Pytaš nowe a wotměnjawe wužadanje w nawodnej poziciji?
Da sy pola nas na prawym městnje.
Pytamy wot 01.01.2024 abo ručež móžno
nawodu financow a zarjadnistwa (m/ž/d)
Kotre nadawki na tebje čakaja?
- hłowna zamołwitosć za wšitke wobłuki knihiwjednistwa po zakonskich zasadach a přizwolenskich předpismach kaž tež za powšitkowne zarjadnistwo
- nawod a dalewuwiwanje wotrjada z budgetowej zamołwitosću w swojim wobłuku
- nastajenje hospodarskeho plana, měsačne a kónclětne wotličenje
- zhromadne dźěło z dawkowym poradźowarjom, hospodarskim pruwowarjom a Załožbu za serbski lud
- sobuskutkowanje w nakładnistwowym wjednistwje
Tute kajkosće přinjeseš sobu:
- maš wysokošulske wotzamknjenje na zawodnohospodarskim polu abo wotpowědne powołanske wukubłanje z wjelelětnym powołanskim nazhonjenjom w bilancowym knihiwjednistwje a zličbowanju
- znajmjeńša pjeć lět powołanskich nazhonjenjow w zličbowanju
- znajomosće wikowanskeho a dawkoweho prawa
- zawodnohospodarske myslenje a jednanje
- koncepcionelne myslenje, dokładnosć, nawjedowanske zamóžnosće, wěstota w planowanju a samostatnym dźěle
- wobknježiš programy Microsoft Office pakćika kaž tež zličbowansku software
- wobknježiš hornjoserbšćinu a němčinu ertnje kaž tež pisomnje
- wobsedźiš jězbnu dowolnosć klasy B
Što ći skićimy?
- wotměnjawe dźěłowe městno w přećelnym a nazhonitym teamje
- atraktiwnu mzdu a 30 dnjow dowola wob lěto
- fleksibelny dźěłowy čas, dźiwajo na potrjeby swójbow kaž tež móžnosć mobilneho dźěła
- dołhodobnu perspektiwu a prawidłowne poskitki dalšeho wukmanjenja a dalekubłanja
Dźěłowy wobjim wučinja 39 hodźin wob tydźeń. Dźěłowy čas skrótšić hodźi so w mjezsobnym dojednanju.
Maš-li zajim, požadaj so pola nas ze swojimi digitalnymi podłožkami hač do 30. septembra 2023!
Maš-li prašenja, zazwoń na nas abo napisaj nam mejlku.
Ludowe nakładnistwo Domowina | jednaćel Syman Pětr Cyž |
Sukelnska 27 | 02625 Budyšin | tel. 03591/577-241
