Wichor wulke škody načinił
Praha. Sylny wichor je tež w Čěskej wulke škody načinił. Pola Opavy je ćah do powróćeneho štoma zajěł a z kolijow skočił. Wohnjowych wobornikow wołachu nimale 2 100 razow na pomoc. Kaž zastaraćel ČEZ zdźěli, měješe so wjele milinowodow wuporjedźeć. Hašenje wohenja w cyrkwi w južnej Čěskej je sylny wichor poćežował.
Jězbu z drezinu dróša
Hórnikecy. Jutře zahaji so sezona drezinow w Hórnikečanskej energijowej fabrice z nowymi płaćiznami. 2,6 kilometrow dołha čara wokoło muzeja płaći 45 eurow za wulku drezinu (10 wosobow) resp. 30 eurow za mjeńšu ručnu drezinu (7 wosobow). Přičina zwyšenych płaćiznow je zawjedźena minimalna mzda za wodźerjow drezinow.
Saksojo maja wjac w móšni
Kamjenc. Po zdźělenju Sakskeho statistiskeho zarjada w Kamjencu je so bruttozasłužba w swobodnym staće wo nimale tři procenty zwyšiła. Tak zasłuža přerězny dźěławy na lěto něhdźe 25 800 eurow. Najebać to leži zasłužba w Sakskej přeco hišće jenož pola něhdźe 82 procentow zwjazkoweho přerězka.
Portugalčenjo so blamowali
Mała přičina – wulki sćěh
Zubornička. Dokelž bě ze swojeho připowěšaka železnu žerdź zhubił, dyrbješe 48lětny wodźer VWja zawčerawšim w Zuborničce zastać. Při tym pak zaby wón spinadło přićahnyć, tak zo awto z připowěšakom wróćo jědźeše, do płota priwatneje ležownosće prasny a 2 000 eurow škody načini. Přiwołana policija zwěsći, zo muž ani płaćiwu jězbnu dowolnosć njewobsedźi. Nimo toho steješe pod wliwom alkohola. Při dobrowólnje přewjedźenym tesće naměrichu pola njeho 0,62 promilow w kreji.
Kopańca, wokrjesna liga, stafla I
ST Budyšin – Wjelećin 3:0 (0:0)
Kubšicy – Wulka Dubrawa 1:0 (0:0)
Bart 90 – Wjernarjecy 0:5 (0:1)
Malešecy – Załom 3:0 (1:0)
Hodźij – Radwor 1:3 (1:1)
HZ Budestecy – Njeswačidło 3:2 (2:0)
1. Wjelećin 19 55 : 22 49
2. HZ Budestecy 19 45 : 24 42
3. ST Budyšin 20 56 : 22 37
4. Kubšicy 19 49 : 29 37
5. Radwor 20 43 : 28 29
6. Wóspork 19 43 : 41 29
7. Załom 19 47 : 36 26
8. Malešecy 18 52 : 46 25
9. Póst Budyšin II 20 22 : 54 21
10. Hodźij 18 24 : 35 20
11. Wulka Dubrawa 20 40 : 39 19
12. Wjernarjecy 19 27 : 38 16
13. Njeswačidło 20 24 : 49 14
14. Minakał 18 21 : 43 12
15. Bart 90 20 19 : 61 9
wokrjesna liga, stafla II
1. Łuty 19 46 : 23 42
2. Lubuš 17 40 : 27 33
3. Nadrózna Hrabowka 19 39 : 25 32
4. Ćisk II 19 42 : 37 31
5. FC Łužica 18 33 : 30 27
6. Kamjenc II 16 26 : 18 24
7. Rakecy II 15 27 : 21 22
8. HZ Łaz 19 36 : 34 22
9. Nowe Město II 18 32 : 41 22
10. Bluń 18 38 : 44 21
Domowina je so w zašłych 25 lětach pozitiwnje wuwiła. Tole je jedne ze zwěsćenjow jeje předsydy Dawida Statnika, kotrež sposrědkowa wón 95 delegatam na 17. hłownej zhromadźiznje třěšneho zwjazka minjenu sobotu w Haslowje. W sydom hłownych dypkach rysowaše Statnik tak pozitiwne wuwiće a poda tež wuhlady do přichodneho skutkowanja zwjazka, kotrež měło po jeho słowach „w znamjenju šěrokeho dialoga stać“.
Kubłanje centralny wobsah
Delegaća 17. hłowneje zhromadźizny wobzamknychu štyri předmjety:
Rezolucija
k wotzamknjenju noweho financneho zrěčenja wo spěchowanju Załožby za serbski lud
Na namjet etatoweho wuběrka zwjazkoweho sejma a poćahujo so na koaliciskej zrěčeni sakskeho a braniborskeho knježerstwa ma so nowe financne zrěčenje wo spěchowanju Załožby za serbski lud, płaćiwe wot lěta 2016, wobzamknyć. Delegaća 17. hłowneje zhromadźizny wočakuja spěšne dojednanja w zwisku z tuchwilnymi jednanjemi mjez zwjazkowym knježerstwom a krajnymaj knježerstwomaj nastupajo wotzamknjenje noweho financneho zrěčenja.
Z tutym rjadowanjom ma so zaručić, zo wšitke přez Załožbu za serbski lud spěchowane serbske institucije wostanu a zo so zakonska garantija wo zachowanju a wuwiwanju serbskeje rěče a kultury po protokolowej noticy čo. 14 zjednoćenskeho zrěčenja na zakładźe statnoprawniskeho dojednanja dodźerži.