Lawski wěžer ludźi po Röhrscheidtowej bašće wodźił

srjeda, 30. měrca 2016
artikl hódnoćić
(0 )
Budyski Lawski wěžer Andreas Thronicker je wot ćicheje soboty hač do jutrowneje póndźele zajimcam Röhrscheidtowu baštu zbližił.  Foto: Carmen Schumann Budyski Lawski wěžer Andreas Thronicker je wot ćicheje soboty hač do jutrowneje póndźele zajimcam Röhrscheidtowu baštu zbližił. Foto: Carmen Schumann

Budyšin (CS/SN). Budyske wěže dyrbja žiwe być. Toho staj sej Lawski wěžer Andreas­ Thronicker a Bosćij Benada přezjednaj. Benada stara so wo to, wěže w sprjewinym měsće wožiwić. K jutram přeprošowaše Budyski Lawski wěžer zajimcow na wodźenje po Röhrscheidtowej bašće. Něhdźe dwaceći wopytowarjow bě so sobotu k štyrjom wodźenjam zešło. Njedźelu je wjace hač połsta ludźi nowy poskitk wužiło a jutrownu póndźelu hišće jónu wjace hač dźesaćo. To je dobry započatk, byrnjež sej Lawski wěžer trochu wjace zajima přał. Za poskitk měło so tuž hišće bóle wabić, je sej Andreas Thronicker wěsty. Mnohostronski wodźer po měsće rozjasni wopytowarjam, zo rěkaše bašta něhdy Rybarska bašta, dokelž ju rybarjo,­ kotřiž podłu Sprjewje bydlachu, zakitowachu. Pozdźišo dósta wona mjeno architekta Stareje wodarnje Wenzela Röhrscheidta.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND