Chłóšćenki ze zamróžaka

srjeda, 20. meje 2015
artikl hódnoćić
(0 )
Što je zasłužba załožerja pólskeje ludowědy Oskara Kolberga za Łužicu? Na tele prašenje wotmołwić spytachu na Choćebuskim sympoziju pólscy a serbscy slědźerjo Janusz Jaskulski, Hanna Pawlak, Tomasz Nawka, dr. Ewa Antyborzec, dr. Łukasz Smoluch, Měrko Šołta kaž tež moderator a komponist Sebastian Elikowski-Winkler (wotlěwa).  Foto: Gregor Wieczorek Što je zasłužba załožerja pólskeje ludowědy Oskara Kolberga za Łužicu? Na tele prašenje wotmołwić spytachu na Choćebuskim sympoziju pólscy a serbscy slědźerjo Janusz Jaskulski, Hanna Pawlak, Tomasz Nawka, dr. Ewa Antyborzec, dr. Łukasz Smoluch, Měrko Šołta kaž tež moderator a komponist Sebastian Elikowski-Winkler (wotlěwa). Foto: Gregor Wieczorek

Na konferency wo Kolbergu wo wuznamje ludowych spěwow rěčeli

Cyła delegacija z pólskeho Póznanja bě 9. meje do Choćebuskeho měšćanskeho domu přijěła, zo by wědu wo wuznamnym slědźerju europskeho formata w Němskej kaž tež serbskim ludowědniku w Serbach rozšěrjała, a to na konferency „Etnicita, identita, regionalita – Oskar Kolberg jako załožer Europy regio­now“.

Oskar Kolberg (1814–1890) słuša ke generaciji europskich zběraćelow, kotřiž su w 19. lětstotku zakład za ludowědu połožili a tak tež k nastaću narodneho sebjewědomja přinošowali. 87 zwjazkow wopřija cyłkowne wudaće jeho spisow, 59. zwjazk wěnuje so Łužicy. Syn němskeho nana a francoskeje maćerje pak njewu­směri so jenož na jedyn lud. „Kolberg je za čas pólskeho dźělenja a narodneho hibanja swój material do regionow zarjadował a płaći tuž jako jedyn z duchownych wótcow europskeje mysle, europy regionow“, rozłoži moderator sympozija Sebastian Elikowski-Winkler.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND