Z wudaća: póndźela, 16 nowembera 2020

Budyšin (SN/MWj). Přeco zaso dyrbi po­lici­ja rozprawjeć, zo spytaja wobšud­nicy staršim ludźom při telefonje pje­njezy wulišćić. Zwjetša wužiwaja při tym tak mjenowany wnučkowy trik abo wuda­waja, zo trjebaja pjenjezy, dokelž chcedźa sej awto kupić. Najnowši trik je, zo wobšudnicy ludźom napowědaja, zo je jedyn z přiwuznych na koronawirus schorjeł, zo trjeba nuznje medikament a zo dyrbi jón sam financować. Mjeztym zo najwjetši dźěl ludźi prawje reaguje a tele­fonat skónči, by so njedawno tajki trik nimale poradźił.

92lětna žona měješe za wustrowjenje swojeho syna 14 000 eurow zapłaćić. Pozdatny lěkar z Čěskeje pola njeje za­zwoni a rozprawješe jej wo schorjenym synje. Staruška wo to prošeše, zo smě ze sy­nom rěčeć. Na to so při telefonje płakacy hłós přizjewi a rjekny sady kaž „Njemóžu prawje dychać.“ a „Ja ći pjenjezy zaso wróću.“ Na to „lěkar“ zaso telefonat přewza. We wušiknej rozmołwje wón žonu přerěča, z pjenjezami do Pólskeje jěć a je tam někomu přepodać. Za to chcyše jej taksi słać. Žonje pak wón kruće zakaza, z někim wo tym rěčeć.

Budyšin. Koronapandemija wuskutkuje so nětko tež na Serbsku kulturnu informaciju w Budyskim Serbskim domje. Kaž wottam rěkaše, maja wot dźensni­šeho na njewěsty čas skrótšene wote­wrjenske časy. SKI je nětko wšědnje jenož hišće wot 10 do 14 hodź. přistupna.

Sudnistwo rozsudźiło

Kulow. Wjacore lěta trajace juristiske rozestajenje mjez městom Kulowom a Łazowskej gmejnu je skónčene. W druhej instancy je Kulow skóržbu přećiwo susodnej gmejnje přěhrał. Tak bě prawnisce w porjadku, zo je Łaz w lěće 2015 wupowědźił, wopłóčki z Wulkich Ždźarow a Koblic do Kulowskeje wodočisćernje klumpać. Wot toho časa ćeku wopłóčki z wobeju wsow do wodočisćernje na Horach. Po słowach Kulowskeho měšća­no­sty Markusa Poscha (CDU) najnowši wusud akceptuja. Wupowědźenja dla pak ma Kulow mjenje wopłóčkowych popłatkow.

Dóstanu nowy tomograf

W kuchni so paliło

Bronjo. Wuchowanske mocy, wohnjowu woboru a policiju wołachu sobotu dopołdnja do Bronja, dokelž bě w kuchni bydlenskeho domu woheń wudyrił. 73lětna žona chcyše tam butru škrěć. Najskerje je wona na pónoj zabyła, tak zo poča so ta palić. Na zbožo so nichtó nje­zrani. Wěcna škoda pak wučinja něhdźe 1 000 eurow.

Na awto jeja mjetali

Radeberg. Překwapjenku hinašeho razu dožiwi 25lětny wodźer BMWja sobotu wječor w Radebergu. Na jeho parkowane jězdźidło mjetachu njeznaći něhdźe 30 jejow a sypnychu na nje nimo toho hišće tójšto konfetija. Wěcna škoda žana njenasta, policija pad přiwšěm přepytuje.

Wóslink. Kóždu srjedu w pjatej šulskej hodźinje swjeća na Wóslinčanskej ewangelskej srjedźnej šuli Božu słužbu na kotruž witaja šulerjow pod zwukami pi­šćelow w cyrkwi. Minjenu srjedu pak bě wšitko trochu hinak, přetož tónraz za­hu­dźištej skupinje dujerjow na hońt­wjer­skich róžkach z Wojerec a Lejnoho (Geiers­walde). Wojerowski diakon Torsten Vogel swjećeše ze šulerjemi Hubertusowe kemše a zbliži jim mjez druhim stawiznu swjateho Hubertusa, štož wob­rubichu dujerjo z wjacorymi kruchami na hońtwjerskich róžkach. W tym zwisku Torsten Vogel napominaše, zo měli z přirodu kedźbliwje wobchadźeć a sej kóžde stworjenje česćić. Po puću wróćo do šu­le słyšachu šulerjo znowa hońtwjerske róžki, přetož dujerjo běchu so wonka hišće raz zestupali. Daniela Jawinski

Mjez lockdownomaj su dorostowe mustwa­ na teritoriju Zapadołužiskeho koparskeho zwjazka (WFV) kaž tež ­Sakskeho koparskeho zwjazka hrali. Tule wozjewja WFV aktual­ne tabulki dorosta.

młodźina B, wokrjesna liga, stafla 1

HZ Radwor – HZ Bukecy 6:3 (3:1)

HZ Załom – Póst Budyšin 0:7 (0:2)

HZ Njeswačidło – HZ Ćisk 3:4 (0:2)

1. HZ Zeleno-běli Bukecy 6 40 : 9 15

2. HZ ST 1922 Radwor 5 21 : 6 13

3. HZ ST Hnašecy-Dobruša 4 27 : 3 12

4. HZ FV Concordia Załom 6 21 : 37 7

5. HZ ST Ćisk 5 9 : 22 6

6. Póst Germania Budyšin 4 11 : 11 4

7. HZ TSV 90 Wjazońca 5 8 : 18 3

8. HZ MB Njeswačidło 4 11 : 22 1

9. ST Bart 3 2 : 22 0

młodźina B, wokrjesna liga, stafla 2

Großröhrsdorf – Arnsdorfske KT 1:2 (1:0)

HZ Chrósćicy – HZ Großnaund.2:2 (1:2)

HZ Bretnig-Hausw. – HZ Kamjenc 2:2 (1:2)

HZ Wětnica/Hola- Porchow 5:3 (3:2)

1. FSV Bretnig-Hauswalde 5 24 : 7 13

2. HZ Zeleno-běli Sepicy 5 17 : 7 12

3. HZ Němske Pazlicy 4 17 : 9 12

4. HZ Jednota Kamjenc 5 15 : 5 11

5. HZ SJ Chrósćicy 1981 6 21 : 14 11

6. Arnsdorfske KT 5 14 : 14 6

7. HZ SG Großnaundorf 5 6 : 18 4

8. HZ SG Wětnica/Hola 5 13 : 26 4

9. SC 1911 Großröhrsdorf 6 7 : 19 1

10. ST Porchow 6 9 : 24 0

młodźina C, wokrjesna liga, stafla 1

HZ Porchow – HZ W. Dubrawa 0:6 (0:4)

HZ Ćisk – Póst Budyšin 0:3 (0:2)

HZ Malešecy – HZ Rakecy4:5 (2:2)

HZ Horni kraj-Sprjewja – Hodźij  6:1 (5:0)

1. HZ Rakečanske ST 5 38 : 7 15

2. HZ Wulka Dubrawa 5 32 : 5 12

3. HZ Traktor Malešecy 5 33 : 11 12

4. HZ Horni kraj-Sprjewja 6 26 : 22 9

5. Póst Germania Budyšin 5 12 : 16 9

6. HZ Motor Kumwałd 4 9 : 9 6

7. ST Hodźij 04 3 5 : 19 0

Po dwěmaj njerozsudnymaj wuslědkomaj k zazběhej sezony 2020/2021 je so Łužiskim lodohokejowym liškam w 2. němskej lize minjeny pjatk prěnje dobyće poradźiło. Mustwo trenarja Coreyja Neilsona přewiny cyłk EC Kassel Huskies ze 4:3 (1:1, 3:0, 0:2). W akciji widźimy tule Ludwiga Nirschla (74, Běła Woda) a Dominika Tiffelsa (58, Kassel). Wčera pak su Łužičenjo pola EV Landshuta z 2:4 (0:1, 1:2, 1:1) podleželi. Foto: Thomas Heide

Awtor dźensa Michał Nuk

Štóž je sej zašłe sportowe kolumny přečitał, tomu je zawěsće wěsta njespokojnosć z tuchwilnej situaciju napadnyła, hdyž diktuje wirus, hač, hdźe a na kotre wašnje smě so hišće sportować. Bjez dźiwa – tu pisaja ludźo, kotřiž so za sport horja. Tak kaž nam dźe so tuchwilu njeličomnym dalšim. Sport słuša dźensa nimale samozrozumliwje do wšědneho žiwjenja kóždeho. Z nimale 30 milionami čłonow słušeja sportowe towarstwa w Němskej k najsylnišim towaršnostnym organizacijam.

Puć do koła 16 najlěpšich dorostowych cyłkow młodźiny w sakskim koparskim pokalnym kole njebě docyła loch­ki­. Nima­le wšitke hry běchu napjate a přez dołhi čas jara wotewrjene.

Do prěnjeho regularneho koła bě koparske mustwo Jednoty Kamjenc­ w před­kole pře­ćiwo druhemu zastupnistwu Soccer for Kids Drježdźany nastupiło. Tamniši koparjo su wosebje technisce přeco jara derje­ wukubłani. Mustwo hraje tež w krajnej klasy, ale w druhej stafli. Po spěšnej a ofensiwnej partiji wobeju cyłkow su so Kamjenčenjo skónčnje ze 7:4 přesadźili.

Dotal najnapjećiši duel za Jednotu bě w prěnim regularnym kole a to w Nowych Jěžercach (Neugersdorf). Mustwo z Hornjeje Łužicy bě w zašłej sezonje mišter­ sakskeje klasy, stafle wuchod. Po zastatku 0:2 hosćo w poslednjej sekundźe wurunachu. Podlěšenju přizamkny so hišće třělenje z dźewjeć metrow. Tam bě zbožo na boku Kamjenskich hrajerjow, kotřiž po poslednjej přetworjenej třělwje wulce wyskachu.

Magdeburg (B/SN). Lěto po nadpadźe na Hallesku synagogu ma ministerski prezident Saksko-Anhaltskeje Reiner Haseloff (CDU) Židow w Němskej za mjenje wohroženych. „Wězo njemóže to politika 100procentowsce rjec, ale zo smy po cyłej Němskej na kóždy pad wěsćiši hač před lětom, móžu tu z čistym swědomjom prajić“, wuzběhny Haseloff w nowinje Die Zeit. Zdźěłany wěstotny koncept poněčim zwoprawdźeja.

Rysuje puć k škitej klimy