Z wudaća: pjatk, 10 januara 2020

Jenož dźeń po techno-zarjadowanju „Fridays for techno“ přichwata 300 ­lubowarjow twjerdeje hudźby do Chrósćic. Pod hesłom „Rock’n’roll-high­school“ wotměchu tam třeći rockowy wječor wosebiteho razu. Spočatk pak bě wšo druhe hač twjerdy: Awful Noise koncertowaše unplugged. Běše to prěni wustup skupiny po sydomlětnej přestawce. Nimo starych zajacow su bratraj Józef a Jurij Hantuš na huslach resp. na cellu a ­Syman­­ Hejduška na bijadłach znaty serbski hudźbny cyłk womłodźili. Z dalšim programowym dypkom postara so Wotrowska skupina DeyziDoxs wo wul­kotnu naladu w publikumje. Nimo znatych pěsnjow, kaž na přikład „Žně“ a „Hanka“, přednjesechu woni wot fanow wulce žadany klasikar „Přećeljo“ kaž tohorunja cyle nowy spěw „Rozćepaj!“ Posledni akt wječora běše přinošk band DWS z Kamjenca, zestajeneje z aktualnych kaž tež bywšich čłonow Awful Noise, Cat’s Eye Nebula a Crying Blue. Z titulemi znatych skupin so jim poradźi fanow rockoweje a metaloweje hudźby zahorić. Nalada bě cyły wječor wulkotna. tekst a fota: Clemens Šmit

Wotrowska młodźina ­wabješe posledni dźeń lěta 2019 z wulkej party na staru šulu. Za 25 eurow móžachu tam hosćo pić, jěsć a k hudźbje štyrjoch ­DJjow rejwać. Wo zabawu starachu so tónkróć Savi, Jacob Kober, Domanja a Simplexx. Něhdźe sto serbskich a němskich młodostnych bě přeprošenje sćěhowało a tak wšitko prawje činiło. Wšako bě nalada cyłu nóc ­wulkotna. Matthias Wróbl

foto: marcel rjeda

Tójšto młodostnych jara wobžaruje, zo njeje w Šunowje hižo kóždy kónc ­tydźenja remidemi, kaž to hišće před 20 lětami bě. Ćim bóle wjeseli so serbski party-lud stajnje na 25. december, wšako tón dźeń po starej tradiciji Fabrikska hospoda wita. Tak bě žurla tež tónraz zaso poměrnje spěšnje połna a hač do rańšich hodźin derje pjelnjena. K zynkam DJjow ­LuCas&Marw a step2live móžachu holcy ­a hólcy cyłu nóc ­rej­wać. Hižo ­nět­ko je tón abo tamny za­wěsće hižo wćipny na ju­trownu nje­dźelu. Potom w Šu­nowje zaso rěka: Fiesta Biggest 2020!

Jurij Bjeńš

Čłonojo Serbskeje murje ­přewjedźechu swoju hłownu zhromadźiznu w dźěłarni

Měr­ćina Nowaka-

Njechorńskeho.

Danilo Dej

a Dawid Wowčer

Radworska młodźina je mjez hodami a Nowym lětom swoju hłownu zhromadźiznu wotměła.

W Radworskim „Słodeńku“ wuhód­no­ćich­my minjene lěto a zhladowachmy hižo na nowe lěto ze wšěmi projektami, kotrež na nas čaka­ja. ­Danila Deja a Dawida Wowče­rja wu­zwolichmy za stare/nowe před­sydstwo kluba.

W diskusijnym kole wuhód­no­­­­ćichmy po tym wob­­chadźenje z prawidła­mi w na­­­šim młodźin­skim klubje. Wjeselimy so na lě­to 2020 a na no­wy lětdźe­satk, na dal­še pro­jek­ty kaž tež na zhromadne swjedźenje z wjes­nja­nami a ho­sći­mi.

Tobias Wencl

Kaž kóžde lěto 30. decembra zetkachu so tež tónraz zaso serbske koparske mustwa we Worklečanskej ćěłozwu­čo­warni, zo bychu lěto z naj­­wjet­šim serbskim kopar­skim turněrom w hali wu­klinčeć dali. W dwěmaj staf­lomaj wojowaše dźesać mu­stwow najprjedy wo zaćah do połfi­nala. Prěnje zastupnistwo Worklečan­ske­je mło­dźi­ny je docpě a dyr­bje­še pře­ćiwo Worklečanskej mło­dźi­nje II nastupić. Druhe za­stupnistwo doby 2:1. Chró­šće­njo doby­chu druhe semifinale přećiwo Pěske­čanam 3:2. W finalu bě­chu Chróšćenjo po hattricku Křesćana Zahrodni­ka z 3:1 wuspěšni. Zahrodnik zaruči sej tež krónu naj­lěp­še­ho třěl­ca wrotow, No­wosličan Dawid Matik bě naj­wustojniši wrotar. tekst a foto: Kilian Hrjehor

Serbske cyłki su 4. januara wo pokal Towarstwa Cyrila a Metoda za bulom honili. Šěsć ­mustwow bě za tradicionalne zarjadowanje přizjewjenych, a dokelž so hrajerjo z wjetšeho ­dźěla znajachu, nastachu horce duele z rjanymi wrotami a twjerdymi, ale fairnymi dwubojemi. Na kóncu přesadźichu so koparjo Zornowca Hórki. Najfairniši cyłk bě Módra pjeć, najwuspěšniši třělc Michał Młynk, najkmańši ­wrotar ­Fabian ­Hejduška a najlěpši hrajer ­Jonas Zynda. Jurij Bjeńš

Aquina Žurec

z Róžanta, 16 lět

W prěnim rjedźe chcu wězo kaž nimale kóždy druhi ­młodostny tróšku wjac

za šulu činić a so dale polěpšić. A chcu sej tež dosć chwile za přećelow

a swójbnych

brać.

Lukaš Ćemjer

z Worklec, 14 lět

Za lěto 2020 sym sej tři cile stajił. Chcu w swobodnym ­času wjac sportować,

a w šuli chcu so dale polěpšić. Najwažniše předewzaće

pak je, zo chcu sej lětsa

chwile za swojich

přećelow wzać.

Ławrjenc Bobka

z Miłoćic, 16 lět

Chcu sprěnja šulske wukony

a z nimi zwisowace wuknjenje a pilnosć polěpšić. Zdruha ­chcu na sportowym,

a wosebje na wolejbulowym polu dale aktiwny

wostać.

Rafaela Domaškec

z Nowoslic, 17 lět

Za nowe lěto sym sej předewzała,

bóle na sebje samu kedźbować a na swój­skich kwalitach dale dźěłać. Chcu so lěpje zežiwić, na přikład chcu so mjasa wzdać. Chcu sej tež do ­někotrych nowych, cuzych krajow ­dolećeć. Ale najwažniše je, zo

wostanjemy wšitcy strowi

a kóždy to čini, štož

jemu wjeselo

wobradźa!