Wurjadny swědk srjedźowěkowskich stawiznow

póndźela, 12. oktobera 2015
artikl hódnoćić
(0 )
Budyski wyši měšćanosta Alexander Ahrens wobhladuje sej hromadźe z wuměłču Iris Brankačkowej fotokopiju sławneho přestrjenca. Foto: Carmen Schumann Budyski wyši měšćanosta Alexander Ahrens wobhladuje sej hromadźe z wuměłču Iris Brankačkowej fotokopiju sławneho přestrjenca. Foto: Carmen Schumann

Budyšin (CS/SN). Što ma přestrjenc z Bayeuxa zhromadneho z Hornjej Łu­žicu? Na prěni pohlad ničo. Budyscy archeologojo bychu wjeseli byli, bychu-li tajki časowy swědk zažneho srjedźowěka měli. Přestrjenc pokazuje dokładnje po­dawki mjez Jendźelskej a Francoskej w 11. lětstotku. Nimo bitwy pola Hastingsa w lěće 1066 předstaja wón tež wšelake podawki wšědneho dnja. Muzej Budyšin je hordy, směć we wobłuku wustajeńcy „Twjerdźizny, črjopy, spanjowe rynki – regionalna archeologija srjedźowěka“ fotokopiju přestrjenca pokazać.

Sobotu wotewrjena přehladka je hač do 21. februara 2016 přistupna. Při zahajenju zrodźi so myslička, zarjadować składnostnje wróćenja fotokopije kubłansku jězbu zajimowanych Hornjołužičanow do Normandije. Budyski wyši měšćanosta Alexander Ahrens – wón perfektnje francosce rěči a je zdobom dobry­ znajer stawiznow – přednošowaše k pozadkam přestrjenca z Bayeuxa, kotryž su prawdźepodobnje žony po wo­pisowanjach mužow wušiwali.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND