Mikławšowy turněr přewjedli

wutora, 08. decembera 2015
artikl hódnoćić
(0 )
Alojs Mikławšk (při bulu, CDU), zapósłanc Sakskeho krajneho sejma a kopar mustwa FC krajny sejm, je so na 17. Mikławšowym turněrje w Radworju jako aktiwny wobdźělił. Tule widźimy Worklečana w hrě přećiwo pozdźišim dobyćerjam-koparjam Krajnoradneho zarjada Budyšin. Foto: Jörg Stephan Alojs Mikławšk (při bulu, CDU), zapósłanc Sakskeho krajneho sejma a kopar mustwa FC krajny sejm, je so na 17. Mikławšowym turněrje w Radworju jako aktiwny wobdźělił. Tule widźimy Worklečana w hrě přećiwo pozdźišim dobyćerjam-koparjam Krajnoradneho zarjada Budyšin. Foto: Jörg Stephan

W Radworskej wjacezaměrowej hali „Slavia“ wotmě so minjeny kónc tydźenja 17. Mikławšowy koparski turněr.

Radworski wjesnjanosta Wincenc Baberška (CDU) bě na turněr dohromady dwanaće mustwow přeprosył. Žónske cyłki z Halštrowa, Šěrachowa a Němskich Pazlic pak bohužel krótkodobnje wotprajichu. Zamołwići Radworskeho towarstwa, kotřiž turněr nawjeduja, dyrbjachu tuž reagować. Dojednachu so na to, zo mějachu mustwa z Małeho Wjelkowa, Bukec a Hnašec/Dobruše dwójce přećiwo sebi hrać. Lońše dobyćerki z Chrósćic drje wjace njenastupichu, někotre znate mjezwoča pak běchu w mustwje Hnašecy/Dobruša widźeć. Pola muži běše Ra­dworski chór Meja zakitowar pokala.

Dochody lětušeho Mikławšoweho turněra přewostaja Minakałskej ewangelskej cyrkej za ponowjene wisydła (Glo­ckenstuhl). Tamniši farar Steffen Hirsch je so hižo do spočatka hrow za podpěru dźakował a wopisa skrótka tučasny staw starych wisydłow, kotrež fachowcy na lěto 1420 datěruja.

wozjewjene w: Sport
Prošu přizjewće so, chceće-li komentar podać

Serbska debata

nowostki LND