„Zymny kut“ rěka nowa serbska zběrka basnjow Kita Lorenca, kotraž je dypkownje k wčerawšej knižnej premjerje w Ludowym nakładnistwje Domowina wušła. Wjace hač 30 zajimcow je do Budyskeje Smolerjec kniharnje přišło, zo bychu dožiwili čitanje 78lětneho mištra rěčow, kotremuž nazymu Myto Christiana Wagnera spožča.

Budyšin (SN/CoR). „Z Kitom Lorencom zhromadnje dźěłać bě mi wulka česć. Běch wšak spočatnje rozbudźeny – stary zajac a młoda juška, što móhł lektor tajkemu nazhonitemu awtorej radźić? Mam so jemu dźakować, zo smědźach jemu poboku stać“, rozłoži lektor Pětr Thiemann wčera wječor. A wuslědk jeju zhromadneho dźěła móže so widźeć dać. Dohromady 84 w minjenymaj lětomaj nastatych twórbow z pjera basnika a jako dodawk něšto romantiskeje čěskeje poezije Kyrkonošow w jeho přełožku nowa kniha wobsahuje. Jeje wobalku je Iris Brankačkowa z čornoběłej grafiku porjeńšiła.

Lyrika a grafika

pjatk, 15. apryla 2016 spisane wot:
Kamjenica (cyna/SN). Runje wušoł je we Kamjeničanskej wuměłskej dźěłarni Sonnenberg-Presse „Zešiwk lyriki čo. 18“. W nim je jako prěnjotne knižne wozjewjenje třinaće basnjow Róže Domašcyneje zapřijatych. Pismiki su z ruku sadźane a z ručnej mašinu ćišćane. Wudaće z nitkowej wjazbu je zhotowiła Bettina Haller. Z jeje ruki su tež grafiki: tři acrylowe rytwy w kombinaciji z drjeworězbami. Zešiwk wuměłčow wuńdźe w nakładźe 200 eksemplarow, je čisłowany a kóždy eksemplar je wot wobeju podpisany.

Spěšnišo dale přińć

štwórtk, 14. apryla 2016 spisane wot:

Budyšin (SN/CoR). Prěnju twórbu, „Tu es Petrus“ (Ty sy Pětr) Josepha Augustina Englera (1853–1929), su wčera hižo wot spočatka hač do kónca spěwali. Hladajo na to, zo bě to hakle druha proba chóroweje akademije, njebě to špatne. „Smy po dobrym puću. Poprawom so mi zda, zo móhli projekt k dobremu wuslědkej wjesć a zo z toho něšto rjane, tež za publikum, wuńdźe“, měni nawoda akademije, cyrkwinski hudźbny direktor Friedemann Böhme, po dwuhodźinskim zwučowanju w awli Budyskeho Schilleroweho gymnazija. We wobłuku Łužiskeho hudźbneho lěća chcedźa 31. julija w Budyskej tachantskej cyrkwi swj. Pětra pod hesłom „Tachantske zynki“ kruchi Budyskich cyrkwinskich hudźbnikow 19. a 20. lětstotka předstajić, kotrež buchu specielnje za tachantstwo komponowane.

Wosobinske spomnjenki na Marju Kubašec

srjeda, 13. apryla 2016 spisane wot:

Chasow běše nam wosebite zapřijeće! Wottam pochadźeše naša Hantušec wowka a tam bydleštej jeje staršej sotře Marja a Hańža. Marja Kubašec běše moja Chasowska kmótra a Hańža Thielmannowa naša kmótra lěkarka, dokelž bě kmótřiła našemu nanej a mojej sotře Ludmili.

Do Chasowa sym běhała, z rolerom sej pěši puć po horje dele skrótšała, sym tam z kolesom, mopedom a na kóncu z Trabantom jězdźiła. Tam přebywach jako dźěćo, šulerka, młodostna a dorosćena – jako mać móžach Chasowskej kmótře samo jeje praprasotrowca předstajić.

Kóždy wopyt pola kmótry měješe někajki wosebity powabk: Hač běchu to polcy połne knihow, dobra słódkosć, kupny napoj, zhromadna hra, wosebje pak přec zajimawa bjesada.

A hižo zahe pytnych, kajke zbožo mějach, zo běštaj staršej nanowu ćetu Marju Kubašec – tehdy 59lětnu – za moju kmótru prosyłoj.

„... ničo wjac noweho?“

srjeda, 13. apryla 2016 spisane wot:

Ničo wjac noweho w zhromadnym projekće mjez serbskimi a mecklenburgsko-předpomorskimi komponistami? Wězo, tola. Přetož prěnje tři serije koncertow, spěchowane wot Němskeho zwjazka komponistow, Kulturneje załožby Swobodneho stata Sakskeje, Załožby za serbski lud a druhich, njeběchu jenož wuspěšne, ale wopokazachu so tohorunja jako dołhodobnje skutkowace. Loni nazymu zahaji so štwórta serija w Rostocku a Greifswaldźe. Minjenu sobotu slědowaše prěni łužiski koncert na Wojerowskim hrodźe. Tamniši agilny kulturnik Martin Schmidt běše wšón rozbudźeny, kelko je mjez serbskimi hudźbnikami potenciala, kotřiž na wysokim niwowje wšelake směry artificielneje hudźby zastupuja.

Poskićuja toboły z motiwami SLA

srjeda, 13. apryla 2016 spisane wot:
W nowych serwisowych rumnosćach Serbskeho ludoweho ansambla při Budyskich Młynskich wrotach poskićuja nětko toboły z motiwami dokoławokoło SLA. Při tym su wabjenske chorhoje ansambla na indiwiduelne toboły předźěłali a je za jenož pjeć eurow předawaja. Stóž potajkim hišće hrabnjenčko, darik abo jednorje nakupowanski wačok za sebje trjeba, njech ma so do spěcha, zo by jednu z tobołow dóstał. Foto: SLA/Annelie Schmuck

Wojerecy (SN/CoR). Štyri dny do zahajenskeho koncerta 51. Wojerowskich hudźbnych dnjow přichodnu njedźelu w tamnišej „Łužiskej hali“ su něhdźe tři štwórćiny zastupnych lisćikow hižo předate. To wězo wjelelětnu organizatorku Carmen Hoffmann wjeseli: „Smy pozitiwnje překwapjeni, zo je telko kartkow hižo wotbytych. To wo tym swědči, zo so naš lětuši poskitk ludźom spodoba.“ Hižo wupředatej stej koncertaj z mjezynarodnymi wuměłcami kaž su to pianist Louis Schwizgebel, Avi Avital na mandolinje a Mahan Esfahani na cembalu. Zbywace lisćiki su hišće za klezmerowu hudźbu z klarinetistom Gioru Feidmannom a organistom Matthiasom Eisenbergom 3. meje w Janskej cyrkwi. Koncert pod hesłom „Wosebity instrument – ze škleńcy“ 1. meje dyrbjachu wulkeho wothłosa dla do hrodoweje žurle přepołožić. Dohromady wabi jědnaće zarjadowanjow hač do 8. meje do Wojerec.

12. króć wotměja so wot 17. do 19. junija Smochčanske hudźbne dny. Tež tónraz poskića zaso tři dny program, byrnjež so z tradicionalnej swójbnej njedźelu rozžohnowali.

Něhdźe 40 wopytowarjow dožiwi njedźelu zajimawy a poradźeny hudźbno-literarny wječor „Wobrazy nalěća“ w Budyskim Dźiwadle na hrodźe. Pianistka­ a komponistka Liana Bertók běše zarjadowanje z podpěru Załožby za serbski lud organizowała.

Budyšin (bn/SN). Nimo Budyšanki na křidle běchu renoměrowany cellist Christoph Uschner z Radebeula, z Budyšina pochadźacy a tuchwilu na Drježdźanskej wysokej šuli „Carl Maria von Weber“ studowacy bariton Johannes Hochrein a dźi­wadźelnik Němsko-Serbskeho ludoweho dźiwadła Měrko Brankačk jako rěčnik a recitator słyšeć. Sabine Jordan z Drježdźan wobrubi program z wurazowej reju.

Tradicija + moderna = nowa kwalita

póndźela, 11. apryla 2016 spisane wot:

Budyšin (CRM/SN). Z wulkimi wočakowanjemi přińdźe publikum stajnje znowa na koncerty 1. serbskeje kulturneje brigady. A jej so dale poradźi, swój wysoki niwow dźeržeć. To wobkrući so zaso sobotu na nalětnim koncerće na žurli Kehelernje. Wšitke tři sparty – chór, instrumentalisća a rejwanska skupina – běchu na programje wobdźělene. Woni předstajichu program, w kotrymž tworješe klasiske narodne herbstwo z našočasnym wuměłstwom dobru syntezu.

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND