Gubin (dpa/SN). Gubin w Delnjej Łužicy je hladajo na prócowanje wo zasydlenje firmow zaso wulku kročel dale. Po kanadiskim předewzaću Rock Tech a Jack Link z USA planuje z firmu Botree Cycling třeći wulki inwestor so w měsće nad Nysu zasydlić. To by po informacijach chinskeho předewzaća, kotrež baterije recycluje, prěnje stejnišćo w Europje było. Zamołwići města a inwestor su srjedź nowembra deklaraciju wotpohlada za nakup ležownosće podpisali, zdźěli wčera tamniši měšćanosta Fred Mahro (CDU).
Baterijowa recyclingowa připrawa předewzaća Botree Cycling móhła wot lěta 2025 na łužiskim industrijnišću dźěłać započeć. Předań 3,2 hektaraj wulkeje přestrjenje za prěnje połlěto 2023 přihotuja, Mahro wuswětli. Do toho běštej „Lausitzer Rundschau“ a sćelak RBB wo tym rozprawjałoj.
Berlin (dpa/SN). Knježerstwo a opozicija stej mócnje wo prawym krizowym kursu za Němsku hladajo na wójnu w Ukrainje, njedostatk energije a inflaciju diskutowałoj. W generalnej debaće wo politice zwjazkoweho knježerstwa zawčerawšim wumjetowaše nawoda opozicije Friedrich Merz (CDU) amplowej koaliciji w zwjazkowym sejmje grawoćiwe jednanje. Kancler Olaf Scholz (SPD) porno tomu rozłoži, zo so stat wo miliony wobydlerkow stara, kotrež móža tak krizu přewinyć.
Přičina generalneje debaty bě tradicionalnje etat kanclerskeho zarjada, kotryž bu zawčerawšim předstajeny. Klětuši etat Zwjazka předwidźi wudawki we wobjimje něhdźe 476 miliardow eurow a dalše zadołženje wo 45,6 miliardow eurow. Dźensa připołdnju chcychu zapósłancy klětuši etat wobzamknyć.
Drježdźany (dpa/SN). Němska železnica (DB) je dwě warianće za nowu čaru Drježdźany–Praha předstajiła. Ze zwiskom maja so jězbne časy za pućowacych a nakładowy wobchad jasnje skrótšić, předewzaće wčera zdźěli. Mjez městomaj ma jězba potom jenož hišće hodźinu trać. Dotal je to něhdźe dwě a poł hodźiny.
,,Znajmjeńša połfinale“ wuwoła narodny trenar Kameruna Rigoberto Song, jako cil za swětowe mišterstwa. Zwažliwe předewzaće něhdyšeho zakitowarja zwjazkoweje ligi, kotryž swoje mustwo najprjedy defensiwnje nastaji a so na kontery nadźiješe. Breel Embolo je Šwicarsku w duelu ze swojim ródnym krajom Kamerunom k zazběhowemu dobyću třělił. Kamerun steji z tym w ćežkej skupinje G hižo nimale před kóncom WM. Zo so cil trenarja Songa tola hišće spjelni, dyrbja woni mjenujcy Brazilsku a Serbisku porazyć.
Na titulu aktualneho wudaća serbskeho kulturneho časopisa je foto Budyskeje Bohateje hasy Geralda Großeho widźeć, kiž swjeći w decembrje swoje 80. narodniny. Lětušu 175. róčnicu załoženja Maćicy Serbskeje wužije Ludwig Ela, zo by na wozrodźenje serbskeho wědomostneho towarstwa po politiskim přewróće 1989/1990 dopominał. Na zakładźe žórłow rysuje nadrobnje prócowanja jednotliwcow a rólu Instituta za serbski ludospyt při wožiwjenju towarstwa. 70. róčnica wobstaća Delnjoserbskeho gymnazija w Choćebuzu bě přiležnosć za Justynu Michniuk, so z bywšej wučerku Hanamarju Měškankowej rozmołwjeć a so jeje za bywšimi poměrami na šuli, rólu serbšćiny a kulturnym skutkowanjom prašeć. W zašłych 15 lětach je so rěčespytna metoda Linguistic landscape wuwiła a etablěrowała, hdźež dokumentuja a přepytuja widźomnu rěč w zjawnosći. Metoda nałožuje so husto w dwu- a wjacerěčnych kónčinach, zo by so zwěsćiło, kotre nastajenja a stejišća k rěči so w towaršnosći jewja.
njedźelu hornjoserbsce
11:00 Łužica tutón tydźeń
11:10 Nowa Hodźijska hodowna hwězda
11:20 Bórze tak daloko: „Hody jědu“
11:30 Adwentna hudźba
11:45 Adwentne woknješko (1.): „Zhubjeny rumpodich“
12:00 Nabožne wusyłanje
(Měrćin Deleńk)
po tym zbožopřeća
delnjoserbsce
12:30 Aktualny magacin
13:00 Tematiske wusyłanje: Nowe wotrjady Serbskeho instituta
13:40 Nabožne wusyłanje
(Manfred Hermaš)
po tym zbožopřeća
„Kreatiwny wopyt“ za swójby
Kamjenc. Na wosebity „Wuměłstwowy dźeń w elementarijumje“ přeproša Kamjenski muzej zapadneje Łužicy jutře, sobotu, wot 12 hodź. Alexandra Wegbahn a Michael Melerski chcetaj zajimcam tworjenje Gottfrieda Zawadskeho, kotremuž je aktualna wustajeńca domu wěnowana, „kreatiwnje zbližić“. Poskitk měri so předewšěm na swójby. Nimo regularneho zastupa dalšich kóštow njeje.
Kak bjez chłódźaka chłódźachu
Budyšin. Muzej Budyšin a tamniše Staroměšćanske towarstwo prezentujetej wutoru, 29. nowembra, w 19 hodź. přednošk Hagena Schulza „Składowanje přirodneho lodu – Wobhospodarjenje lodowych pincow w Budyšinje“. Muzeologa chce wopytowarjam rozłožić, kak „w sprjewinym městće žiwidła chłódźachu, jako wotpowědne techniske nastroje hišće njeeksistowachu“. Zastup wučinja 3,50 eurow resp. potuńšeny 2,50 eurow.
„Pósłanc technologije“
Sokoljo w pokalnym kole
Jako jenički serbski koparski cyłk nastupi mustwo Sokoła Ralbicy/Hórki hišće w pokalnym kole Zapadołužiskeho koparskeho zwjazka (WFV). W druhim hłownym kole změja Ralbičenjo njedźelu w 13 hodź. domjacu lěpšinu přećiwo ligowemu konkurentej z Hnašec-Dobruše.
26.11. 13:30 FC Grimma –
Budissa Budyšin
26.11. 13:30 FC An der Fahner Höhe – Biskopičanske KT 08
26.11. 14:00 Jednota Kamjenc –
VfB Empor Glauchau
26.11. 14:00 Rakečanske ST –
TSV Rotacija Drježdźany
27.11. 13:00 FC Energija Choćebuz –
Germania Halberstadt
27.11. 14:00 SJ Chrósćicy –
SC Borea Drježdźany
Swobodne skakanje w Jěžowje
Konjaca sportowča Antje Römer-Graf přeprošuje wšitkich zajimcow, kiž chcedźa swoje sportowe konje raz swobodnje bjez sedła a jěcharja skakać dać, do jěchanskeje hale do Jěžowa, a to 27. nowembra, 4. decembra a 11. decembra. Wobdźělić smědźa so wulke a małe konje we wšěch starobnych klasach a wukubłanskich stawach. Přizjewjenja su móžne pod 01723506258.
Wolejbulowe dypkowe hry