Pytaš nowe a wotměnjawe wužadanje w serbskim předewzaću?
Dźěłaš rady z ličbami a maš dobre organizatoriske kmanosće?
Da sy pola nas na prawym městnje.
Pytamy wot 1.12.2023 abo ručež móžno
knihiwjednika (m/ž/d)
Kotre nadawki na tebje čakaja?
- planowanje a rjadowanje financneho knihiwjednistwa, mjez druhim wobdźěłanje kreditorow, debitorow a banki kaž tež wothłosowanske nadawki
- měsačne přizjewjenje wobrotoweho dawka a dalše dawkowe přizjewjenja
- zestajenje wuhódnoćenjow a statistikow
- zamołwite sobudźěło při zestajenju lětneje bilancy a w zličbowanju
- sobudźěło při digitalizowanju procesow
- přewjedźenje wupisanjow a poradźowanje fachowych wotrjadow
Tute kajkosće přinjeseš sobu:
- powołanske wukubłanje na polu knihiwjednistwa z wjelelětnymi powołanskimi nazhonjenjemi
- jara dobre wobknježenje zličbowanja (GuV)
- znajomosće dawkoweho prawa
- wobknježiš programy Microsoft Office pakćika kaž tež zličbowansku software
- wobknježiš hornjoserbšćinu a němčinu ertnje kaž tež pisomnje
- samostatna dźěławosć, dokładnosć, fleksibelnosć w zasadźenju, spušćomnosć
- wobsedźiš jězbnu dowolnosć klasy B
Što ći skićimy?
- wotměnjawe dźěłowe městno w přećelnym a nazhonitym teamje
- atraktiwnu mzdu a 30 dnjow dowola wob lěto
- fleksibelny dźěłowy čas, dźiwajo na potrjeby swójbow kaž tež móžnosć mobilneho dźěła
- dołhodobnu perspektiwu a prawidłowne poskitki dalšeho wukmanjenja a dalekubłanja
Dźěłowy wobjim wučinja 31,2 hodźin wob tydźeń. Dźěłowy čas zwyšić je w mjezsobnym dorozumjenju a přewzaćom dalšich nadawkow móžno.
Maš-li zajim, požadaj so z digitalnymi podłožkami pola nas hač do 15. oktobra 2023!
Maš-li prašenja, zazwoń na nas abo napisaj nam mejlku.
Ludowe nakładnistwo Domowina | jednaćel Syman Pětr Cyž |
Sukelnska 27 | 02625 Budyšin | tel. 03591/577-241
