Sieghard Kozel na čole spěchowanskeho towarstwa SLA

štwórtk, 10. decembera 2015
artikl hódnoćić
(0 )
Nowy a dotalny předsyda Sieghard Kozel a Jurij Łušćanski (wotlěwa)  Foto: SN/MB Nowy a dotalny předsyda Sieghard Kozel a Jurij Łušćanski (wotlěwa) Foto: SN/MB

Budyšin (SN/CoR). Wuslědk wčerawšich wólbow noweho předsydstwa Towaršnosće k spěchowanju Serbskeho ludo­weho ansambla Budyšin w hosćencu „Schnitzelstube“ njeje jenož jeje noweho předsydu překwapił. Po dlěšej diskusiji su čłonojo Siegharda Kozela skónčnje jednohłósnje na čoło towarstwa wuzwolili. Do toho běštaj namjetowanaj kandidataj Michał Janca kaž tež Volkmar Šołta namjet, wjednistwo přewzać, priwatnych přičin dla wotpokazałoj. Dotalny předsyda Jurij Łušćanski bě hižo dlěši čas připowědźił, zo po štyrjoch lětach zastojnstwo złoži. W předsydstwje pak wón dale skutkuje. Nimo njeho a Marcela Braumana je tež Volkmar Šołta nětko sobustaw předsydstwa. Jěwa-Marja Čornakec stara so jako­ pokładnica dale wo financy.

„Chcu přichodnej lěće wužiwać a profil towarstwa dale profilować“, rjekny Sieghard Kozel a dźakowaše so za njewočakowanu česć. „Přiwozmu zastojnstwo pod wuměnjenjom, zo staramy so zhromadnje wo natwar přichodnych strukturow towarstwa.“ Nawoda zhromadźizny Michał Janca dźakowaše so Jurjej Łušćanskemu za dotalny angažement.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND