Doma snadnje podleželi

wutora, 02. oktobera 2018 spisane wot:

SJ Chrósćicy II

– SV Haselbachtal 1:2 (1:0)

Zestawa domjacych: Cyž – M. Donat, Förster, Mark, Lešawa, Jakubaš, Šołta, Liznar­, Mohaupt (46. Dehn), Šmit (66. Kral), J. Donat

Wuslědki (02.10.18)

wutora, 02. oktobera 2018 spisane wot:

Kopańca, regionalna liga muži

Babelsberg – Meuselwitz 1:4 (1:3)

BFC Dynamo – Neugersdorf 2:1 (2:0)

Fürstenwalde – Viktoria Berlin 1:0 (0:0)

Biskopicy – Altglienicke 0:2 (0:1)

Berlinski AK – Budissa Budyšin 2:0 (2:0)

Auerbach – Nordhausen 1:1 (0:1)

Erfurt – Hertha II3:3 (2:2)

Kamjenica – Lipsk3:1 (3:0)

Halberstadt – Rathenow 2:0 (0:0)

1. Kamjeničanski FC 10 25 : 9 30

2. Berlinski AK 10 17 : 11 22

3. Hertha BSC II 10 23 : 13 20

4. Wacker Nordhausen 10 13 : 5 20

5. Čerwjeno-běli Erfurt 10 14 : 8 16

6. SV Babelsberg 10 18 : 15 14

7. FC Viktoria Berlin 10 16 : 14 14

8. Biskopičanske KT 10 10 : 11 14

9. BFC Dynamo 10 11 : 17 14

10. H. Łužica Neugersdorf 10 13 : 16 13

11. Germania Halberstadt 10 15 : 14 12

12. VfB Auerbach 10 11 : 13 12

13. VSG Altglienicke 10 15 : 19 12

14. Budissa Budyšin 10 7 : 13 11

15. ZFC Meuselwitz 10 16 : 19 10

16. Lok Lipsk 10 10 : 15 8

17. Union Fürstenwalde 10 10 : 18 7

18. Optik Rathenow 10 9 : 23 4

krajna klasa

Ćisk – Běła Woda 3:4 (3:1)

Drježdź.-Strěžin – Rot. Drježdź. 3:4 (1:3)

Oderwitz II – Trjebin2:1 (2:1)

Neugersdorf II – Horni kraj 3:5 (1:3)

Weixdorf – Nowe Město 1:4 (1:2)

Laubegast – Großröhrsdorf 2:0 (2:0)

Chrósćicy – Borea Drježdźany 1:3 (1:2)

1. LSV Nowe Město 5 25 : 8 13

2. VfB Běła Woda 1909 5 21 : 8 11

3. SZ Drježdźany-Strěžin 5 12 : 6 10

4. FC Neugersdorf II 5 11 : 7 10

5. FSV Oderwitz II 5 10 : 5 9

6. SG Weixdorf 5 12 : 11 9

7. SC Borea Drježdźany 5 9 : 7 7

8. Laubegast 5 10 : 9 7

9. TSV Rotacija Drježdźany 5 7 : 13 5

10. ST Ćisk 5 12 : 14 4

11. SC Großröhrsdorf 5 5 : 8 3

12. ST Trjebin 5 4 : 17 3

13. ST Horni kraj-Sprjewja 5 7 : 23 3

14. SJ Chrósćicy 5 8 : 17 2

wokrjesna wyša liga

Bukecy – Němske Pazlicy 1:2 (0:0)

Rakecy – Kulow 3:1 (3:0)

Marcus Donat z Baćonja je w Hórkach lětuši pjaty běh wo němske dumperowe mišterstwa (DDM) dobył a prěni raz we wobłuku lětušich mišterstwow na najwyšim schodźenku dobyćerskeho podesta stał. Druhe městno wobsadźi Filip Kral z Róžanta, třeće Pawl Domš ze Zejic. Němski dumperowy mišter pak je lětsa znowa Filip Kral. W Bad Freienwaldźe a w Mildenbergu je Róžeńčan dobył. Wicemišter 2018 je Marcus Donat, třeći Thomas Neumann z Adelsdorfa. Foto: Feliks Haza

Na domchowanku tři dypki žnjeli

wutora, 02. oktobera 2018 spisane wot:

ST Marijina hwězda

– ST Lubuš 2:0 (1:0)

Zestawa domjacych: O. Schmidt – Wróbl, Škoda, Hawš, Lipič, Ch. Cyž, Kuring (81. Čornak), Pjetaš, P. Schmidt (85. Bejmak), Eldor, Pakoßnick (65. R. Cyž)

Při krasnym nazymskim wjedrje pohosćichu koparjo ST Marijineje hwězdy dotalneho načolnika ST Lubuš. Bě jasnje spóznajomne, zo chcedźa so chowancy trenarja Erwina Kleinmanna po poražce we Wojerecach zaso na dobyćerski puć wróćić. To so jim z wuspěchom 2:0 tež poradźi. Prěnjej móžnosći Jakoba Pakoßnicka (13.) a Alija Eldora (20.) pak wrotar hosći wuběrnje wotwobara. W 33. min. padny po lapsusu zadnjeho mustwa ST Lubuša 1:0. Pakoßnick reagowaše najspěšnišo a přihra bul Chrystofej Cyžej, kiž jón wótrje do wrotow smokny. Po tym ski­ćeše so hosćićelam dwójna šansa na 2:0. Najprjedy zwrěšći Feliks Pjetaš na jara sylnym wrotarju přećiwnika, tež druhi pospyt Pakoßnicka bu wot najlěpšeho Lubušana wotwobarany (33.).

Z dypkom móža spokojom być

wutora, 02. oktobera 2018 spisane wot:

Motor Kumwałd – Sokoł Ralbicy/Hórki 1:1 (1:1)

Zestawa hosći: Schöne – Matka (90. Kobalc), Schultz, Šewc, Hilbich, Wowčerk (46. J. Bjeńš), S. Bjeńš, Korjeńk, Lulak, Bejmak­, Domaška

Wopačanski cup 2018 zakónčeny

wutora, 02. oktobera 2018 spisane wot:

18. króć běh po Biskopičanskej Butrowej­ horje přewjedli

18. raz je so běh na a po 385 metrow wyso­kej Biskopičanskej Butrowej horje nětko hižo wotměł. Zdobom bě to posledni hódnoćenski běh z cyłkownje pjatnaće lětušeho Wopačanskeho cupa a jědnate wurisanje lětušeje Drježdźanskeje wobwodneje rjadneje lisćiny wot cyłkownje štyrnaće poskitkow w tutej. Na pjeć naročnych hórskich distancach 0,6 / 1,2 / 2,5 / 5 a 9,5 km wubědźowaše so nimale 500 wobdźěl­nikow.

Na 0,6 km je spočatnje něhdźe 150 sportowcow zakładnych šulow něhdy­šeho Biskopičanskeho wokrjesa (Bisko­picy, Zemicy-Tumicy a Goldbach) po tradiciji wo pokal swojeho wyšeho měšćanosty wojowało. Tamne štyri distancy běchu hódnoćenske běhi za horjeka mjeno­wanej rjadnej lisćinje. Starterojo w tutych běchu hłownje z Łužicy a z cyłeje Sakskeje, mjez nimi tež zaso dźesatk serbskich lubowarjow běhanja a skatowanja.

Prěni dypk za wolejbulowe hwězdźički a micki

póndźela, 01. oktobera 2018 spisane wot:

HZ Pančicy/Worklecy – JTVG Koblicy 1:3

(10:25, 17:25, 25:20, 24:26)

Nowowutworjene hrajne zjednoćenstwo Pančicy-Worklecy je w sportowej družinje wolejbul tydźenja prěni raz doma hrało, a to w Pančicach. Za zhromadny wustup je sej mustwo wjele předewzało, zo by sej prěnje dypki wudobyło.

W Pančičanskej sportowni so parket paleše a při saku so wo kóždy bul porjadnje wojowaše. Tola hižo prěnja sadźba přećiwo hosćom z Koblic pokaza, zo jenož předewzaće za dobyće njedosaha. Najkrótša hra dnja z jenož 15 mjeńšinami so z jasnym dobyćom 10:25 za Koblicy skónči. Za druhu sadźbu so mustwo hosćićelkow přestaji. Nětko hraješe wone po zwučenym a znatym wašnju. To přinjese mustwu měr a wěstotu.

Započatk druheje sadźby bě wuru­nany. Hwězdźički a Micki pak wěstotu konsekwentnje njewužiwachu a přez zwjeršne zmylki, kaž na přikład w nadaću, dypki kontrahentej darichu. Kónčny wuslědk druheje sadźby rěkaše tuž 17:25 za Koblicy.

Mytuja dobyćerjow

póndźela, 01. oktobera 2018 spisane wot:
Biskopicy (JN/SN). Sobotu, 6. oktobra, wuhódnoća w Biskopičanskej sportowni wot 10.30 hodź. lětušu rjadnu lisćinu Wopačanskeho cupa 2018 a mytuja dobyćerjow. Po tym přewjedu na 4 km dołhim­ kołokursu Biskopičanskeho měšćanskeho parka wot 13.45 hodź. pjaty króć běh „Schiebock läuft extrem“ z wjacorymi zadźěwkami, a to na 4 a 8 km. Atleća­ startuja jednotliwje, stajnje we wotstawku pjeć sekundow. Limit wobdźělnikow je 800 starterow.

Radworscy koparjo dale bjez dobyća

póndźela, 01. oktobera 2018 spisane wot:

LSV Hory

– ST 1922 Radwor 4:0 (1:0)

Zestawa hosći: Šěrak – Jendrewski, Zähr, Bauer, Omran (46. Glücklich), Kral, Winar, Amar (78. Ali), Rachela, Schulze, Reinecke

Tež na šestym hrajnym dnju we wo­krjesnej wyšej lize wostachu Ra­dworscy koparjo bjez wuspěcha. W njezwučenym času dopołdnja na poł jědnaćich za­hwizda sudnik hru na Horach. Kaž hižo w předchadźacej hrě pobra­cho­wachu wjacori stajni hrajerjo w mustwje Andreasa Schultzeho. Najebać to chcychu sej hosćo­ znajmjeńša dypk wuwo­jować. To pak zwosta jenož předewzaće respektiwnje són.

Awtor dźensa

Tomaš Faska

Před něšto dnjemi mějach składnosć, wobhladać sej na wobrazowce napjate wubědźowanja w sportowej družinje, za kotruž so dotal w swojim žiwjenju njejsym wosebje zajimował. Rěč je wo tenisu. W Chicagu, třećim najwjetšim měsće USA, bě tak mjenowany „Laver-cup“. Dotal mało znate mustwowe wu­bědźowanje wotmě so hakle druhi raz. W nim nastupi Europa přećiwo „zbytkej swěta“. Najlěpši hrajerjo našeho konti­nenta hrajachu potajkim přećiwo swětowej wubrance Njeeuropjanow. Na jednym boku běchu to naš Alexander Zwerew, Šwicar Roger Federer a dalši pjećo ze wšelakich europskich krajow, na tamnej stronje Awstral­čan Kyrgios, Južnoafričan Anderson z tohorunja pjeć dalšimi kolegami.

Mjenodawar wosebiteho turněra je wu­znamna tenisowa legenda Rod Laver. Mjeztym 80lětny Awstralčan je sej w 23 lětach swojeje karjery jako tenisowy hrajer nic mjenje hač 200 mjezynarodnych titulow wubědźił a bu tež tohodla 1981 do wuznamneje „Hall of Fame“ tenisoweho sporta přiwzaty.

nawěšk

nowostki LND