Sakske myto biblioteki 2020
Drježdźany. Biblioteka w Ebersbachu-Neugersdorfje dóstanje z 10 000 eurow dotěrowane Sakske myto biblioteki 2020, dokelž „přikładnje pokazuje, kak profesionalne bibliotekarske dźěło a čestnohamtski angažement hromadźe skutkujetej, zo byštej kulturnu mnohotnosć tež na wsy a přez krajne mjezy wuprudźałoj“, zdźěli dźensa ministerka za kulturu Barbara Klepsch (CDU).
Warnuja před Barcelonu
Berlin. Přiběracych koronainfekcijow w Španiskej dla wonkowne ministerstwo wotradźa, so na turistisku jězbu do wšelakorych regionow najwoblubowanišeho dowoloweho kraja Němcow podać. To płaći za Katalonsku ze stolicu Barcelonu a přibrjohi na Costa Brava kaž tež za kónčinje Aragón a Navarra, nic pak za Baleary z kupu Mallorca a za Kanary.
Hladaja rowy wótčincow
Praha. Wjacore rowy wuznamnych wosobinow čěskeho narodneho žiwjenja su dźensa zapusćene abo wohrožene, zo je spušća. W tym zwisku na přikład w Praze jednotliwcy, towarstwa abo ródne gmejny mjeztym 220 tajkich městnow poslednjeho wotpočinka hladaja a trěbne popłatki płaća.
Dr. Annalena Schmidt, stawiznarka mjez druhim na Budyskim Serbskim instituće (SI), sprjewine město wopušći. Zdobom złoži mandat měšćanskeje radźićelki, kotryž bě sej loni na lisćinje Zwjazka 90/Zelenych zdobyła. Bosćan Nawka je so z njej rozmołwjał.
Knjeni dr. Schmidt, čehodla Budyšinej božemje prajiće?
A. Schmidt: Najwažniša přičina je, zo chcu prosće bliže swojemu dźěłowemu městnu bydlić. Nažel njedóstach po wuběženju zrěčenja z SI žadyn poskitk, kotryž so mi jara spodobaše. Rozšěrich tuž pytanski radius a nańdźech naposledk dźěło w Radebeulu, hdźež za Diakoniju Sakskeje skutkuju. Po měsacach dojězdźowanja – ze zjawnym wosobowym bliskowobchadom traje jednotliwa čara rady dlěje hač połdra hodźiny – sym zwěsćiła, zo njemóžu tak ani hłowno- ani čestnohamtskim nadawkam tak wotpowědować, kaž bych to chcyła.
Sće serbšćinu nawuknyła a rěčnica dźěłoweho kruha za serbske naležnosće. Wot lonšeho sće měšćanska radźićelka ...
Budyšin (SN/CoR). 3. festiwal „Witajće druhdźe“ přihotuje Budyske Němsko-Serbske ludowe dźiwadło za dny wot 17. do 20. septembra. „Titul je wědoma witanska formula, z kotrejž NSLDź jeno swoju wotewrjenosć nastupajo transkulturnu zhromadnosć njesignalizuje, ale tež cyle konkretne dźiwadłowe projekty z cyłeje Němskeje“, wottam rěka. Nimo na NSLDź nastachu na sydom němskich měšćanskich a statnych dźiwadłach projekty młodych ludźi k temje „Přećiwo wšěm mjezam“, w kotrymž so wobdźělnicy „z integraciju a migraciju jako zakładnymaj wuměnjenjomaj a wužadanjomaj europskeje towaršnosće kaž tež z naratiwami wo mjezach splahow a z regionalnymi identitami rozestajeja“. Z Němskeje wobdźěla so ze swojimi lajskimi skupinami Dźiwadło Kamjenica, Statne dźiwadło Drježdźany, Mnichowske komorne hry, Dźiwadło a orchester Heidelberg, Dźiwadło nad rěku Ruhr a Němske dźiwadło Berlin. Nimo toho witaja ze Sewjerneje Irskeje cyłk Dylan Quinn Dance Theatre.
Rěč zachować dyrbiš z bazy sem. Wo tym je Diana Maticowa kruće přeswědčena. Wot lěta 2010 nawjeduje wona jako předsydka Slepjanski kwasny kwasny ćah, kotryž prawidłownje na zarjadowanjach w Slepjanskim regionje wustupuje.
Wot 2014 je Maticowa regionalna rěčnica Domowiny za teritorij Slepjanskeje župy „Jakub Lorenc-Zalěski“. Zdobom je městožupanka regionalneho Domowinskeho zwjazka. Na namjet CDU přisłuša Slepjanka štyričłonskej přiradźe za serbske naležnosće Zhorjelskeho wokrjesneho sejmika. „Předewšěm budu so za zachowanje rěče zasadźeć. Wažne je mi dalewjedźenje koncepta Witaj w Rownjanskej pěstowarni ,Milenka‘, dalewjedźenje koncepta 2plus na Slepjanskej zakładnej a wyšej šuli, runje tak kaž wožiwjenje serbskeje rěče mjez dorosćenymi“, wona podšmórnje.
Zašły tydźeń běchu serbscy muzejownicy na tři zarjadowanja ze wšelkej zaběru přeprosyli. Na jednym městnje stejachu baje, na dalšim dyrdomdejske wodźenje po sprjewinym měsće a na třećim tworjace wuměłstwo.
Washington (dpa/SN). Prezident USA Donald Trump chce bywšeho oficěra wójska, połkownika Douglasa Macgregora, za naslědnika Richarda Grenella jako wulkopósłanca do Berlina pósłać. To wuchadźa ze zdźělenki Běłeho domu. Namjety za zastojnstwo wulkopósłanca ma senat schwalić, wotpowědny termin pak dotal znaty njeje. Macgregor bě Němsku w zašłosći, runje tak kaž Trump, přesnadnych wudawkow za brónjenje dla zas a zaso kritizował.
Wjace infekcijow w Awstriskej
Wien (dpa/SN). Ličba infekcijow z koronawirusom w turistiskim srjedźišću St. Wolfgang w hornjej Awstriskej je wo 18 na nětko znajmjeńša 62 rozrostła. Kaž zamołwići rozprawjeja, su nimale wšitke tysac testow wuhódnoćili. Najwjetši dźěl natyknjenych su sobudźěłaćerjo hotelow a hosćencow. Wirus bě wudyrił, po tym zo běchu so młodźi sezonowi pomocnicy k swjedźenjam zetkawali.
Trump hrozy demonstrantam
Wusnjeny paduch je policistam dźěło wolóžił – dyrbjachu jeho jenož hišće wubudźić. 39lětny zadobywar je sej w Göttingenskim bydlenju wusnył, do kotrehož bě so namócnje zadobył. 29lětny wobydler jeho při nawróće sobotu rano spjaceho wuhlada, zamkny bydlenje a zawoła policiju. Čehodla bě sej muž při pytanju za rubiznu wusnył a hač bě wopity, policija bohužel njepřeradźi.
Hnydom dwójce je šofer transportera wčera w Sankt Egidienje w Zwickauskim wokrjesu spytał pjany z awtom jěć. Mandźelskemu porikej bě chabłacy 59lětny při tankowni napadnył. Žona móžeše jemu klučiki wotewzać, doniž policija njepřijědźe. Ta naměri w jeho kreji 3,3 promile alkohola. Něšto hodźin pozdźišo su zastojnikow wospjet wołali, dokelž chcyše muž dale jěć. Nowy test wunjese přeco hišće 1,6 promilow.