Bjez praweho zapala hrali

wutora, 21. apryla 2015
artikl hódnoćić
(0 )
Jakub Šołta, jedyn z Njebjelčanskich młodych koparjow Foto: Jörg Stephan Jakub Šołta, jedyn z Njebjelčanskich młodych koparjow Foto: Jörg Stephan

SJ Njebjelčicy

– SC Großröhrsdorf II 0:2 (0:0)

Zestawa domjacych: D. Ričel – Šołta (66. Čornak), Haška, Hoier, Pawlik, Hanuza, Kral, Cyž, Hommel (82. T. Ričel), Dubaw, Janca (66. Hrjehor)

Dale bjez wuspěcha su tuchwilu Njebjelčanscy koparjo. W prěnjej połojcy sezony běchu woni duel w Großröhrsdorfje jasnje 4:1 dobyli. Tuchwilu pak hraja bjez trěbneho zapala a konsekwentneje zasadźitosće. Dwaj abo třo w normalnej formje hrajacy njezdokonjeja sami wuspěch za swój cyłk docpěć. Přećiwnik je so­ njedźelu na to nastajił, w swójskej połoj­cy rumy začinił a hdys a hdys strašnje konterował. Dwójce znješkódni wrotar Daniel Ričel wótrej třělwje (13., 40.), a prěnja połojca hry skónči so 0:0.

Po zhubjenym bulu w srjedźnym polu přeběža hóstny kopar hač k wrotam Njebjelčanow a přetwori k 0:1 (60.). Jeno tři mjeńšiny po tym docpě samsny hrajer bjez wulkeje ćeže přez prawu stronu hižo kónčny wuslědk 0:2 (63.). Naspomnjenjahódnu wjetšu šansu w 66. min. njezamó Hanuza w šěsnatce stejo přetworić. Bul kuli so nimo žerdźe. Hač do wothwizdanja so w rjadach domjacych ničo njesta, tón dźeń pobrachowaše jim prawy elan.

wozjewjene w: Sport
Prošu přizjewće so, chceće-li komentar podać

Serbska debata

nowostki LND