Z wudaća: wutora, 06 apryla 2021

wutora, 06 apryla 2021 14:00

Laschet za přechodny třeći lockdown

Düsseldorf (dpa/SN). Z wida sewjerorynsko-westfalskeho ministerskeho prezidenta Armina Lascheta (CDU) je nuznje přechodny lockdown trěbny, kotryž měł dwaj do tři tydźenje trać. Hižo nětko je wotwidźeć, zo budźe w běhu krótkeho časa dwaceći, po tym třiceći, štyrceći ­procentow němskeje ludnosće šćěpjene, rjekny šef zwjazkoweje CDU dźensa rano w rańšim magacinje sćelaka ZDF. Wědomostnicy wšak radźa, zjawne žiwjenje redukować. Mjeztym pak je namjet Lascheta wulku skepsu zbudźił, wšako njeje Armin Laschet konkretne naprawy mjenował. Dale wupraji so wón za konferencu ministerskich prezidentow hišće tónle tydźeń. Poprawom je zeńdźenje 12. apryla předwidźane.

Tendenca nowych infekcijow je tuchwilu niska. Tole pak zwisuje z jutrownymi swjatymi dnjemi, hdźež je so mjenje ludźi testowało. Na intensiwnych ­stacijach pak je zaso wjace pacientow. Strowotniske zarjady w Němskej su ­Roberta Kochowemu institutej dźensa 6 885 nowych infekcijow přizjewili.

wozjewjene w: Kraj a swět
wutora, 06 apryla 2021 14:00

Wulka kónčina wohrožena

Z přidatnymi srědkami chcedźa afrisku swinjacu mrětwu wobmjezować

Zhorjelc (AK/SN). Wokrjes Zhorjelc so hišće bóle prócuje wudyrjenu afrisku swinjacu mrětwu wobmjezować. K tomu je so wokrjesny sejmik minjenu srjedu wuznał. Z wjetšinu 53 hłosow schwalichu radźićeljo wudawki zwonka plana we wobjimje 1,535 milionow eurow. Štyrjo běchu přećiwo tomu, štyrnaćo so hłosa wzdachu. Srědki maja z připokazankow Sakskeje za runje tónle zaměr přińć. Z mjenowanej sumu móže Zhorjelski wokrjes prewentiwne a wotstronjowace naprawy financować, mjez druhim za to, wohrožene pasma dohladować. Wjetši dźěl srědkow ma so lokalnje wužiwać, na přikład za to zahinjenu dźiwinu nańć, kadawry rumować a wotstronić, po zakonju wo zwěrjacych mrětwach z nich proby brać a je epidemiologisce přepytować. Dźěła wukonjeć ma prěnjorjadnje wotpowědnje wukubłany a wuhotowany personal.

wozjewjene w: Łužica
wutora, 06 apryla 2021 14:00

Dźak za disciplinu

Po lěće přestawki běchu woni zaso po puću – křižerjo. Bohu dźak, měnju znajmjeńša ja jako křižer. Wšako přinjesemy ludźom tež w času koronapandemije nadźiju a zdobom tróšt. Wěm tež, zo je hinašich měnjenjow. Přiwšěm pak móžemy dokumentować: Křižerjo su pod wobmjezowanjemi po puću byli a nimale kóždy je so po nich měł. Dźakuju so křižerjam, pomocnikam a pomocnicam za krutu disciplinu. Disciplinowani běchu zdobom přihladowarjo. Předewšěm pak dźakuju so hłownym kantoram, kiž su křižerske procesiony scyła zmóžnili. Tole sym tele dny časćišo tež wot domoródnych a hosći słyšał. Za tohorunja pozitiwne mam, zo su wšitcy křižerjo sprawnje sebjetest přewjedli a tež nahubnik wužiwali, hdyž na konju njesedźachu. Jutry 2021 běchu bjezmała wulkotne dožiwjenje solidarity a pomocy, kotruž su křižerjo nazhonili, kotrychž běchu dobrowólni w přestawkach wuběrnje zastarali. Wutrobny dźak tuž wšěm za prócu a disciplinu. Janek Wowčer

wozjewjene w: Kraj a swět
wutora, 06 apryla 2021 14:00

Koordinowane – znajmjeńša!

Njeje prěni raz w stawiznach, zo Serbja swoje mocy w mjezsobnej zwadźe broja. Jako jedyn lud ze samsnymi problemami a kmanosćemi mamy wliw na zhromadny wosud, bóle dyžli hdy do toho. Njespušćmy přiležnosć, zo Serbski sejm jedna zhromadnje z Domowinu, znajmjeńša na koordinowane wašnje!

wozjewjene w: Diskusija
wutora, 06 apryla 2021 14:00

Za jutrowničku dźakowni

Wotrow (SN/MWj). Rańše wobjěchanje polow wjedźeše Wotrowskich jěcharjow lětsa do Kanec. Připołdnju wujěcha 81 křižerjow do Njebjelčic, před lětomaj bě jich 114. Mjez pjeć nowačkami bě kapłan dr. Jens Buliš. Dale mějachu pjeć slěbornych jubilarow. W Njebjelčicach drje so křižerjo na statoki podachu, přestawka pak bě tójšto krótša. Na dompuću w Serbskich Pazlicach jěchaše procesion runjewon a wjes trójce njewobjěcha. Kónčny nyšpor doma bě porno tomu cyle tradicionalny. Małe njezbožo sta so sobotu, jako při wujěchanju nowačk z konja padny.

wozjewjene w: Łužica
wutora, 06 apryla 2021 14:00

Pawšalu zaměrnje zasadźeja

Łaz (AK/SN). Z pawšale Swobodneho stata Sakskeje za sylnjenje wjesneje kónčiny we Łazowskej gmejnje wšitke jeje wjesne dźěle profituja. To wuchadźa z naj­nowšich nuzowych rozsudow wjesnja­nosty Thomasa Leberechta (CDU), kotrež je jeho zastupjer Hagen Aust (CDU) ­na zašłym posedźenju gmejnskeje rady zdźělił. Přizwolene srědki pochadźeja tež z lěta 2019 a 2020. Te móžachu do lětušeho přenjesć, dyrbja pak je nětko hač do kónca lěta wužiwać.

wozjewjene w: Łužica
wutora, 06 apryla 2021 14:00

Posudk přistupny

Budyšin (SN/MWj). Krótko do jutrow a tuž runje hišće w připowědźenym času je sprjewine město Budyšin wozjewiło „Studiju wo zwěsćenju turistiskeje hódnoty noweho mosta za pěškow za město Budyšin“. Posudk nańdu zajimcy na internetnej stronje města pod www.bautzen.de. Woby­dlerjo maja nětko składnosć, sej wšitke daty a fakty wo móžnym nowym mosće nad Sprjewju wobhladać.

wozjewjene w: Łužica
wutora, 06 apryla 2021 14:00

Swěčki za wopory zaswěćili

W Smochčanskim kubłanišću swj. Bena su ćichu sobotu 804 swěčki za smjertnych woporow koronoweje pandemije w Budyskim wokrjesu zapalili. We wołtarnišću bě nimo toho symboliska murja žałosćenja natwarjena. Přihladowarjo w interneće móžachu swoje mysle a próstwy online sposrědkować, dušepastyrjo kubłanišća je tam přičinichu. Foto: Carmen Schumann

wozjewjene w: Łužica
wutora, 06 apryla 2021 14:00

Policija (06.04.21)

Psaj žonu skusałoj

Koblicy. Žane rjane jutry njeměješe 45lětna žona w Koblicach pola Wulkich Ždźarow. Sobotu dopołdnja so wona ze swojim přiwjazanym psyčkom wuchodźowaše, jako ju na kromje wsy wulkej psaj nadpadnyštej a ju strašnje zraništej, wosebje na woběmaj rukomaj. 55lětny wobsedźer psow spyta jeju wróćo wołać, to pak so jemu lědma poradźi. Nětko změje so wón lochkomyslneho zranjenja ćěła dla zamołwić.

wozjewjene w: Policija

Halena Jancyna njeje nowe wobličo w Budyskim krajnoradnym zarjedźe. Loni w oktobrje je wona tam wažne zastojnstwo wokrjesneho zarjadnistwa jako społnomócnjena za naležnosće našeho ludu nastupiła. Axel Arlt je z njej porěčał.

Njejsće so wo wupisane městno społnomócnjeneje za serbske naležnosće požadała. Kotre argumenty su Was přeswědčili zastojnstwo nastupić?

H. Jancyna: Dźěłam mjeztym šěsć lět we wokrjesnym zarjadnistwje, dotal na wšelakich městnach, čehoždla móžach swoje znajomosće wo dźěławosći zarjada a wo funkcionaliće polěpšić. Za městno społnomócnjeneje mějach wšitke trěbne kwalifikacije. A ći, kotřiž mje narěčachu, su mi přicpěli, zo wužadanja zmištruju. Wulka zamołwitosć, swójske agěrowanje a fachowe wotrjady přesahowace dźěło mje wabja. Móžu nětko časćišo swoju maćeršćinu nałožować, ju a serbske naležnosće šěrić.

Kak sće so zadźěłała, što bě Wam jako ­nazhonitej sobudźěłaćerce nowe?

wozjewjene w: Łužica

Serbska debata

nowostki LND