Dźěłaš rady z ludźimi hromadźe, lubuješ serbšćinu a chceš nakładnistwo

z twojimi nazhonjenjemi a idejemi při dalšim wuwiću podpěrać?

 

Pytamy će wot 01.07.2024 abo ručež móžno 

 jako

nawodu rozšěrjenja a marketinga (m/ž/d) 

Dźěłowe městno je njewobmjezowane.

 

Kotre nadawki na tebje čakaja?

  • zamołwitosć za wšě rozšěrjenske syće nakładnistwa
  • nawod a wuwiće sobudźěłaćerjow rozšěrjenja a marketinga
  • wuwiće a wuwjedźenje rozšěrjenskeje a marketingoweje strategije za nakładnistwo a zwičnjenje našich knižnych wudaćow a dalšich poskitkow
  • sobudźěło w zawodnym wjednistwje a při strategiskich projektach nakładnistwa

Tute kajkosće přinjeseš sobu:

  • wobknježiš hornjoserbšćinu a němčinu ertnje kaž tež pisomnje
  • maš wysokošulske wotzamknjenje abo přirunajomne nazhonjenja na polu marketinga abo rozšěrjenja
  • maš prěnje nazhonjenja w nawjedowanju a znajmjeńša wosom lět praktiskich nazhonjenjow na polu rozšěrjenja abo operatiwneho marketinga, idealnje tež projektoweho managementa a organizowanja zarjadowanjow
  • wobknježiš programy Office pakćika kaž tež zakładne wobdźěłanje fotow a grafikow
  • dźěłaš rady samostatnje a w teamje a maš wjeselo na wobchadźe a komunikaciju z ludźimi
  • jara dobre komunikaciske zamóžnosće, wušiknosć při jednanjach
  • wobsedźiš jězbnu dowolnosć klasy B

Što ći skićimy?

  • zamołwitu a wotměnjawu poziciju w Serbach
  • njewobmjezowane přistajenje
  • dźěłowe městno w Budyšinje w přećelnym a nazhonitym teamje
  • atraktiwnu mzdu, hač do 30 dnjow dowola wob lěto
  • fleksibelny dźěłowy čas, dźiwajo na potrjeby swójbow kaž tež móžnosć mobilneho dźěła
  • dołhodobnu perspektiwu a přiležnosće, so dale kubłać

 

Dźěłowy wobjim wučinja 40 hodźin wob tydźeń. 

Maš-li zajim, požadaj so z digitalnymi podłožkami pola nas!

 

Maš-li prašenja, zazwoń na nas abo napisaj nam mejlku.

 

Ludowe nakładnistwo Domowina | jednaćel Syman Pětr Cyž |

Sukelnska 27 | 02625 Budyšin | tel. 03591/577-241

 

 

 

nowostki LND