Předsyda rady Mättigoweje załožby dr. Uwe Koch přepoda dźens dopołdnja w bibliotece Budyskeho Melanchthonoweho gymnazija šekaj w hódnoće dwójce 1 000 eurow gymnazijej a towarstwu „Witajće do Budyšina“. Šulerska rěčnica gymnazija Lilly Roitsch a Tim Döke z towarstwa staj šek přijimałoj.
Budyšin (CS/SN). Direktor Melanchthonoweho gymnazija Karsten Vogt so wjeseli: „Zo by biblioteka atraktiwna za šulerjow wostała, dyrbimy wobstatk wobstajnje aktualizować.“ Tohodla chcedźa nimo fachowych knihow tež beletristiku a elektroniske medije kupić, wobkedźbujo při tym přeća šulerjow. Šulska bilioteka wobsteji wot lěta 2008.