Z wudaća: pjatk, 15 januara 2021

Přihoty za prěni onlinowy jolka-swjedźeń z połnej paru běža. Wčera staj w Chrósćicach Bogdan a Jakub Brězan (wot lěwa) swinjo rězałoj a kołbasy za tak mjenowane jolka-pakćiki dźěłałoj. Jolku wusyłaja jutře wot 18 hodź. pod www.edudip.com/de/webinar/jolka-wjesny-klub-nuknica/670614. Zo by so swjedźeń zešlachćił, su jón firmownicy z wokoliny z pjenježnymi darami spěchowali, mjez druhim tež Rafael Vcelich z Koslowa, kiž lětuši wohnjostroj podpěruje. Foto: Feliks Haza

Před někotrymi lětami wobkedźbowach w Berlinje mi dotal njeznaty fenomen: ­Widźach dźeń a wjace młodostnych, kotřiž swoje šmóratko na njewšědne, płone wašnje blisko k hubje dźeržachu, zo bychu do mikrofona rěčeli. Kak pak runočasnu mobilnu rozmołwu sćěhować, hdyž je horni dźěl nastroja ze zatwarjenym słuchatkom daloko wot wucha zdaleny? Dyrbju přiznać, zo sym wotmołwu na swoje prašenje hakle po wěstym času zhonił. Město pisanja krótkich powěsćow, štož bě w 90tych lětach w formje SMSkow hišće nowa, atraktiwna alternatiwa k telefonatam, nabywaše w běhu lět zaso ertna komunikacija na woblubowanosći: rěčane a wotposkane powěsće. Nowe zwučenosće pokazuja so na wšelakich polach: streaming, podcast, posłužowanje nastrojow z rěču.

njedźelu, hornjoserbsce

11:00 Łužica tutón tydźeń

11:20 30 lět Serbske šulske towarstwo

11:45 Jolka-swjedźeń digitalnje

12:00 Nabožne wusyłanje

(Měrćin Deleńk)

po tym zbožopřeća

delnjoserbsce

12:30 Aktualny magacin, mjez druhim předstaja so kandidaća a kandidatki za wólby předsydstwa SŠT

13:00 Tematiske wusyłanje: Hudźbne pućowanje po Łužicy

13:40 Nabožne wusyłanje

 (Franc Deuse)

po tym zbožopřeća

Domyswjećenje za čas korony

Radwor/Chrósćicy. Serbske katolske wosady spočatk lěta předwidźane domyswjećenje lětsa rozdźělnje rja­duja. Mjez druhim chcedźa fararjo w Radworju a Wotrowje domske ze zhromadnej modlitwu zwonka twarjenjow žohnować. Koronakrizy pak to tuchwilu móžno njeje. Ručež so situacija polěpši, podadźa nowe terminy. W Chrósćicach planuja domyswjećenje po tradicionalnym wašnju, ručež wuměnjenja w zwisku z pandemiju to dowola.

Procesion po wsy njebudźe

Chrósćicy. Předsydstwo bratstwa swj. Bosćana přeproša wěriwych přichodnu srjedu, 20. januara, na swjedźeń patrona-martrarja. Bože mšě w Chróšćanskej farskej cyrkwi budu w 7 a 9 kaž tež 19 hodź. Nyšpor chcedźa w 14 hodź. swjećić, tradicionalny procesion po wsy pak lětsa wupadnje. Tež hłowna zhromadźizna čłonow bratstwa njebudźe. Dokelž tež zhromadny paćer 19. januara na wsach znatych postajenjow dla móžny njeje, měli so wěriwi doma ­modlić, kaž bratstwo w Katolskim Posole namołwja.

Nakupowanska pomoc

Bychu rady zaso raz dobyli

Po naposledk třoch poražkach chcedźa Łužiske lodohokejowe liški z Běłeje Wody negatiwnu seriju skónčić a dźensa w Crimmitschauwje zaso dypkować. Njedźelu wězo tež, potom hraja wone doma přećiwo ESV Kaufbeuren.

15.01. 20:00 LP Crimmitschau –

  Łužiske liški

17.01. 17:00 Łužiske liški –

  ESV Kaufbeuren

22.01. 19:30 Łužiske liški –

  EC Bad Nauheim

24.01. 18:30 Lawy Frankfurt –

  Łužiske liški

26.01. 19:30 Łužiske liški –

  LP Crimmitschau

29.01. 19:30 Lodowe lawy Drježdź. –

  Łužiske liški

31.01. 17:00 Łužiske liški –

  Bayreuth Tigers

Wolejbulistki zaso na parkeće

Wolejbulistki Drježdźanskeho SC, zastupjerki prěnjeje zwjazkoweje ligi, hraja njedźelu w Münsteru. To budźe zdobom prěnja winowatostna dypkowa partija ­lěta 2021. Wolejbulowe duele na zwjazkowej runinje móža zajimcy pak w te­lewi­ziji SPORT1 pak w livestreamje na www.sporttotal.tv dožiwić.

17.01. 14:30 USC Münster –

  Drježdźanski SC

23.01. 17:30 Drježdźanski SC –

  NAWARO Straubing

02.02. 19:00 Drježdźanski SC –

  VfB Suhl Lotto Durinska

03.02. 18:00 Allianz MTV Stuttgart –

  Drježdźanski SC

Smědźa licency podlěšić

Sobotu 16.1. 18:00 Prěni onlinowy jolka swjedźeń

Wutoru 19.1. 19:00 Gmejnska rada Łaz

Srjedu 20.1. 17:00 Gmejnska rada Rakecy

Štwórtk 21.1. 19:00 Gmejnska rada Chrósćicy

Wutoru 26.1. 17:00 Měšćanska rada Wojerecy

Srjedu 27.1. 14:00 Měšćanska rada Choćebuz

  16:00 Měšćanska rada Budyšin

Incidenca snadnje woteběra

Budyšin. 146 dalšich natyknjenjow z koronawirusom su wčera w Budyskim wokrjesu zwěsćili. Dalšich pjeć pacientow w starobje 69 do 84 lět je zemrěło. Tudyša incidenca wučinješe 352,33. W chorownjach wokrjesa lěkuja 179 koronapacientow, z nich 32 na intensiwnej staciji. W Zhorjelskim wokrjesu mějachu wčera 134 nowo­infekcijow a 30 smjertnych padow. Incidenca tam bě 310,22.

Pišćelowe lěto zahajene

Freiberg. Ze swjatočnym, online přistupnym koncertom bu wčera na narodninach najwuznamnišeho twarca „kralowny instrumentow“ baroka Gottfrieda Silbermanna Pišćelowe lěto 2021 w Freibergskej tachantskej cyrkwi zahajene. Hač do kónca lěta budu renoměrowani organisća po cyłej Němskej hudźić. Ně­hdźe 80 zarjadowanjow planuja w Sakskej, mjez druhim w Chróstawje.

Nowy Fabia-kombi wobkrućeny

Antonino Milazzo (nalěwo) je sej són, samopječene pizzy w swojim Budyskim wobchodźe Casa Milazzo na Drjewowych wikach poskićeć, zwoprawdźił. Wotnětka pječe tam pizza-pjekar Franco Rizzo (naprawo) něhdźe 40 wšelakich družin čerstweje pizzy, mjez druhim ekstra wulku, kotraž ma přeměr nimale poł metra a syći cyłu swójbu. Tajke a hinaše móža sej chłóšće huby w mjenowanym wobchodźe wot póndźele do pjatka stajnje wot 10 hodź. skazać a wotewzać. Foto: Maćij Bulank

Cordula Ratajczakowa

Před lětom přebywach na wědomostnej dźěłarničce we Waršawje, a dokelž bě jedyn z wobdźělnikow wegetar, smój kóždy dźeń hromadźe wegetarisce wobjedowałoj. Tež wječor w restawranće měješe so kóždy po ćichim prawidle wosebiteje zhromadnosće, so mjasa wzdać. Jónu pak mje pražena mexiska kołbasa chorizo tak wabješe, zo sym so solidarity wzdała. Hněwny komentar po zdaću tež nabožnych přičin dla wegetara wšak nablaku rěkaše: „You are eating my uncle!“ – „Ty jěš mojeho wuja!“

Serbski institut z pozitiwnym facitom a naročnym programom za 2021

Choćebuz/Budyšin (SN/bn). „Njehladajo na pandemiju smy loni wšo docpěli, štož smy sej za lěto 2020 do plana zapisali. Na přikład smy rěčnej portalej dolnoserbski.de a hornjoserbsce.de kaž tež soblex.de dale wutwarili. Tam wudospołnjamy lětsa dalše rěčne resursy. Tež za 2021 mamy połny dźěłowy plan. Wudamy wažne wědomostne publikacije, na přikład wobšěrne dwuzwjazkowe knihi wo stawiznach Hornjeje Łužicy w Druhej swětowej wójnje. Nimo toho změjemy dalšu ewaluaciju přez našu wědomostnu přiradu.“ Takle direktor dr. Hauke Bartels dźěławosć Serbskeho instituta (SI) zjima, poda­wajo zdobom wuhlad na přichodne ­měsacy.