Sy rady mjez ludźimi a wěš, što jich zajimuje? Njebojiš so, po nowych pućach kročić?
Maš lóšt, za nowiny a nowy serbski onlinowy portal pisać?
We wotrjedźe za nowiny a časopisy poskićamy wot 01.04.2026 abo najpozdźišo wot 01.05.2026 sćěhowacu wotměnjawu poziciju:
redaktor za powěsće (m/ž/d)
w redakciji Serbskich Nowin.
Kotre nadawki na tebje čakaja?
- planuješ, koordinuješ, rešeršuješ a zhotowješ žurnalistiske přinoški za nowinu a serbsku online-platformu
- wudźeržuješ styki z čitarjemi a dopisowarjemi
- přełožuješ a rediguješ dopisy a přinoški
- wozjewješ přinoški w ćišćanej a digitalnej nowinje kaž tež w socialnych syćach
- podpěraš dorostowe dźěło a cross-medialne dalewuwiće w nakładnistwje
Tute kajkosće přinjeseš sobu:
- maš po móžnosći wysokošulske wotzamknjenje abo přirunajomne powołanske nazhonjenja na polu žurnalizma abo (socialnych) medijow
- pisaš rady, zamóžeš derje rešeršować a wobknježiš serbšćinu a němčinu ertnje kaž tež pisomnje
- maš dobre začuće, što ludźi regiona zajimuje
- wobknježiš zakłady a komunikaciske prawidła digitalnych medijow a socialnych syćow
- chceš swoje rěčne kmanosće wobstajnje polěpšować
- sy zwólniwy, při cross-medialnym a technologiskim dalewuwiću Serbskich Nowin sobu skutkować
- maš jězbnu dowolnosć klasy B
Što ći skićimy?
- njewobmjezowane přistajenje
- mzdu po tarifje TV-L (wotwisne wot kwalifikacije hač do EG 11)
- 30 dnjow dowola wob lěto
- přidatne zawodne zastaranje za čas wuměnka
- dźěłowe městno w Budyšinje w přećelnym teamje wšěch generacijow
- fleksibelny dźěłowy čas po zwučenosćach nowinarstwa kaž tež móžnosć mobilneho dźěła
- dołhodobnu perspektiwu a móžnosće, so rěčnje a žurnalistisce dale kubłać a wukmanjeć
Dźěłowy čas wučinja 40 hodźin wob tydźeń, mjenje je po dorěčenju móžno.
Smy-li twój zajim zbudźili, potom požadaj so hač do 22.02.2026! Wjeselimy so na twoje digitalne požadanske podłožki!
Při prašenjach na nas zazwoń abo napisaj nam mejlku.
telefon: 03591/577-241
Ludowe nakładnistwo Domowina
jednaćel Syman Pětr Cyž
Sukelnska 27
02625 Budyšin
