Přihotowanski program Łužiskich liškow

štwórtk, 11. julija 2019 spisane wot:

Łužiske lodohokejowe liški startuja srjedź awgusta do wobšěrneho přihotowanskeho programa za nowu sezonu. Jenož dwě testowej hrě pak budźetej doma w Běłej Wodźe. Swoju třeću přihotowansku partiju změja Liški 16. awgusta pola mustwa Rytíří Kladno. To je klub legendy NHL Jaromíra Jágra. Jeho cyłk je lětsa do najwyšeje lodohokejoweje ligi Čěskeje postupił.

11.08. 16.00 Łužiske liški –

  Mjedwjedźe Berlin

15.08. 18.00  Benátky nad Jizerou –

  Łužiske liški

16.08. 15.00  Rytíří Kladno –

  Łužiske liški

21.08. 17.30  HC České Budějovice –

  Łužiske liški

24.08. 17.00  Crocodiles Hamburg –

  Łužiske liški

25.08. 16.00  Łužiske liški –

  HC České Budějovice

29.08. 18.00  HC Litoměřice –

  Łužiske liški

30.08. 17.00  Ústí nad Labem –

  Łužiske liški

06.09. 20.00  Hannover Indians –

  Łužiske liški

08.09. 17.00  Icefighters Lipsk –

  Łužiske liški

FSGnicy z bronzu a ze slěbrom

srjeda, 10. julija 2019 spisane wot:

Mikswolejbulisća Budyskeje FSG su 29. mišterstwo na hobbyjowej runinje z bronzu a pokalne wurisanje ze slěbrom mjez 6 startowacymi cyłkami skónčili.

Mjeztym 29. sezona w mikswolejbulu zahaji so kónc oktobra 2018 w Budyskim wokrjesu. Budyska FSG je 25 lět pódla a wostanje z jědnaće wokrjesnymi titu­le­mi dale najwuspěšniše měšane mustwo.

Dypkowe hry 2018/2019 zahajichu FSGnicy z poražkomaj, dokelž njemějachu dosć žonow k dispoziciji (stajnje tři dyrbja na hrajnišću stać). Nimo partije přećiwo amtěrowacemu a nowemu wo­krjesnemu mištrej ST Wjazońca hrajerki a hrajerjo wokoło kapitana Petera Blümela wšitke tamne dobychu. Znowa pak běštej sej swětło a sćin w jednotliwych ro­zestajenjach jara bliskej. Wosebje w při­­jimanju nadaćow a w pólnym škiće mějachu mikswolejbulisća swoje ćeže. Kak dołho budu strašne nadaća a wjelelětna rutina najstaršemu wšěch měšanych mu­stwow Budyskeho wokrjesa hišće pomhać, pokaza potom jubilejna 30. sezona wot lětušeje nazymy.

We Łutach za bulom honili

srjeda, 10. julija 2019 spisane wot:
We wobłuku swjedźenskeho kónca tydźenja „100 lět FSV Łuty“ je wokrjesny ligist dwójce přećiwo wyšoklasowym mustwam hrał. Pjatk wječor nastupi přećiwo FSV Łutam krajny ligist Budis­sa Budyšin a sobotu regionalny ligist Biskopičanske Koparske towar­stwo. Sobotnu hru nawjedowaše serbski sudnik Michał Neter (srjedźa w pozadku) z Njeswačidła. Budyšenjo porazychu Łutowčanow z 12:0 a Biskopičenjo ze 14:0. Foto: Werner Müller

Serbska bičwolejbulowa liga 2019

wutora, 09. julija 2019 spisane wot:

Aktualna tabulka 2019

hry/sadźby/dypki

1. Hančik/Jurack/Krawc 4 8 : 2 8

2. Mieth/Spiesec/Lipič 4 7 : 3 6

3. Wahlicht/Smoła/

Pakoßnik/Bětnar 2 4 : 0 4

4. Škit Budyšin 3 4 : 4 2

5. Hanuza/Langa 4 2 : 7 2

6. Cyž/Zelnak  5 1 : 10 0

7. Smoła/Šołta  0 0 : 0 0

7. Gedik/Bjeńš/Rawšec  0 0 : 0 0


dotalne hry

Škit Budyšin – Hančik/Jurack/Krawc 1:2 (22:20; 12:21; 6:15)

Škit Budyšin – Cyž/Zelnak 2:0 (21:15; 21:18)

Škit Budyšin – Mieth/Spiesec/Lipič 1:2 (21:18; 12:21; 14:16)

Hanuza/Langa – Hančik/Jurack/Krawc 0:2 (16:21; 17:21)

Hanuza/Langa – Cyž/Zelnak 2:1 (21:12; 20:22; 18:16)

Hanuza/Langa – Mieth/Spiesec/Lipič 0:2 (20:22; 11:21)

Hanuza/Langa – Wahlicht/Smoła/Pakoßnik/Bětnar 0:2 (19:21; 17:21)

Hančik/Jurack/Krawc – Cyž/Zelnak 2:0 (21:18; 21:10)

Hančik/Jurack/Krawc – Mieth/Spiesec/Lipič 2:1 (20:22; 21:18; 15:11)

Cyž/Zelnak – Mieth/Spiesec/Lipič 0:2 (12:21; 16:21)

Cyž/Zelnak – Wahlicht/Smoła/Pakoßnik/Bětnar 0:2 (14:21; 20:22)

Jurij Bjeńš

30. Kulow-cup wospjet wuspěšny

wutora, 09. julija 2019 spisane wot:

Pućowanski pokal měnja wobsedźerja. Němsko-serbska frakcija (DSF) přesadźi so w Kulowje w třělenju jědnatkow přeći­wo lońšemu dobyćerjej Kulow­minatijam.

K zazběhej lětušeho 30. Kulow-cupa swje­ćachu pjatk wječor při Kulowskim měšćanskim haće party „Fiesta Mexikaner“. Sobotu přewjedźe wosom wjesnych a měšćanskich cyłkow 30. lětni Kulow-cup: Běchu to cyłki Dołha garda, Wjesni hłupacy, Söffnerojo, Gutkickerz, DSF, nowačk Kulow Section kaž tež hosćićelej Kulowminatije a WD-40. Dwě stajnej zastupnistwje pak pobrachowaštej. Mustwo COK (Company of Kulow) bě hižo na lětnim dowolu, Zelena garda pobrachowaše kwasa dla.

Po dołhim turněrowym popołdnju běchu dobyćerjo postajeni. W kónčnej hrě wojowachu Kulowminatije a DSF. Do­kelž­ pak skónči so finale 0:0, dyrbjachu kopy z dźewjeć metrow duel rozsudźić. DSF je třělenje z 3:2 dobyła a dyrbi tuž klětu 31. Kulow-cup wuho­tować.

Satkularjo so přesadźili

wutora, 09. julija 2019 spisane wot:
Bičwolejbulowa tura Radija Satkula pozasta wčera w Njebjelčicach. Tójšto přihla­dowarjow bě sej na druhu staciju bičtury dojěło. Wčera je 21 mustwow wo tydźen­ski titul­ wojowało. Na kóncu přesadźi so mustwo Satkularjow. Přichodna stacija je póndźelu­, 15. julija, w Hórkach. Foto: Darius Budar

Tabulka po 10. hrajnym dnju

1. Módro-běli Kulow  12 38 : 13 27

2. HFC Natwar/Wětnica 10 30 : 13 22

3. Sokoł Ralbicy/Hórki 10 29 : 14 21

4. HZ Bluń/Lubuš 11 25 : 17 20

5. HZ Hórnikecy/Ćisk 10 24 : 16 19

6. HZ Rakecy/Šćeńca 10 25 : 13 15

7. LSV Hory 10 17 : 24 9

8. Hermsdorfske ST 10 19 : 35 7

9. HFC Jednota 12 19 : 40 7

10. HZ Aktiwist/Lok/

SC Wojerecy 9 9 : 40 3


Sokoł Ralbicy/Hórki

– LSV Hory 3:1 (1:0)

Zestawa domjacych: Měškank – Brězan, Zynda (62. M. Žur), Statnik, Rychtar, Brückner, Lulak, Šołta (67. Matka), Čornak, S. Žur (55. Serbin), Hrjehor

Na poslednim hrajnym dnju prěnjeje połserije witachu Ralbičanscy koparjo-stari knježa hrajerjow z Horow. Hry přećiwo nim běchu dotal stajnje z wulkim ćělnym zasadźenjom zwjazane.

Juniortriatloncup přewjedli

wutora, 09. julija 2019 spisane wot:
Juniortriatloncup wokrjesneho sportoweho zwjazka Budyšin měješe kónc junija swoje druhe z dohromady štyrjoch wurisanjow, tónraz w Bischheimskej kupjeli. Organizowało­ bě 11. dźěćacy triatlon towarstwo OSSV Kamjenc. Wobdźě­liło je so dohromady 66 dźěći a młodostnych. Přichodnej wubědźowani budźetej 25. awgusta we wobłuku 31. knappenmana na a wokoło Třižonjanskeho jězora a 29. septembra na 6. Budyskim crossowym duatlonje. Foto: Lars Bauer

Wuslědki (09.07.19)

wutora, 09. julija 2019 spisane wot:

Tabulce dorosta Zapadołužiskeho koparskeho zwjazka (WFV)

młodźina C, wokrjesna liga, stafla 1

1. FSV Budissa Budyšin II 16 78 : 11 43

2. HZ Wulka Dubr./Radwor 16 65 : 25 40

3. Póst Germania Budyšin 16 41 : 36 25

4. ST Porchow 16 38 : 34 25

5. HZ Załom/Wopaka/ 

Wjernarjecy 16 28 : 39 19

6. HZ Bukecy/Kubšicy 16 29 : 48 19

7. HZ Horni kraj Sprjewja/

Hnašecy-Dobruša 16 30 : 57 14

8. Huska/Palow-Stachow 16 33 : 62 13

9. HZ Drohotka Ramnow/

FSV Bretnig-Hauswalde 16 31 : 61 10

młodźina C, wokrjesna liga, stafla 2

1. ST Kinspork/Łužnica 16 68 : 15 42

2. TSV Połčnica 16 93 : 24 38

3. HZ Kamjenc/Biskopicy II 16 67 : 34 32

4. Chrósćicy/Njebjelčicy 16 44 : 35 28

5. HZ Ćisk/Hory/

Łaz/Běły Chołmc 16 37 : 38 23

6. HZ Ottendorf-Okrilla 05/

Hermsdorfske ST 16 36 : 42 17

7. Ralbicy/Hórki/Kulow 16 38 : 49 16

8. Arnsdorfske KT 16 17 : 88 8

9.  HZ Natwar Němske Pazlicy/

Běła-Cunnersdorf 16 24 : 99 5

Tradicionalny kobołkowy turněro

póndźela, 08. julija 2019 spisane wot:

Jedyn z najwustojnišich znajerjow serbske­ho wolejbula je bjezdwěla sporto­wy wučer Serbskeho gymnazija Budyšin Měrko Korjeńk. W tołstych rjado­wakach zběra wón artikle, fota a wu­slědki wšěch móžnych wubědźowanjow wólnočasneho wolejbula w Serbach. K tomu słušeja sokołske turněry wo pokal Domowiny runje tak kaž­ małe turněry wučerskich abo wjesnych mustwow.

Před něšto tydźenjemi je Měrko Korjeńk připódla zwěsćił, zo wotměje so we Worklecach lětsa hižo 25. wolejbulowy turněr z dźiwnym mjenom „kobołkowy“. Hač bě to nětko woprawdźe 25. wubědźowanje, abo hač bu wone před 25 lětami załožene, njeje cyle wěste. Dołha tradicija pak je přičiny dosć na započatki so dopomnić a čitarjam rozswětlić, što ma turněr z kobołkom činić.

nawěšk

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.

nowostki LND