Z wudaća: srjeda, 11 meje 2022

12.5.–18.5.2022 Budyski filmowy palast: Doctor Strange in the Multiverse of Madness:wšědnje 14:30 (nimo pó a srj), 16:30 a 19:30 | pj a so 22:30 Doctor Strange in the Multiverse of Madness w 3 D: wšědnje 14:00 (nimo pó a srj), 17:00 a 20:00 | pj a so 22:45 Willi und die Wunderkröte: wšědnje 14:10 (nimo pó a srj) a 17:20 Firestarter: wšědnje 17:20 a 19:40 | pj a so 22:00 Nahschuss: pj 17:00 | pó 20:00 Biene Maja – Das geheime Königreich: wšědnje 14:20 (nimo pó a srj) a 16:50 | nj 12:00 Wolke unterm Dach: wšědnje 14:00 (nimo pó a srj) Downton Abbey 2: Eine neue Ära: wšědnje 16:30 a 19:15 Die Häschenschule – Der große Eierklau: nj 12:10 The Lost City – Das Geheimnis der verlorenen Stadt: wšědnje 19:15 (nimo pó) Die Schule der magischen Tiere: nj 12:10 The Northman: pj, nj a wu 19:20 | pj a so 22:15 Eingeschlossene Gesellschaft: wšědnje 19:40 Phantastische Tierwesen: Dumbledores Geheimnisse: wšědnje 16:20 a 19:30 | nj 11:45 | pj a so 22:00 Sneak Preview: pó 20:00 Sonic the Hedgehog 2: wšědnje 14:15 (nimo pó a srj) a 16:45 | nj 11:40 Die Gangster Gang: wšědnje 14:10 (nimo pó a srj) | nj 11:40 Der Wolf und der Löwe: wšědnje 14:50 (nimo pó a srj) | nj 11:45 Wunderschön: štw, so a srj 19:20 | pj a so 22:00 Ambulance: pj a so 22:20 The Batman: pj a so 21:50

Stefan Anders wot awgusta předsyda zarjadniskeho zwjazka

Chrósćicy (SN/MWj). Hnydom z prěnim wólbnym přechodom bě wčera w Chróšćanskej wjacezaměrowej hali „Jednota“ jasne, zo změje zarjadniski zwjazk Při Klóšterskej wodźe wot spočatka awgusta noweho předsydu. Z wulkej wjetšinu je zhromadźizna zarjadniskeho zwjazka Stefana Andersa z Pančic-Kukowa do tohole zastojnstwa wuzwoliła. Wot 17 móžnych hłosow dósta wón 14, třo radźićeljo hłosowachu za dotalneho předsydu Měrka Domašku, kiž bě po sydomlětnym skutkowanju w tutej funkciji znowa k wólbam nastupił. Kaž Chróšćanski wjesnjanosta Marko Kliman (CDU), kiž jako zastupowacy předsyda zarjadniskeho zwjazka wólby nawjedowaše, zdźěli, je nimo Domaški a Andersa dalša wosoba požadanje wotedała, ale přepozdźe, čehoždla je hižo wobkedźbować njemóžachu.

Sobotu popołdnju zetkachu so wobydlerjo Spalow k mejemjetanju. Po dwulětnej přestawce pandemije dla běchu so dźěći a maćerje serbsku narodnu drastu woblekli. Hižo tydźenje do toho běchu so dźěći zetkali, zo bychu bantowu reju, „Hanamarju“ a dalše reje nawuknyli. Dokelž njebě dosć porikow młodostnych, so hólcy w šulskej starobje wo česć mejskeho krala wubědźowachu. Hač do nocy Spalowčenjo zhromadnje swjećachu a sej tež wjesele zarejowachu. Foto: Lubina Dučmanowa

Za přichod su sej we Wulkodubrawskej gmejnje hišće tójšto zaměrow stajili

Tuchwilny Wulkodubrawski wjesnjanosta Lutz Mörbe (njestronjan) prócuje so wo dalšu wólbnu periodu w zastojnstwje a kandiduje k wólbam wjesnjanosty 15. meje. Mörbe pak njeje jenički, kiž so wo poziciju prócuje. Dalši je njewotwisny kandidat Hardy Glausch. Hač so dotalny wjesnjanosta Mörbe přećiwo swojemu konkurentej přesadźi, rozsudźa wobydlerjo–wolerjo. Najlěpše wabjenje za njeho jako wjesnjanostu wšak su pozitiwne wuslědki dotalneho skutkowanja, na kotrež móže wón pokazać.

Jědźernju zarjadowali

ST Viktoria Worklecy – MB Wojerecy 0:3 (20:25, 19:25, 27:29)

Posledni hrajny dźeń w Sakskej klasy běchu wolejbulisća Viktorije Worklecy 13. nowembra 2021 wuhrali. Krótko po tym slědowaše přetorhnjenje hrajneje doby a něšto pozdźišo kompletne cofnjenje sezony. Jako w nalěću zakazy korony dla padnychu, wobzamknychu funkcionarojo SSVB, znajmjeńša jedne koło sezony kompletować, zo nastanje něšto podobne kaž njeoficialny ranking ligi. Konsek­wency nastupajo postup abo zestup njeběchu předwidźane. Wšitcy mějachu zaso wulki lóšt na wolejbul. Nó haj, snano nic wšitcy. Někotre hry su mustwa hnydom přepo­łožili abo scyła wotprajili, druhe sej za­pisachu 3:0-dobyća za zelenym blidom. To běše chětro chaotiska situacija. Tak tež Łužnica a MSV Budyšin hru přećiwo ­Worklečanam 26. měrca krótkodobnje wotpraji­štej. Wulke pak bě wjeselo pola Viktoričanow, jako wolejbulowi přećeljo Módro-běli Wojerecy připrajichu, falowacu dypkowu hru we Worklecach přewjesć. Skónčnje zaso wolejbul pod wubědźowanskimi wuměnjenjemi we Worklečanskej hali – po 146 dnjach(!).