50 000 ludźi wot lěta 2005 biblisku zahrodu Oberlichtenau wopytało

Woponaj pyšitej wokno při zachodźe do ekumeniskeje bibliskeje zahrody w Oberlichtenauwje. Za škleńcu tči chorhojčka Israela w kwětkowcu. „LPG 7. oktobra“ a „Rada gmejny“ čitaš we woponomaj. 7. oktobra zahaji so w bibliskej zahrodźe tež časowa pruha wo stawiznach židow. „Tón dźeń bě w lěće 3 761 do Chrystusa swět nastał. Tak znajmjeńša je to po generacijach dale date“, wuswětla Maik Förster, čestnohamtski jednaćel Křesćanskeho towarstwa Oberlichtenau pola Kamjenca. „Tež NDR su 7. oktobra 1949 załožili­ ... Bóh ma woprawdźe humor.“ Wot wotewrjenja bibliskeje zahrody w juniju 2005 bě tam dotal wjace hač 50 000 wopytowarjow ze wšeje Němskeje.