Z wudaća: srjeda, 13 januara 2021

Sněh so dźe a zyma je. Wonkowne wuměnjenja za woblubowany ludowy nałožk ptačeho kwasa we Łužicy poprawom trjechja. Lěto 2021 pak je hinaše. Kaž hižo wulki dźěl minjeneho lěta škitne naprawy koronapandemije dla naše žiwjenje dale postajeja. Zjawne zarjadowanja žane njejsu, dźěćace přebywarnje su zawrjene hač na nuzowe zastaranje tych dźěći, kotrychž starši dźěłaja w tak mjenowanych za system relewantnych powołanjach. Mamy sej nós a hubu z nahubnikom škitać a strašne wiry wot našich­ slinowkow wotdźeržować. Sroka a hawron z tajkim škitom pak stej jeno ćežko předstajomnej.

25. januar jako dźeń ptačeho kwasa wězo budźe. Bohužel njemóža starši, wowki a dźědojo swojich najmłódšich lětsa w ptačokwasnym ćahu pěstowarnje abo zakładneje šule dožiwić. Runje tak njeje žaneje šansy, na jednej z hišće wobstejacych łužiskich žurlow tradicionalny program Serbskeho ludoweho ansambla dožiwić, ani za dorosćenych ani za dźěći nic, byrnjež titul lětušeho dźěćaceho ptačokwasneho programa „Kiž je z wětrom přišoł“ nas dosć wćipnych činił.

Sobudźěłaćerjo nadróžneje mištrownje z Budyšina wurězuja jónu wob lěto štomy a kerki při pućach. Tajke dźěła su stajnje w zymskim času předwidźane, a tak su fachowcy z wokrjesneho zawoda tež w křiwicy před Lišej Horu do směra na Njeswačidło hałzy štomow na štyri a poł metra přirězać a wjacore kerki wotstronić dyrbjeli. Tak maja šoferojo zaso lěpši přehlad na wobě kromje dróhi. Foto: Feliks Haza

Jakub Brězan je jedyn z hłownych organizatorow lětušeho Nukničanskeho jolka­-swjedźenja, kotryž sobotu internetnje přewjedu. Měrćin Weclich je so z młodym Prawočanom rozmołwjał.

Móže sej kóždy jolka-swjedźeń internetnje darmo wobhladać?

J. Brězan: Wužiwamy samsny program, kaž su jón na lońšej digitalnej schadźowance w nowembru měli. Štóž ma doma wotpowědnu internetnu syć, móže so pod adresu www.jolka-nuknica.de přizjewić. To dyrbi datoweho škita dla tak być. Potom móže so kóždy rozsudźić, hač chce so na jolce interaktiwnje z kameru a mikrofonom wobdźělić, abo hač chce jenož přihladować. Na kóždy pad to ničo njepłaći. Interaktiwne při­hladowarske městna pak su na 500 wobmjezowane.

Bjez dochodow a trěbnych pjenjez za wudawki pak tež digitalnje ničo njeběži. Zwotkel pomoc dóstanjeće?

J. Brězan: Wězo su nam zaso naši swěrni sponsorojo poboku. Załožba za serbski lud nas při techniskich naležnosćach podpěruje. A dale móžemy financielnje tež z předatych pakćikow našeho „zarězaneho swinka“ čerpać.

Hdy so jolka započnje, a što na přihladowarjow čaka?

Krynhelecy (AK/SN). Hamorska gmejna chce swój komunalny lěs dale zaměrnje a zamołwiće wobhospodarić. To po­twjerdźi nawodnica twarskeho zarjada Cortina Kokles póndźelu na posedźenju gmejnskeje rady w Krynhelčanskim kulturnym domje. Tam su hospodarski plan za komunalny lěs gmejny Hamor za lěto 2021 jednohłósnje wobzamknyli. „Dalša katastrofalna situacija škita lěsow a z toho wurosćace wikowanje z drjewom zawinujetej dalše přestorčenje loni planowaneho pušćenja štomow. Lěs wobhospodarja w nadawku gmejny statny zawod Sachsenforst, štož je 190 hektarow.

W hospodarskim planje 2021 maja pozitiw­ny wuslědk něhdźe 3 300 eurow za móžny. Gmejna planuje dochody 22 300 eurow z předanje drjewa. Etat předwidźi dohromady 19 050 eurow wu­daw­kow. W nich zapřijate je 13 658 eurow za pu­šćenje štomow, 570 eurow za po­zelenjenje wobstatka a 4 822 eurow za zarjadniske kóšty.

Sćiječenjo so z konceptom wuwića města Budyšina zaběrali

Sćijecy (CS/SN). Wjesna rada Sćijecy je so na swojim wčerawšim posedźenju z Integrowanym měšćanskim konceptom 2030+ rozestajała. W dokumenće, kotryž ma bórze jako 32stronska brošurka wuńć, su jednanske ćežišća za wuwiće města w přichodnych dźesać lětach zdźěłane, njezměja pak zakonsku móc. Při­wšěm tworja wone wotpowědne wuměnjenja za to, spěchowanske próstwy stajeć. Zdźěłali su koncept fachowe skupiny ze sobudźěłaćerjow měšćanskeho zarjadnistwa a lokalni akterojo, mjez nimi Załožba za serbski lud a Němsko-Serbske lu­dowe dźiwadło. Z něhdźe 550 namjetow dyrbjachu woni naprawy z najwjetšim efektom wuběrać. Wušła je z toho prioritna lisćina 20 dypkow, kotrež su nětko Sćiječanskej wjesnej radźe předstajili.

Na awtodróze A 4 mjez Budyšinom a Drježdźanami knježeše wčera wulki chaos. Sylne­ho sněhowanja dla su so pře­dewšěm­ nakładne awta ćežko měli. Wšako bě ze star­tom powołanskeho wobchada rano w šesćich čara do Drježdźan dospołnje zasněže­na. Płuh měješe ćeže so předrěć. Tež do směra na Zhorjelc je so wobchad jenož­ pomału hibał. Pola Połčnicy bě sedłowy wlečak cyłu jězdnju zašlahał. Tam dyrbjachu Techniski pomocny skutk na pomoc wołać. Foto: Christian Essler

„Sněh so saje, sněh njech traje ...“, to sej znajmjeńša dźěći tuchwilu přeja. Běła płachta­ k tomu wabi so po njej suwać, so w njej waleć, z njeje sněhoweho muža, iglu abo něšto hinaše twarić. Tež w Budyskich kónčinach dźěći wědźa, hdźe su najlěpše městna za sankowanje. Tak sej ze staršimi mjez druhim tež rady na Lubin (Drohmberg) njedaloko Rašowa (Rascha) wuleća. Foto: Carmen Schumann

Wojerecy. Doris Kasper chce ze swojim poskitkom sebjewědomje ludźi skrućić, zo njebychu so w swojej kreatiwiće wobmje­zować dali. To je wobsah jeje skutkowanja jako trenarka, wo kotrymž tež na swojej internetnej stronje www.dieideengeberin.de rozprawja. Studowana ­archeologowka bě wjacore lěta mějićelka dožiwjenskeho statoka w Ćisku. Mjeztym je wona dwě dźěćacej knize wudała, jednu w LND.

Njezapłaćomne wuměnjenja

Zhorjelc. Kwalita žiwjenja, rumy swobody, kreatiwita, angažowani ludźo, zajimawy dźěłowy swět a z njezapłaćomne by­dlenja zwonka wulkoměstow su wobsah internetneho poskitka pod hesłom kraj, kotryž njemóžeš zapłaćić (www.unbezahlbar.land.de). Iniciatiwa Zhorjelskeho wokrjesa předstaja tam mjez druhim předewzaća a přemysłownišća. Tuchwilu zajimuja wužiwarjow předewšěm regionalni poskićerjo a jich wudźěłki.

Nowe rjadowanje za šulu

Zawlečenje inscenowane było

Budyšin. Inscenowane zawlečenje je pjeć ludźom w Sakskej hněw z policiju wo­bra­dźiło. Kaž rěkaše, bu póndźelu při Budy­skej tankowni młoda žona do awta za­wlečena, na čož šofer z wulkej spěšnosću wotjědźe. 22lětny přećel žony in­formo­waše policiju a je sam ćěkacych přesćěhał. Policija zamó jich zadźeržeć. Štož za­stoj­nicy słyšachu, bě chětro njewšědne, a woni spěšnje zapřimnychu, zo bě za­wlečenje jenož inscenowane. Žona chcyše sej tak prawdźepodobnje dopokaz lubosće přećela wunuzować. Wobdźěleni maja nětko z přizjewjenjom znjewuži­wa­nja nuzoweho telefonata kaž tež zranjenja škitnych naprawow korony dla ličić.­

Padustwu zadźěwał

Rychwałd. Dźakowano pokiwej wobydlerja je policija njedźelu wječor njedaloko Rózborka padustwu kolesoweho nakładowaka zadźěwała. Swědk bě so nócneje jězby Lkw-ja dla dźiwał. Jako jón zastojnicy zadźeržachu, sedźeše za wodźidłom 32lětny Polak, kiž bě awto po wšěm zdaću krótko do toho pokradnył.

Wopity ćeknył