Z wudaća: póndźela, 26 julija 2021

póndźela, 26 julija 2021 14:00

Bróžnja so dospołnje wotpaliła

Z dotal njeznateje přičiny je minjeny pjatk popołdnju w Zarěču woheń w bróžni wudyrił a susodny bydlenski dom wobškodźił. Jako wohnjowi wobornicy přijědźechu, płomjenja hižo z třěchi bróžnje sapachu a so na bydlenski dom rozpřestrěchu. Dalše pódlanske twarjenje so na zbožo njewobškodźi, tež třom wobydlerjam so ničo stało njeje. Kaž policija zdźěli, pak woni tam najprjedy raz bydlić njemóža. Wosebite ­wužadanje bě, wolijowy tank w bydlenskim domje z hašenskej wodu chłódźić, zo njeby snano rozbuchnył. Škodu trochuja na něhdźe 100 000 eurow. Zasadźenych bě 73 wobornikow ze 14 jězdźidłami. Foto: Lausitznews/Toni Lehder

wozjewjene w: Łužica

W zwisku z komunalnym dźěłom w městach a gmejnach nastawaja zas a zaso prašenja, čehodla wobsteja wěste rjadowanja, kak je to a tamne zakonsce předpisane a štó ma poprawom kotre prawa. Na tajke a podobne prašenja wotmołwjamy w małej seriji. Naš ­awtor je bywši wjelelětny předsyda ­zarjadniskeho zwjazka Při Klóšterskej wodźe Alfons Ryćer. (8)

Zarjadniski zwjazk Při Klóšterskej wodźe leži ze 102 kwadratnymaj kilometromaj płoniny nimale centralnje w Budyskim wokrjesu. Wón wobsteji z pjeć dwurěčnych gmejnow ze 40 wsami a 7 200 wobydlerjemi. Spočatk 1990tych lět minjeneho lětstotka bu zwjazk załoženy. Zhromadne zarjadniske struktury na teritoriju pak běchu poprawom hižo wjele prjedy nastali.

wozjewjene w: Łužica
póndźela, 26 julija 2021 14:00

Chróšćenjo Serbski supercup dobyli

W Njebjelčicach so štyri koparske cyłki na turněrje wo pućowanski pokal wubědźowali

Po tym zo dyrbješe woblubowany serbski koparski turněr minjene lěto koronapandemije dla wupadnyć, zetkachu so wčera, njedźelu, mustwa ST 1922 Radwor, SJ Chrósćicy, DJK Sokoł Ralbicy/Hórki a SJ Njebjelčicy na wulkotnje preparowanym Njebjelčanskim trawniku, zo bychu wo pućowanski pokal Serbskeho supercupa wojowali. Minjenu póndźelu bě zapósłanc Sakskeho krajneho sejma Alojs Mikławšk na bičwolejbulowym turněrje Radija Satkula wobaj połfinalej wulosował.

1. połfinale: SJ Njebjelčicy – ST Radwor 1:3

wozjewjene w: Sport
póndźela, 26 julija 2021 14:00

Widźał, słyšał, napisał (26.07.21)

Awtor dźensa Toni Ryćer

Před runje lětom jewjach so na foće swojeje kolumny prěni raz ze škitnym nahubnikom. Tehdy sej myslach, zo budźe to jónkrótne a w přichodnym přinošku budźe to zaso zwučeny wobrazk­. Běchmy runje w prěnjej žołmje pandemije, a nichtó njeje z tym ličił, zo so korona tak dołho dliji. Nětko so wšelake wobmjezowanja powólnjeja. Tak njetrjebamy na přikład při nakupowanju žadyn škit za hubu a nós. Přičiny tuchwilnych wolóženjow njemóžu sej wuswětlić. Snano dyrbi so ludźom w prózdninskim času něšto skićić, zo bychu po nawróće z tu- a wukrajnych wočerstwjenišćow swój křižik na prawym městnje wolerskeje lisćiny sadźili. Po mojim měnjenju je riziko dalšeje žołmy wotwidźomne, a ludźo su w tym nastupanju přelochkomyslni. Njejsym pak žadyn eksperta na tym polu, čehoždla wěnu­ju so radšo temam, w kotrychž so trochu lěpje wuznawam.

póndźela, 26 julija 2021 14:00

Kardinal Marx so zamołwił

Garching an der Alz (B/SN). Wulki njeměr je nastał, dokelž bě jedyn z duchownych Peter H., předchłostany seksualneho znjewužiwanja dźěći a młodostnych dla, we wosadźe Mnichowskeho biskopstwa dale we wobłuku dušepastyrstwa zasadźeny. Kardinal Marx je potrjechenu wosadu wopytał, mjenujo podawk „přeradu na poselstwje Jězusa a zaprajenje institucije, za kotruž wo wodaće prošu.“ Hižo 1986 bu potrjecheny měšnik Peter H. seksualneho znjewužiwanja dla ke chłostanju z pruwowanskim časom zasudźeny. Přiwšěm bě wón dale we wšelakich wosadach zasadźeny. Hakle wot lěta 2010 je suspendowany. Zastupjerjo po­trjecheneje wosady nadźijeja so nětko najručišeho wujasnjenja naležnosće.

Pastoralka w času dowola

wozjewjene w: Cyrkej a swět

Serbska debata

nowostki LND