Čitaće w nowym rozhledźe (30.10.15)

pjatk, 30. oktobera 2015
artikl hódnoćić
(0 )

Nowemberske čisło Rozhlada je jako kolaža aktualnych a stawizniskich temow wuhotowana. Na jednym boku předstaja njewšědnu wosobu z Budyšina – dr. Joséja Maríju Zamoru Gonzáleza, pochadźaceho z Nikaraguwy. Fachowy lěkar Budyskeho medicinskeho zastaranskeho centruma za šiju, nós a wuši wopisuje swój žiwjenski puć wot studentskeho časa hač do dźensnišeho, ale tež swoju pódlansku zaběru – Budyske towarstwo Vision 2017. Na tamnym boku nawjazuje Hinc Šołta-Lauterbachski na tekst Tima Meškanka „Wo pozadku sobudźěła Serbow ze statnej bjezstrašnosću NDR“ w čo. 9/2015 a podawa swoje dopóznaća wo znjewužiwanju jednotliwcow we wobłuku njeoficialneho dźěła na přikładźe wučerja Pawoła Wićaza. Wo wuznamnym Josefje Páće – čěskim sorabisće – w Lwowskim časopisu Ruch Słowiański piše dr. Piotr Pałys.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND