Z wudaća: wutora, 28 julija 2020

wutora, 28 julija 2020 14:00

Pokazaja modu před kofejownju

Wojerecy (SiR/SN). Staroměšćanski bulwar we Wojerecach tež lětsa žiwjenje w měsće wulkotnje wobohaća. To měni mějićelka kofejownje „Rosali“ na Cyrkwinskej hasy Sylvia Hübner. Wona wobkedź­buje, zo wobydlerjo, hosćo a dowol­nicy poskitki jara rady přiji­maja, byrnjež wobmjezowanja korona­pandemije dla trěbne byli. „Wězo je bulwar­ lětsa hinaši. Wulke swjedźenje pobrachuja, ale tež to je w porjadku. Naša­ žiwjenska situacija je hinaša, a dyr­bimy ju tajku přiwzać. Při­wšěm wu­hladam w měsće wjele wjace turistow, dowolnikow a kolesowarjow“, rozprawja Sylvia Hübner.

Runja lońšemu staroměšćanskemu bulwarej změja tež lětsa modowu přehladku, kotruž Sylvia Hübner hromadźe z dalšimi angažowanymi pomocnikami organizuje. Holcy a žony, kotrež pisanu modu Grodkowskeje butiki „For Women“ prezentuja, pochadźeja z kruha swójbnych a přećelow.

wozjewjene w: Łužica
wutora, 28 julija 2020 14:00

Radźićeljo so zetkaja

Njebjelčicy. Přichodne posedźenje gmejnskeje rady Njebjelčic wotměje so zajutřišim, štwórtk, w 19.30 hodź. w sydarni tamnišeho gmejnskeho zarjada. Wot zastupowaceho wjesnjanosty To­maša Klara podpisany dnjowy porjad předwidźi, zo dyrbja sydom wobzamknjenjow ze 16. apryla cofnyć a znowa wobzamknyć. Při tym jedna so wo najwšelakoriše twarske naležnosće, kotrež chcedźa wobydlerjo na swojich ležownosćach zwoprawdźić. Nimo toho chcedźa architektowe zrěčenje za twarski plan noweje bydlenskeje štwórće w Serbskich Pazlicach wotzamknyć.

Z busom do Krupki

Radwor. Hišće hač do pjatka tohole tydźe­nja móža so zajimcy přizjewić, kotřiž chcedźa srjedu, 12. awgusta, z busom na putnisku Božu mšu do Krupki sobu jěć. Přizjewjenja přijimuje Šmitec wozy­dłownistwo w Radworju pod telefonowym čisłom 03 59 35 / 28 60.

wozjewjene w: Z městow a wsow
wutora, 28 julija 2020 14:00

Na twjerdźiznje zaso žiwjenje knježi

Wobmjezowanjow korony dla je minjeny čas žiwjenje tež na Jakubec twjerdźiznje w Mortkowje chětro womjelknyło. Předwčerawšim pak běchu tam zaso raz dźěći přeprošene, za kotrež wuhotowachu wosebity twjerdźiznowy swjedźeń. Před twjerdźiznu a na njej móžachu mali wopytowarjo wjele wuslědźić. Tak wabjachu hry, alpa­ki a ponyje, kotrež smědźachu majkać, jězby z konjacymi zapřahami, koło zboža,­ šminkowanje a wšelake předawanišća. Foto: Gernot Menzel

wozjewjene w: Łužica
wutora, 28 julija 2020 14:00

Policija (28.07.20)

Wopiteho lepili

Kamjenc. Na pózdnim njedźelnym popołdnju je wodźer awta při tankowni na Ma­cherowej w Kamjencu do wabjenskeje tafle zajěł, ale so wo nastatu škodu njestarał. Swědcy tuž za nim jědźechu a informowachu policiju. Zastojnicy 62­lětneho krótko na to lepichu a pytnychu, zo bě wón alkohol pił. Při kontroli na­měrichu pola njeho 1,66 promilow. Jězbnu dowolnosć a awtowy klučik dyrbješe šofer wotedać a změje so nětko wohroženja nadróžneho wobchada dla zamołwić.

wozjewjene w: Policija

Po nowym spočatku loni w krajnej lize budźe Tomaš Henčl prěnje koparske mustwo Budissy Budyšin w nowej hrajnej dobje dale trenować. Z Łušćanom je so­ Hanspeter Benad rozmołwjał.

Medije pisaja, zo maće wjacore wotchady w mustwje, kotrež sće hakle loni hromadu zestajeli.

T. Henčl: To w kopańcy k tomu słuša. W kóždym mustwje su změny, wotchady a přichady. Budissu Budyšin wopušća Joseph­ Gröschke (Chemija Carny Gózd), Jakub Sidlo (FK Velké Hamry), Max Kubitz, Denny Gärtner a Marco Fischer (wšitcy Rakečanske ST) a Philipp Mühlmann (SV Oberoderwitz).

A na tamnej stronje steja přichady.

T. Henčl: Wjeselimy so na Tonija Barnickela (Jednota Kamjenc), Franza Voigta (Zeleno-běli Bukecy), Christophera Gebhardta (Kamjeničanski FC), Jannika Käpplera (Biskopičanske KT 08) a dalšich.

Młynkec łuka wostanje zawěsće hłowne hrajnišćo?

T. Henčl: Chcemy swoje domjace partije dale stajnje sobotu na Młynkec łuce přewjedować a tam tež znajmjeńša jónu wob tydźeń trenować.

Kotry cil abo kotre cile maće za hrajnu dobu 2020/2021?

wozjewjene w: Sport
wutora, 28 julija 2020 14:00

Połčasaj dosć rozdźělnej byłoj

Natwar Němske Pazlicy

– Sokoł Ralbicy/Hórki 2:2 (2:0)

Za Ralbicy zasadźeni: Schöne – Bejma, Materna, Šewc, M. Matka, Gloxyn, Rachela, Šiman, G. Kurjat, Janca, Domaška, K. Matka, Młynk, Lešawa, Nuk, Ćěsla, Budar

wozjewjene w: Sport
wutora, 28 julija 2020 14:00

Prěni test za nowu sezonu dobyli

VfB Žitawa – SJ Chrósćicy 0:1 (0:1)

Za hosći hrajachu: Hejduška – B. Cyž, F. Cyž, Sentivan, L. Zahrodnik, Zynda, G. Zahrodnik, Runt, F. Zahrodnik, Paška, Handrik, Mark, M. Cyž.

wozjewjene w: Sport
wutora, 28 julija 2020 14:00

Přihotowanski derby w Rakecach

Klasu wyše hrajace prěnje koparske mustwo Rakečanskeho ST je njedźelu při­hotowansku partiju za nowu hrajnu dobu přećiwo wokrjesnemu wyšemu ligistej z Kulowa 3:0 dobyło. Z Dirkom Šołtu, Michałom Młynkom (wobaj Rakecy) a Bjarnatom Korchom­ (srjedźa, Kulow) stejachu na trawniku hnydom třo hrajerjo Serbskeje kopar­skeje wubranki. Swój přichodny test změja Rakečenjo njedźelu, 2. awgusta, znowa doma, a to wot 13 hodź. přećiwo FSV 1990 Nowosólcej-Hródkej. Módro-běli z Kulowa hraja hakle­ zaso tydźeń pozdźišo, 9. awgusta, wot 14 hodź. pola Germanije Peickwitz. Foto: Werner Müller

wozjewjene w: Sport

Jako bě koronapandemija Europu a Němsku trjechiła, měješe to tež wu­skut­ki za sportowe towarstwo w Radworju. Koparjo a dalši sobustawojo njemóžachu hižo trenować, dokelž běchu­ sportnišćo, hrajkanišćo kaž tež sportowa hala nadobo zawrjene. Tež dalše wot­rjady běchu potrjechene. Radwor­scy koparjo pak běchu w tym času přiwšěm aktiw­ni, a to w socialnych medijach. Tak na přikład na Instagramje, hdźež wozjewichu kreatiwne wideja a fota.

Sportowcy pak njeběchu jenož digitalnje aktiwni, ale tež pod hołym njebjom. Aktual­ny trenar Mario Bischof žadaše sej w času pandemije wot swojich chowancow, zo samostatnje trójce wob tydźeń wšelakore zwučowanja přewjeduja. K tomu zahaji wón mału challenge. Ra­dworski koparski cyłk dyrbješe zhromadnje sto kilometrow na tydźeń joggować. Ličby naběhanych kilometrow jednot­liwcow su aděrowali. To so cyłkej jara derje­ poradźi, wón nahromadźi kóždy tydźeń­ sto kilometrow a wjace.

wozjewjene w: Sport

Serbska debata

nowostki LND