hospodźe Moniki Gerdesoweje je wuwzaćnje dźensa, a to na temu „Jězba do Pětrohrodu“. W 19.45 hodź. přednošuje Beate Gruß z Budyšina. Jutře, 11. januara, pokaza ćeta Monika dźěćom trikowy film „Čapkowe činki“.
Blues-rock w Kotołni
Dźěžnikecy. Lubowarjo bluesa přińdu jutře wot 21 hodź. w Dźěžnikečanskej Kotołni na swoje kóšty. Připowědźiła je so skupina Colin Jamieson’s Dynamite Daze. Štyrjo knježa wokoło z Glasgowa pochadźaceho bubnarja Colina Jamiesona chcedźa klub mócnje zapyrić.
Do Johanneuma załožić
Wodorunje: 3 nócny wotpočink, 5 nic mało, 6 horca woda, 7 hudźbna skupina, tež jednotka kajkosće złota, 10 njedočink, špatny čłowjek, 13 lud w Aziji, 14 nic sotra, 15 přećiwo
Padorunje: 1 přiwuzny, 2 kral pola Shakespeara, 3 nabožna skupina, 4 słód, 8 stolica Grjekskeje, 9 dopokaz njepřitomnosće, 11 předewzaće, 12 wjetša rostlina
Brězowka (AK/SN). Gmejna Dźěwin chce dźěło z dorostom w swojich wjesnych wohnjowych woborach skrućić. To podšmórny wjesnjanosta Helmut Krautz (SPD) na wčerawšim prěnim wuradźowanju tamnišeje gmejnskeje rady w nowym lěće w Brězowce. „W decembru na adwentničce Dźěwinskeje dźěćaceje wohnjoweje wobory móžachmy nowe jězdźidło VW T 5 přepodać. Wone słuži přichodnje jako podpěra wukubłanja a za jězby na wubědźowanja“, wón wuswětli. Financowali su awto z wulkeho dźěla z pawšale Swobodneho stata Sakskeje za skrućenje wjesneje kónčiny.
Chrósćicy (JK/SN). Po tym zo bě Chróšćanski wjesnjanosta Marko Kliman (CDU) swojim radźićelam a přitomnym wjesnjanam dobre přeća do noweho lěta wuprajił, zahaji gmejnska rada wčera wječor prěnje lětuše wuradźowanje. Dnjowy porjad bě za prěnje posedźenje poměrnje přehladny, a tak so zjawny dźěl spěšnje miny.
Chrósćicy. Po přewšo wuspěšnej premjerje noweje žortneje hry „Namrěwstwa dla zawrjene“ a po dalšim předstajenju w Sulšečanskim kulturnym domje předstaji dźiwadłowa skupina Kulowskeho Bratrowstwa komediju njedźelu, 12. januara, w 17 hodź. na Krawčikec žurli w Chrósćicach a njedźelu, 26. januara, w 17 hodź. w Šunowje. Žortnu hru Günthera Philipa w třoch jednanjach je Benjamin Hrjehor přełožił, režiju ma dźiwadźelnik NSLDź Měrko Brankačk.
Dny wotewrjenych duri
Ralbicy. Serbska wyša šula w Ralbicach prezentuje so wšitkim zajimcam z dnjom wotewrjenych duri, a to wutoru, 14. januara. Dopołdnja wobhladaja sej kubłanišćo hižo wuknjacy z wokolnych zakładnych šulow. Woni maja składnosć šulu a techniski centrum wopytać a wšelake poskitki wužiwać. Wot 17 hodź. su potom wšitcy dalši zajimcy přeprošeni. Staršim nowačkow přichodneho 5. lětnika poskića we 18 hodź. wosebite informaciske zarjadowanje.
Dźeń wotewrjenych duri na Wojerowskim Léona Foucaultowym gymnaziju přewjedu pjatk, 17. januara, wot 16 hodź. Samsny dźeń wot 17 hodź. budźe tež na Radworskej wyšej šuli dźeń wotewrjenych duri.
Do towarstwoweju domow so łamali
Holešowska Dubrawka. Hnydom do dweju towarstwoweju objektow su so njeznaći w nocy na srjedu w Holešowskej Dubrawce zadobyli. Kaž policija zdźěli, su so namócnje do domow łamali, tam wjacore spindy a kamory zwočinjeli a je přeryli. Hač su paduši scyła něšto za sebje trěbne namakali, dotal znate njeje, naparali pak su škodu něhdźe 500 eurow.
Rubiznu ležo wostajili
Nowa Łuka. Paduši su srjedu rano z jednoswójbneho domu w Nowej Łuce pola Wojerec laptopaj w hódnoće 200 eurow spakosćili. Kaž policija informuje, pak wobsedźer pozdźišo zdźěli, zo je rubiznu namakał. Paduši běchu ju ležo wostajili.
Zo bychu dźěći a młodostni runje kaž jich starši a dalši wjeselo při kupanju w halowej kupjeli abo we łužiskich jězorach měli, staraja so wuchowanscy płuwarjo wo jich wěstotu.
Wojerecy (SN/mwe). Wojerowska wódna straža so čestnohamtsce wo to stara, wukubłać wuchowanskich płuwarjow. To rěka, zo so dźěći a młodostni z města a wokoliny za to zajimuja, we wodźe so tepjacym žiwjenje wuchować. Bjez tajkeho angažementa njebychu zjawne kupjele kaž w Kulowje a Porchowje, Biskopicach a Budyšinje w lěću scyła přistupne byli. To płaći runje tak za jězory, hdźež pak wuchowanscy płuwarjo nastajnosći pobrachuja.