Wuspěšny hudźbny jubilej

srjeda, 13. meje 2015
artikl hódnoćić
(1 )
Zakónčacy koncert Wojerowskich 50. hudźbnych dnjow minjenu njedźelu bě zdobom prěnje předstajenje noweje dirigentki tamnišeho sinfoniskeho orchestra Evy Meitner – a premjera je so derje zešlachćiła. Dołho mócnje přikleskujo so publikum za wul kotne koncertne dožiwjenje podźakowa. Foto: Ulrike Herzger Zakónčacy koncert Wojerowskich 50. hudźbnych dnjow minjenu njedźelu bě zdobom prěnje předstajenje noweje dirigentki tamnišeho sinfoniskeho orchestra Evy Meitner – a premjera je so derje zešlachćiła. Dołho mócnje přikleskujo so publikum za wul kotne koncertne dožiwjenje podźakowa. Foto: Ulrike Herzger

Wojerowske 50. hudźbne dny njedźelu z wjerškom wuklinčeli

Něhdźe 600 wopytowarjow dožiwi minjenu njedźelu napjeće wočakowany a horliwje přiwzaty zakónčacy koncert z Wojerowskim sinfoniskim orchestrom tónraz pod nawodom Evy Meitner jako wjeršk hudźbnych dnjow. Koncepcija połna wariantow mustwa „Łužiskeje hale“ wokoło Carmen Hoffmann k jubilejnym dnjam bě wulki wuspěch. Dohromady 3 000 ludźi dožiwi hudźbne dny, kotrež mnohich zajimcow přiwabichu.

Lubowarjo klasiskeje hudźby dachu sej Nowu łužisku filharmoniju z twór­bami Wagnera a Straussa lubić, swjećachu na Mozartowym wječoru briliantneho wirtuozu na wiolinje Valeryja Oistracha a hódnoćachu wulke wukony 50 lět wobstejaceho Wojerowskeho sinfoniskeho orchestra.

Tež moderna měšeńca, tak mjenowany overcross, bě pódla. Klasiska, filmowa a improwizowana hudźba w powabnym dueće pišćelow a panoweje pišćałki we wulkotnej akustice Janskeje cyrkwje wostanje mnohim hišće dołho w pomjatku.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND