Z wudaća: štwórtk, 30 julija 2020

štwórtk, 30 julija 2020 14:00

Do kina (30.07.20)

30.7.–5.8.2020

Budyski filmowy palast:

Salzburg im Kino: so 17:00 a 21:00 The Vigil – Die Totenwache: wšědnje 20:00 Paw Patrol: Mighty Pups: nj 14:30, 15:00 a 16:00 Asterix und das Geheimnis des Zaubertranks: wu a srj 9:45 a 10:00 Der Weiße Hai: nj 17:00 Edison – Ein Leben voller Licht: wšědnje 17:30 a 19:45 Into the Beat – Dein herz tanzt: wšědnje 15:00 (nimo nj) a 17:30 | wu a srj 10:15 Undine: štw, so a wu 17:00 Paddington: wšědnje 14:45 | wu a srj 10:15 Takeover – Voll Vertauscht: wšědnje 15:00, 17:00 a 19:30 | srj 10:00 Onward: Keine halben Sachen: wšědnje 15:00 Meine Freundin Conni – Geheimnis um Kater Mau: wšědnje 14:45 a 16:45 | wu a srj 10:15 Marie Curie – Elemente des Lebens­: wšědnje 17:00 a 19:30 Das Beste­ kommt noch: pj, pó a srj 17:00 Knives Out – Mord ist Familiensache: štw a wu 17:15 Unhinged – Außer Kontrolle: wšědnje 17:15 (nimo so) a 19:45 (nimo so) | so 19:00 Out of Play – Der Weg zurück: wšědnje 19:30 Die Känguru-Chroniken: wšědnje 19:30 Mina & die Traumzauberer: wšědnje 15:00 (nimo so a nj) | so 14:45 Nightlife: wšědnje 17:15 (nimo štw a wu) Gretel & Hänsel: wšědnje 20:00 Lassie – Eine abenteurliche Reise: wšědnje 14:45 Sonic the Hedgehog: wšědnje 15:15 | wu a srj 10:15

wozjewjene w: Do kina
štwórtk, 30 julija 2020 14:00

Nócna zahrodna kriminalka

Budyske dźiwadło prěni dohlad do klětušeho spektakla na Hrodźe dało

Mišterski detektiw přepytuje w Budyšinje. Sherlock Holmes sedźi na dźiwa­dłowej zahrodźe a dopokazuje swój duchowny talent. Jemu poboku je dr. Watson, kiž jeho rady raz „naduteho facku“ mjenuje. Jeju dyrdomdej započina so w Londonje z mysterioznym padom, wjeducym jeju naposledk do Łužicy.

Z programom „Sherlock Holmes 1 – Paski Beatlesow“ podawa Němsko-Serbske ludowe dźiwadło prěni zaćišć wul­keho lětnjeho spektakla pod hołym njebjom­, kotryž dyrbješe lětsa korony dla wupadnyć. Klětu chcedźa inscenaciju po zwučenym wašnju na Budyskim hrodźe předstajić. Program je skerje čitanje dyžli činohra. Přiwšěm wopřijima derje hrate sceny, spěwy Beatlesow a na kla­wěrje wot komponista samoho inter­pre­towanu rjanu hudźbu Tassa Schille. Intendant NSLDź Lutz Hillmann přeradźa z wječorom někotryžkuli detail scenarija, kiž je swobodnje po knihach Arthura Conana Doyla spisał, a wukonja sam rólu powědarja na jewišću.

wozjewjene w: Kultura
štwórtk, 30 julija 2020 14:00

Dźěći wětra w Hornjej Łužicy

Pisane zmije z drobnuškeje papjery tworja aktualnu wosebitu wustajeńcu Ochranowskeho ludowědneho muzeja.

Lochkokřidłate fantastiske wutwory pjelnja cyłu rumnosć. Někotre hodźa so prosće wobdźiwać, někotre móža woprawdźe lětać. Wšitke su na opulentne wašnje po rumnosći rozdźělene, špihel na špundowanju rjanosć samo hišće podwoja. Poprawom zdadźa so tak bliske być, zo móhł so jich dótkać. Powabk, je přimać, pak je haćeny – štó žno rady na špihel stupi? Jedna so tuž wo předewšěm optisku radosć, kotruž su kuratorki z Lipšćanskeho Grassijoweho muzeja kaž tež z priwatneje zběrki Scheps/Glöckner cyle kedźbliwje do Ochranowa přiwjedli. Kóždej wuměłskej twórbje je taflička z roz­łožowacym tekstom přirjadowana. Tam je napisane, što kóždy zmij zamóže a kotru pomoc wón skići – znajmjeńša potom, hdyž kruće do toho wěriš.

wozjewjene w: Kultura
štwórtk, 30 julija 2020 14:00

Pytaja pomocnikow za „restart-19“

Tež sportowče a sportowcy chcedźa so spěšnje zaso k normaliće wróćić. To­hodla podpěruje TeamSportSachsen slědźerski projekt „restart-19“, kotryž za­běra so z rizikom natyknjenja z korona­wirusom. 4 000 młodych a strowych wobdźělnikow móže so za simulaciju zarja­dowanja w Lipsku přizjewić. Slědźer­ski projekt „restart-19“ Uniwersity Halle ma zaměr, riziko natyknjenja z wulko­zarjadowanjom w hali simulěrować a při tym wuměnjenja přeslědźić, pod kotrymiž hodźeli so wulkozarjadowanja na­je­bać pandemiju přewjesć, bjeztoho zo by ludnosć wohrožena była. Štóž ma zajim, njech pohlada pod www.restart19.de.

wozjewjene w: Sport
štwórtk, 30 julija 2020 14:00

Starobna klasa młodźina C pyta trenarja

Koparkow a koparjow na małym polu, potajkim w starobnej klasy F (9/10 lět), E (11/12 lět) a D (13/14 lět) maja serbske sportowe towarstwa dosć. Zahoritosć za kopańcu je w tej starobje hišće njesměrnje wulka. Hdyž pak so čas na wulkim hrajnišću bliži, so tón abo tamny kopar nadobo tohodla sporta wzda. Tež trenarjow je dźeń a mjenje.

Před 15 do 20 lětami njebě hišće trjeba hrajne koparske zjednoćenstwa wutworić, dźensa pak ma nimale kóžde koparske towarstwo na wokrjesnej runinje partnerske mustwo – a to primarnje pola juniorow. Přičina je hižo dlěši čas znata. Na wulkim polu prosće 15 do 20 hra­jerjow hižo nimaja, kotřiž su hladajo na cyłu sezonu trěbni. Tohodla su minjenu sezonu štyri serbske towarstwa pola młodźiny C, B a A tajke hrajne zjednoćenstwo wutworili. Su to ST Marijina hwězda, SJ Chrósćicy, SJ Njebjelčicy a Sokoł Ralbicy/Hórki. Serbske koparske towarstwa so tak nadźijeja, zwólniwych hrajerjow dale wukubłać a potom tež pola muži witać móc.

wozjewjene w: Sport
štwórtk, 30 julija 2020 14:00

Koparske testowe hry

01.08. 15.00 SJ Chrósćicy –

  Wojerowski FC

02.08. 11.30 ST Marijina hwězda –

  ST Ćisk

02.08. 14.00 ST Porchow –

  ST Hbjelsk 1923

02.08. 15.00 Traktor Malešecy –

  ST Bart 90

07.08. 19:00 ST Marijina hwězda –

  Hlinowski SC

07.08. 18:30 SJ Chrósćicy –

  Łaz/Běły Chołmc

08.08. 16:00 SJ Chrósćicy –

  FV Biskopicy II

14.08. 18:00 LZS Raszowa (PL) –

  SJ Chrósćicy

15.08. 14.00 Módro-běli Kulow –

  SJ Njebjelčicy

wozjewjene w: Sport

Serbska debata

nowostki LND