Wutrobne zetkanje z Łužiskimi Serbami w Texasu

srjeda, 30. septembera 2015
artikl hódnoćić
(0 )
Texaski braška Weldon Mersiovsky z dźiwadźelnicomaj Lizu Čornakowej (nalěwo) a Annu-Mariju Brankačkec na njedźelnym Wendish Fesće Foto: Martin Suschke Texaski braška Weldon Mersiovsky z dźiwadźelnicomaj Lizu Čornakowej (nalěwo) a Annu-Mariju Brankačkec na njedźelnym Wendish Fesće Foto: Martin Suschke

Budyšin (SN/bl). Na 27. Wendish Fesće minjenu njedźelu w Texasu poby lětsa delegacija jědnaće ludźi Budyskeho Němsko-Serbskeho ludoweho dźiwadła. Tójšto wustupow tam mějachu a zahorichu přihladowarjow z njewšědnym serb­sko-němsko-jendźelskim programom. Ně­hdźe 2 500 ludźi bě na swjedźensku łuku w Serbinje přišło, zo bychu Łužičanow dožiwili. Hosćićeljo měnjachu, zo bě hudźbna skupina najlěpša, kotruž hdy na tamnišim swjedźenju mějachu.

Hudźbna skupina Floppy dolls zawjeseli publikum ze serbskimi šlagrami 70- ­a 80tych lět kaž tež z delnjoserbskej narodnej­ drastu. Tón jedyn abo tamny jendźelski spěw tohorunja zaklinča. Intendant NSLDź Lutz Hillmann překwapi Texasčanow na basowej gitarje. „Jimacy běše wokomik, jako na wjeršku našeje jězby, Wendish Fesće, starc spontanje na jewišću serbsku pěseń zaspěwa“, powěda Madleńka Šołćic, zastupjerka intendanta a dramaturgowka NSLDź.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND