Pytamy će ručež móžno jako
teamoweho nawodu w rozšěrjenju (m/ž/d)
Kotre nadawki na tebje čakaja?
- planowanje, wodźenje a kontrola rozšěrjenskich a logistiskich aktiwitow nakładnistwa za knižny kaž tež nowinski wobłuk
- nawod a wuwiwanje sobudźěłaćerjow rozšěrjenja
- nawjedowanje kooperaciskich poćahow k najwažnišim rozšěrjenskim partneram a zdobywanje nowych rozšěrjenskich partnerow
- sobudźěło při strategiskich přichodowych projektach nakładnistwa
Tute kajkosće přinjeseš sobu:
- wobknježiš hornjoserbšćinu a němčinu ertnje kaž tež pisomnje
- maš wysokošulske wotzamknjenje abo přirunajomne nazhonjenja na polu rozšěrjenja abo logistiki
- maš znajmjeńša pjeć lět praktiskich nazhonjenjow na polu operatiwneho rozšěrjenja abo marketinga, idealnje tež projektoweho managementa a organizowanja zarjadowanjow
- wobknježiš programy Office pakćika
- w idealnym padźe maš znajomosće w computerowych programach rozšěrjenja a logistiki resp. sy zwólniwy, so do nich zadźěłać
- dźěłaš rady z ludźimi, maš swójsku iniciatiwu a dobre organizatoriske kmanosće
- jara dobre komunikaciske zamóžnosće, wušiknosć při jednanjach
- w idealnym padźe maš kwalifikaciju jako wukubłar
- wobsedźiš jězbnu dowolnosć klasy B
Što ći skićimy?
- zamołwitu a wotměnjawu poziciju w Serbach
- atraktiwnu móžnosć, marketingowe wusměrjenje a natwar digitalneje komunikacije po swójskich idejach a předstawach wobwliwować a dale wuwiwać
- dźěłowe městno w Budyšinje w přećelnym a nazhonitym teamje
- mzdu po tarifje, 30 dnjow dowola wob lěto
- fleksibelny dźěłowy čas, dźiwajo na potrjeby swójbow kaž tež móžnosć mobilneho dźěła
- dołhodobnu perspektiwu a móžnosće dalšeho wukmanjenja a dalekubłanja
Dźěłowy wobjim wučinja 39 hodźin wob tydźeń.
Dźěłowy čas skrótšić je w mjezsobnym dorozumjenju móžno.
Smy-li twój zajim zbudźili, potom požadaj so pola nas.
Wjeselimy so na twoje digitalne požadanske podłožki.
Při prašenjach nas zazwoń abo napisaj mejlku.
telefon: 03591/577-241
Ludowe nakładnistwo Domowina
jednaćel Syman Pětr Cyž
Sukelnska 27
02625 Budyšin
