Pytaš nowe a wotměnjawe wužadanje? Dźěłaš rady z ludźimi, maš swójsku iniciatiwu a dobre organizatoriske kmanosće?
Da sy pola nas na prawym městnje.
Pytamy će wot 1.10.2023 abo ručež móžno jako
asistenca jednaćelstwa (m/ž/d)
Kotre nadawki na tebje čakaja?
- wobdźěłanje personalnych naležnosćow
- přidźěła k prawidłownym rozprawam a přihotam strategiskich rozsudow
- wobdźěłanje korespondency a powšitkowne podpěranske nadawki
- sobuskutkowanje při internej komunikaciji a projektach k dalewuwiću nakładnistwa
Tute kajkosće přinjeseš sobu:
- wobknježiš hornjoserbšćinu a němčinu ertnje kaž tež pisomnje
- wotzamknjeny studiji na polu personalneho managementa, zarjadnistwa, hospodarstwa abo přirunajomne wukubłanje z wjelelětnymi powołanskimi nazhonjenjemi
- w idealnym padźe maš nadrobne znajomosće dźěłoweho prawa
- wobknježiš programy Microsoft Office pakćika
- dobre organizatoriske kmanosće, spušćomnu a samostatnu dźěławosć, dokładnosć
- wobsedźiš jězbnu dowolnosć klasy B
Što ći skićimy?
- wotměnjawe dźěłowe městno w přećelnym a nazhonitym teamje
- atraktiwnu mzdu a 30 dnjow dowola wob lěto
- fleksibelny dźěłowy čas, dźiwajo na potrjeby swójbow kaž tež móžnosć mobilneho dźěła
- dołhodobnu perspektiwu a prawidłowne poskitki dalšeho wukmanjenja a dalekubłanja
Dźěłowy wobjim wučinja 39 hodźin wob tydźeń. Dźěłowy čas skrótšić je w mjezsobnym dorozumjenju móžno.
Maš-li zajim, požadaj so pola nas z digitalnymi podłožkami hač do 15. oktobra 2023!
Maš-li prašenja, zazwoń na nas abo napisaj nam mejlku.
Ludowe nakładnistwo Domowina | jednaćel Syman Pětr Cyž |
Sukelnska 27 | 02625 Budyšin | tel. 03591/577-241
