Z wudaća: srjeda, 23 nowembera 2022

srjeda, 23 nowembera 2022 13:00

Swobodne městna za jězbu

Chrósćicy. Za adwentnu kubłansku jězbu župy „Michał Hórnik“ sobotu, 26. nowembra, do Błótow su krótkodobnje hišće swobodne městna. Wotjězd je planowany w 10 hodź. při Chróšćanskej Jednoće. Wobdźělnicy wopytaja mjez druhim hodowne wiki w Lubnjowje a podadźa so wottam z čołmom na Lědy. Wotjězd w Lubnjowje budźe w 17 hodź., wječer we 18.30 hodź. w Klóšterskej Nowej Wsy. Bus nawróći so w 21 hodź do Chrósćic. Jězba płaći na wosobu 15 eurow. Swoje zastaranje płaći kóždy wobdźělnik sam. Zajimcy njech přizjewja so e-mailnje pod abo pod telefonowym čisłom 0174 301 02 00.

Radźićeljo wuradźuja

Lejno. Zdźěłanje twarskeho plana za wjacore ležownosće w Časecach budu jedna z temow přichodneho posedźenja gmejnskeje rady Pančicy-Kukow jutře, štwórtk, w 19 hodź. w Lejnjanskim hosćencu. Dale porěča radźićeljo wo nakupje zamkoweje připrawy za serbsku zakładnu Šulu Ćišinskeho. Wobydlerjo su wutrobnje přeprošeni.

wozjewjene w: Z městow a wsow
srjeda, 23 nowembera 2022 13:00

Poslednje přihoty za wiki

Přihoty za 639. Wjacławske wiki w Budyšinje so nachileja. Na Žitnych wikach, Bohatej a na Hłownym torhošću wikowarjo, gastronomojo a mnozy dalši z hamorom dźěłaja, šrubuja a swoje stejnišća wupyša. Na Žitnych wikach je Robert Heinze z Habrachćic wčera woblubowanu pyramidu nad swojim předawanišćom horceho wina natwarił. Hromadźe ze swojim nanom so wón wjeseli, zo móža so hodowne wiki skónčnje zaso wotměć. Na nich so Heintzec swójba hižo wot lěta 1993 wobdźěla. 2007 su prěni raz swoju pyramidu natwarili. Foto: Carmen Schumann

wozjewjene w: Lokalka

Hruby twar prěnjeje hale w Choćebuzu je nimale dokónčeny. Němska železnica tam wosebje klimje přichilenu twaršćiznu wužiwa. Na tym je Budyska firma Hentschke Bau wobdźělena.

Choćebuz (SN). Němska železnica (DB) je při twarje noweje wuporjedźernje za ćahi ICE 4 w Choćebuzu dale w časowym planje. Wo tym je předewzaće wčera informowało, po tym zo staj sej społnomócnjeny koncerna za Berlin, Braniborsku a Mecklenburgsko-Předpomorsku Alexander Kaczmarek a statny sekretar w braniborskim hospodarskim ministerstwje Hendrik Fischer wobraz wo twarskim postupje tworiłoj.

Za twar wužiwa DB prěni raz klimje přichilenje zhotowjeny a tuž „zeleny“ beton, kaž předewzaće piše. Jeho produkcija 30 procentow mjenje emisijow CO2 zawinuje. Zdobom woteběra přetrjeba energije wo nimale 30 procentow. Wony beton zasadźeja za wažne hotowe dźěle, na přikład zepěry a dźěle třěšneje konstrukcije. Tež druhu halu chcedźa z tajkim betonom twarić.

wozjewjene w: Hospodarstwo
srjeda, 23 nowembera 2022 13:00

Doprědkarska nalada w kaolinowni w Kamjenej

Po lětach njewěstoty wotewrja so za tradicionalny zawod při dróze B96 nowe perspektiwy. Přewróty na wikach, ale tež swójske ideje to zmóžnichu. A maja noweho šefa.

Słónco so swěći nad wotkrytej jamu kaolinownje w Kamjenej w gmejnje Rakecy. Hoberske bagry zarywaja so do běło zybolaceje kamjeniny, transportuja ju na běžacy pas, z kotrehož dóstanje so drohotna surowizna k dalšemu předźěłanju. Wobraz, kotryž je so w poslednich lětdźesatkach lědma změnił – a tola je so spočatk měsaca nowa doba započała. Helmut Stuchtrup, kotryž je w poslednich wosom lětach wotežki tradicionelneho zawoda w rukomaj měł, zakónči kónc lěta swoje aktiwne powołanske žiwjenje. Jeho naslědnik Thomas Scholze bě hižo 1. nowem­bra poziciju nawody zawoda přewzał, kotruž wón nětko hač do 31. decembra zhromadnje z Helmutom Stuchtrupom wukonja.

wozjewjene w: Hospodarstwo
srjeda, 23 nowembera 2022 13:00

Dźeń, kotryž měli pola SJC zabyć

SJ Chrósćicy – TSV Cossebaude 0:2 (0:1)

Zestawa domjacych: Králíček – Janca, F. Cyž, Runt, Rätze, L. Zahrodnik (51. Wornar), Hawš, M. Zahrodnik (58. Mark), Młynk (51. Wencel), Bogusz, Krawc

wozjewjene w: Sport
srjeda, 23 nowembera 2022 13:00

Wosebite fota z wolejbulistkami

Njedawno bu po hrě wolejbulistkow Drježdźanskeho SC 25. lětna protyka z wjele rjanymi motiwami předstajena. Wona je wotnětka na předań. Dźesaty raz bě fotografka Amelie Jehmlich za wobrazy kultoweho kalendra 13 hrajerkow před kameru prosyła. Tónraz do designoweho hotela Laurichhof w Pirnje, hdźež ma kóžda stwa wosebite ambiente. Kóžda ze sportowčow zdrasći so druhi wulkotny outfit. Wuslědki móža so widźeć dać, kalender płaći 29 eurow. Foto: Jürgen Männel

wozjewjene w: Sport

nawěšk

nowostki LND