Z wudaća: póndźela, 03 meje 2021

póndźela, 03 meje 2021 14:00

Krótkopowěsće (03.05.21)

Zaso jedyn z hotspotow

Budyšin. Z dźensnišej tydźenskej incidencu 294,2 po RKI słuša Budyski wo­krjes wospjet k hotspotam koronapandemije w Němskej. Wot pjatka hač do wčera­wšeho infor­mowaše tudyši krajnoradny zarjad wo 451 dalšich natyknjenjach a wosom smjertnych padach. Zhorjelski wo­krjes měješe wčera 61 infekcijow, incidenca tam je po RKI dźensa 229,5.

Slědźenski centrum za Łužicu

Kamjenica. Alianca z TU Kamjenica, TU Freiberg a TU Drježdźany chce we Łužicy wulki centrum energijoweho slědźenja wutworić a je za to koncept před­połožiła, kaž Kamjeničanske zarjadnišćo zdźěli. Wone wobdźěla so na tuchwilnym wubědźowanju Sakskeje a Zwjazka wo zasydlenju dweju slědźerskeju wulkocentrumow we wuchodoněmskimaj wuhlowymaj rewěromaj. Hač projekt we Łužicy zwoprawdźa, njeje hišće rozsudźene.

„Čěski dom“ wohroženy?

wozjewjene w: Krótkopowěsće
Składnostnje połstateho jewišćoweho jubileja Měrćina Weclicha je předsyda Domowiny Dawid Statnik (wotprawa) woblubo­wanemu hudźbni­kej dźensa doma w Kukowje jako wosebite počesćenje medalju „Serbski dundak“ přepodał. „Ze swojej njespróc­niwej a sporej dźěławosću a tworićelskosću je wón generacijam dźěći a młodostnych swjatk a pjatk žiwu serbšćinu a powabliwe serbske­ kulturne žiwjenje sposrědkował“, Statnik wuzběhny. Foto: Feliks Haza

wozjewjene w: Towarstwa

Na jeničkej manifestaciji dźěłarnistwa DGB we wuchodnej Sakskej k 1. meji steje­še solidarita za čas koronapandemije a předewšěm tež po tym w srjedźišću. Něhdźe 70 ludźi bě z přistojnosću, wotstawkom a nahubnikom předwčera­wšim na Budyske Žitne wiki přišło.

Budyšin (SN/at). „Sylny socialny stat je nam přez krizu pomhał, a je so pokazało, zo wiki wšitko njerjaduja. Pandemija pak je socialne njerunosće dale přiwótřiła a njedostatki jasnje wotkryła“, rjekny Anne Neuendorf. Tohodla trjebamy sprawniši dawkowy system. „Na financowanju zhromadneho byća maja zamóži a superbohačcy jasnje sylnišo wobdźěleni być.“

wozjewjene w: Hospodarstwo
póndźela, 03 meje 2021 14:00

Naslědny projekt SAEK

Wutworja centrumaj za medijowu kompetencu w Budyšinje a Wojerecach

Lipsk/Budyšin (SN/bn). Sakski krajny wustaw za priwatny rozhłós a nowe medije (SLM) je nošerjow noweho projekta za spěchowanje medijoweje kompetency wozjewił. Po rozsudźe medijoweje přirady SLM z 20. apryla přewozmu spočatk julija zdźěla nowowutworjene, tak mjenowane medijo-kompetencne centrumy w dohromady 15 „skutkowanskich kruhach“ nadawki a funkciju Sakskich wukubłanskich a wupruwowanskich kanalow (SAEK). Hač do kónca lěta 2023 na­łoži SLM za to cyłkownje 3,7 milionow eurow, štož je měsačnje něhdźe 8 300 eurow za kóždeho partnera.

wozjewjene w: Medije
póndźela, 03 meje 2021 14:00

Nowy dyrdomdej wroblika Frida

Budyšin (SN). Wroblik Frido a jeho pře­ćeljo su zaso po puću – w nowej ptačokwasnej stawiznje spisowaćelki Jěwy­Marje Čornakec, kotraž swój wuspěšny rjad tak dale wjedźe. „Kak su wroblik Frido­ a jeho přećeljo sroki pjekli“ rěka nowostka z LND, kiž čitarja cyłe lěto na rjany zymski nałožk přihotuje. Tež za předležace wudaće je ilustrator Günter Wongel zabawne barbne rysowanki zhotowił. Knihi wo dyrdomdejach wroblika słušeja mjeztym k bestselleram serbskeje dźěćaceje literatury.

wozjewjene w: Kultura
póndźela, 03 meje 2021 14:00

Dožiwjenja dźěći dokumentowane

„Dźěćatstwo w na dźěći najbohatšim měsće NDR“ je titul wjacedźělneje doku­mentacije, nastateje we wobłuku zhromadneho projekta Wojerowskeje Kulturneje fabriki (Kufa) a Sakskeje młodźinskeje załožby „Spurensuche“. Prěni kapitl dožiwi minjeny pjatk swoju digitalnu premjeru.

wozjewjene w: Kultura
póndźela, 03 meje 2021 14:00

Nimale třećina městnow skazana

Hłownaj rjekaj Budyskeho 25. lětnjeho dźiwadła Sherlock Holmes (Richard Koppermann, nalěwo) a dr. Watson (Měrko Brankačk) staj sobotu na zwučene wašnje předpře­dań za lětušu inscenaciju „Sherlock Holmes – Paski Beatlesow“ zahajiłoj. Dohromady 6 900 zastupnych lisćikow su hižo předali, to je něhdźe 30 procentow cyłkowneho poskitka. „Dźakujemy so za telko dowěry“, rěka ze stron Němsko-­Serb­skeho ludoweho dźiwadła. Wot 24. junija do 8. awgusta planuje NSLDź 37 předsta­jenjow na Budyskim hrodźe. Loni dyrbjachu lětnje dźiwadło korony dla wotprajić, lětsa chcedźa dyrdomdeje mišterskeho detektiwa nachwatać. Foto: Gabriele Suschke

wozjewjene w: Kultura
póndźela, 03 meje 2021 14:00

Scholz načolny kandidat

Podstupim (dpa/SN). Braniborska SPD je kanclerskeho kandidata Olafa Scholza na konferency krajnych zastupnikow za na­čolneho kandidata k wólbam zwjazkoweho sejma wuzwoliła. 62lětny wicekancler dósta wčera 93,9 procentow hłosow, strona informuje. Wuslědk dyrbja hišće z listowymi wólbami potwjerdźić. Zhromadźizna bě online, jenož mała skupina so w Podstupimje schadźowaše. Tam nastupi Scholz 26. septembra jako direktny kandidat přećiwo načolnej kandidatce Zelenych Annalenje Baerbock.

Pomhaja Indiskej z nastrojemi

London (dpa/SN). Wulka Britaniska chce wot koronapandemije ćežko potrjechenej Indiskej dalše tysac nastrojow k zastaranju pacientow z kislikom pósłać. „Dyrbimy wšitcy hromadźe dźěłać. Nichtó njeje wěsty, doniž wšitcy wěsći njejsmy“, rjekny wonkowny minister Dominic Raab. Dotal njeje jasne, hač chcedźa tež šćěpiwo do Indiskeje słać. Pječa ni­maja w Londonje dotal žane wotpowědne naprašowanje z Indiskeje.

Čěska zmóžnja šćěpjenja

wozjewjene w: Kraj a swět
Něhdźe 30 000 ludźi – předewšěm přiwisnicy lěwicarskeje sceny – je sobotu na wjacorych zarjadowanjach w Berlinje na dróze było. Po spočatnje měrniwych demonstracijach dóńdźe we wječornych hodźinach k namócnym rozestajenjam mjez demonstrantami a policiju. Wjace hač 90 zastojnikow so zrani. Policija je 350 demonstrantow zajała. Foto: dpa/Michael Kappeler

wozjewjene w: Kraj a swět
póndźela, 03 meje 2021 14:00

To a tamne (03.05.21)

Gigantisku hromadu tuka z kanalizacije wotstronić dyrbja w britiskim Birminghamje. Namakany kolos je tysac metrow dołhi a waži něhdźe 300 tonow, telko kaž 250 wosobowych awtow. Sobudźěłaćerjo měšćanskeho zawoda hižo z wotmachom dźěłaja a budu drje to hišće hač do junija. We Wulkej Britaniskej zas a zaso tajke „monstery“ namakaja, dokelž ludźo­ mjez druhim horcy tuk po fritě­rowanju do nuznika kidaja.

Namolowana cebrasmuha jako přechod za pěškow před busowym zastanišćom w Bonerathu pola Triera njesmě tam wostać.­ „Ideja wšak njeje špatna“, rjekny wjesnjanostka Gabriele Terres. Měry pak njewotpowěduja předpisam. Nimo toho hrozy strach, zo so pěšcy na wěstotu přecho­da spušćeja, šoferojo pak nje­trjebaja zastać. Njeznaći běchu w nocy na 1. meju cebrasmuhu namolowali.

wozjewjene w: To a tamne

Serbska debata

nowostki LND