Chróšćenjo sej pokal zawěsćili

štwórtk, 03. januara 2019
artikl hódnoćić
(1 )
Wjesne koparske mustwo z Chrósćic je Worklečanski turněr wjesneje a gmejnskeje skupiny CDU dobyło a sej nowy pućowanski pokal zawěsćiło.  Foto: Jörg Stephan Wjesne koparske mustwo z Chrósćic je Worklečanski turněr wjesneje a gmejnskeje skupiny CDU dobyło a sej nowy pućowanski pokal zawěsćiło. Foto: Jörg Stephan

28. halowy koparski turněr wjesneje skupiny CDU we Worklecach

Wjesne koparske mustwo z Chrósćic je zašłu njedźelu 28. halowy turněr wjes­neje a gmejnskeje skupiny CDU we Worklecach dobyło. W finalu přesadźi so wone přećiwo zakitowarjej titula z Róžanta z 2:1. Třeće městno w dźesać cyłkow sylnym­ polu a połnje wobsadźenej Worklečanskej sportowej hali wobsadźichu wjesni koparjo z Pěskec, štwórte bu na kóncu prěnje mustwo Worklečanskich ženjenych. Duel wo třeće městno, kotryž bě so 1:1 skónčił, dyrbjachu kopy ze zdalenosće sydom metrow rozsudźić. Najlěpšej třělcaj z dźewjeć wrotami běštaj Fabian Korjeńk z Pěskec a Simon Žur z Worklec, najlěpši wrotar bě Worklečan Herbert Wagner.

wozjewjene w: Sport
Prošu přizjewće so, chceće-li komentar podać

Serbska debata

nowostki LND