Sport (11.12.20)

pjatk, 11. decembera 2020 spisane wot:

Kartku za sezonu sej zawěsćić

Wodoskijowa připrawa Wake and Beach w Brězowce (Halbendorf) je drje tučasnje zawrjena, wjacorych naprašowanjow za lětnymi kartkami pak wona tole wozjewja: Zastupny lisćik za lěto 2021 płaći wot 1. meje do 3. oktobra. Dźěći do 15 lět płaća 395 eurow, šulerjo a acubije 495 a dorosćeni 695 eurow. Nowosć klětu budźe, zo płaća wšitke žony 555 eurow. Štóž sej lětnu kartku hač do 18. decembra zawěsći, to rěka zapłaći, ma ju hišće hač do patoržicy dóstać a k to­mu wosebity pulower.

Klětuše terminy MX Masters

Tež klětu ma so motocrossowa serija ADAC MX Masters zaso přewjesć. Wona změje cyłkownje sydom wubědźowanskich terminow.

08.05.–09.05.21 Dreetz

26.06.–27.06.21 Reutlingen

03.07.–04.07.21 Bielstein

17.07.–18.07.21 Tensfeld

14.08.–15.08.21 Möggers/Awstriska

04.09.–05.09.21 Fürstlich Drehna

11.09.–12.09.21 Gaildorf

Běhanski adwentny kalender

Wot 1. do 24. decembra přeprošeja orga­nizatorojo tak mjenowaneho Skatstadt-marathona k běhanskemu adwentnemu kalendrej. Přizjewjenja su pod www.baer-service.de móžne. Dobyćerjow prezentuja zamołwići kóždy dźeń w interneće.

Liški zaso na lodźe

Wubrane hrydale w telewiziji sćěhować

štwórtk, 10. decembera 2020 spisane wot:

Koparske, wolejbulowe a dalše winowatostne dypkowe hry přewjeduja dale ­jenož w profijowym sporće, a to bjez přihladowarjow. Tak je to tež we wyšich wolejbulowych ligach. Wubrane hry ­pokazujetej telewizijny sćelak Sport1 a internetny poskićer sporttotal.tv. Tu někotre aktualne wolejbulowe ­tabulki, kotrež je Jurij Bjeńš zestajał.

Allianz MTV Stuttgart 9 8 26 : 6 25

Drježdźanski SC 8 6 18 : 7 18

SSC Palmberg Schwerin 8 6 22 : 12 18

SC Podstupim 9 6 20 : 13 18

VfB Suhl LOTTO Durinska 9 5 18 : 15 14

Čerwj. rapaki Vilsbiburg 6 4 13 : 8 11

NawaRo Straubing 8 3 11 : 18 9

Ladies in Black Aachen 7 2 11 : 18 7

VC Wiesbaden 8 2 11 : 22 6

USC Münster 8 1 8 : 23 4

Čorno-běłe Erfurt 8 1 7 : 23 2

1. zwjazkowa liga, mužojo

Berlin Recycling Volleys 8 6 19 : 6 18

SWD Powervolleys Düren 7 6 18 : 8 17

VfB Friedrichshafen 6 5 15 : 5 15

WWK Volleys Herrsching 8 5 19 : 14 15

Volleyball Bisons Bühl 6 4 15 : 9 13

Netzhoppers KW-Bestensee8 4  17 : 14 13

SVG Lüneburg 8 3 13 : 17 10

United Volleys Frankfurt 7 3 11 : 14 8

Helios GRIZZLYS Giesen 7 3 10 : 14 8

TSV Unterhaching 8 1 5 : 23 2

VCO Berlin 7 0 3 : 21 1

2. zwjazkowa liga, stafla sewjer, žony

TSV Bayer Leverkusen 11 11 33 : 6 32

DSHS SnowTrex Köln 12 10 33 : 11 29

Módro-běłe Dingden 9 6 24 : 15 20

Stralsunder Wildcats 11 6 22 : 18 19

SCU Emlichheim 10 6 21 : 17 17

VC Allbau Essen 8 6 18 : 12 16

ETV Hamburg 10 5 18 : 20 13

Skurios Volleys Borken 8 4 16 : 16 12

BBSC Berlin 6 3 10 : 11 9

SSF Fortuna Bonn 10 3 13 : 24 8

RC Sorpesee 10 2 11 : 26 7

Z kolesom na Pastwinu horu

srjeda, 09. decembera 2020 spisane wot:

Zo je wobrot předatych kolesow w minjenym třištwórć lěće přibył, njeje žane wulke potajnstwo. A zo je tak dźeń a wjace ludźi na dowolu z kolesom puću,­ je jedyn ze sćěhow koronapandemije. Wose­bje kónc tydźenja wuhladaš přeco zaso kolesowarjow we Łužicy, tež nětko w nazymskim a zymskim času.

Wopisuju tule dźensa turu, na kotruž běch so spočatk nowembra nastajił. Wona­ je ze wšitkimi družinami kolesow derje zmištrujomna. Tak móžeš po njej z trekingowym, wubědźowanskim abo z kolesom za přezpólne jězby po puću być.

Započał je so mój wulět w Pančicach-Kukowje, zwotkelž jědźech po koleso­warskej šćežce přez Wudwor do Worklec a dale po asfaltowanej dróze do směra na Nowu Wjesku. Wottam dźěše runjewon nimo Hornjeho Hajnka do Róžanta a Smjerdźaceje. Při křižowanišću wot­bočich nalěwo do lěsa na směr Němske Pazlicy, hdźež drje bě tróšku chłódnišo, za to pak skićachu štomy přijomny čerstwy powětr.

Stajnje tři běhi

srjeda, 09. decembera 2020 spisane wot:

Motocrossowa serija ADAC MX Masters budźe so w nowej sezonje po nowym modusu wubědźować.

W klasach MX Masters, ADAC MX Youngtser Cup a ADAC MX Junior Cup 125 maja so kóždy wubědźowanski kónc tydźenja stajnje tři hódnoćenske běhi přewjesć, pola ADAC MX Junior Cup 85 pak dale jenož dwaj we wobłuku zarjadowanja. Prěnje hódnoćenske běhi wotměja so po sobotach. Přez nowy modus w klasach 1–3 dóstanu jězdźerjo wjace wubědźowanskeho časa. Nimo toho budu soboty za přihladowarjow a aktiwnych jasnje aktraktiwniše. Teamy a jězdźerjo smědźa so wotnětka pod www.adac-mx-masters.de/online-nennung/ za wubědźowanja přizjewić.

Kruće připrajił je hižo lětuši champion Jordi Tixier. Francoza chce klětu na Sarholz-KTM titul zakitować. Jeho teamowy kolega budźe Belgičan Cyril Genot. Wón je ze sylnymi wukonami na swětowych mišterstwach MX2 na so skedźbnił a ADAC MX Masters zawěsće wobohaći. Tež Tom Koch je wobkrućił, zo so na mišterstwach wobdźěli. Po změnje k teamej Kosak Racing chce wón spytać znowa jako najlěpši němski pilot dypkować. Jurij Bjeńš

Maja hižo zymsku přestawku

wutora, 08. decembera 2020 spisane wot:

Zapadołužiski koparski zwjazk je so před něšto dnjemi ke koronapandemiji wuprajił a wšitke dypkowe hry muži, młodostnych a dźěći hač do kónca lěta wotpra­jił. Wosebje za młodostnych je to bolost­ny rozsud. Wšako su jim poslednje lěta do přiwzaća k muskim mustwam za wu­wiće jara wažne. Hrajne zjednoćenstwo młodźiny A, B a C mjez Ralbicami, Chrósćicami, Njebjelčicami a Pančicami-Kukowom kaž tež dalši němsko-serbski cyłk mjez Radworjom a Wulkej Dubrawu dźetej tuž do dočasneje zymskeje přestawki. Hač budu mustwa hrajnu dobu po zwučenym wašnju dokónčić móc, dotal nichtó rjec njemóže! Jan Hrjehor

1. Rakecy/Njeswačidło 5 38 : 7 15

2. Radwor/Wulka Dubrawa 5 32 : 5 12

3. Malešecy 5 33 : 11 12

4. Horni kraj / Załom 6 26 : 22 9

5. Póst Budyšin 5 12 : 16 9

6. Kumwałd 4 9 : 9 6

7. Hodźij 3 5 : 19 0

8. Porchow/Biskopicy II 5 1 : 27 0

9. Ćisk/Hory/Łaz 4 2 : 42 0

młodźina C, stafla 2

1. Ottendorf-Okrilla  4 23 : 6 12

2. Liegau-Augustusbad 6 27 : 11 12

3. Kinspork/Łužnica 5 8 : 4 10

4. Arnsdorf 6 13 : 12 8

5. Połčnica 4 14 : 8 7

6. Großnaundorf 5 13 : 17 6

7. Wachau 5 6 : 11 6

8. Ralbicy/Chrósćicy/Njebjelčicy/

Pančicy-Ku­kow 5 11 : 26 3

9. Bretnig-Hauswalde 6 12 : 32 3

młodźina B, stafla 1

1. Bukecy/Kubšicy 6 40 : 9 15

2. Radwor/Wulka Dubrawa 5 21 : 6 13

3. Hnašecy/Dobruša 4 27 : 3 12

4. Załom/Wopaka 6 21 : 37 7

5. Ćisk/Hory 5 9 : 22 6

6. Póst Budyšin 4 11 : 11 4

7. Wjazońca/Wjelećin 5 8 : 18 3

Štóž je minjene dny sportowe powěsće w Sakskej sćěhował, tón je zawěsće tež wo skandalu na olympiskim zepěranišću w Kamjenicy słyšał. Tam trenuja tež ćěłozwučowarki. Něko­tre z nich su so zjawnje na znatu trenarku Gabrielu Frehse hóršili. Wona pak je so sama tež hižo wuprajiła a měniła, zo mnohe wumjetowanja njetrjechja.

Stefan Möller, pochadźacy ze Šunowa, bydleše třiapoł lěta w Kamjenicy a studowaše tam rehaprewenciski a fitnesowy sport. Mjez druhim dźěłaše tež na zepěranišću a tam wšitke wosoby, wo kotrychž je tuchwilnje rěč, tež mjenje abo bóle zeznał. Što k situaciji měni, je wón Jurjej Bjeńšej powědał.

Stefano, w zjawnosći su so někotre ćěło­zwučowarki před tydźenjomaj přećiwo swojej něhdyšej trenarce Gabrieli Frehse wuprajili. Sće ze wšitkimi wosobami te­hdy kontakt měł?

S. Möller: Z Paulinu Schäfer a Sophie Scheder, naposledk mjenowana wšak njeje so negatiwnje wuprajiła, sym lěto do Olympiskich lětnich hrow w Rio de Janeiru na atletice dźěłał, ženje pak hromadźe z Gabrielu Frehse. Tež z tamnymi ćěło­zwučowarkami mějach kontakt, haj.

SN maja pjeć prašenjow na Jurja Bjeńša, koordinatora koparskeho dorosta Sokoła Ralbicy/Hórki.

Znowa knježi přestawka w amaterskim sporće, tak tež w kopańcy. Kak z tym wobchadźeće a kotre naprawy sće pola So­koła Ralbicy/Hórki přewjedli?

J. Bjeńš: Kaž wšudźe dyrbjachmy tež Ralbičanski Stadion přećelstwa zamknyć, ale nadźijamy so, zo móžemy jón bórze zaso wotewrěć. Za dźěći a młodostnych je to katastrofa, wšako su jim tydźenski trening a kónctydźenske koparske hry wosebite wjerški. Tež sezona w hali budźe wupadnyć dyrbjeć, štož młodych technikarjow jara zrudźa. Sam tučasnje dorostowy trenar njejsym, zapołožich před lětomaj přestawku. Jako do­rostowy koordinator pak doma wšelake běrokratiske wěcy dokoławokoło dorosta Sokoła Ralbicy/Hórki wobdźěłuju.

Kotre kmanosće a kajkosće dyrbi tajki doro­stowy trenar měć? Što je w treningu z dźěćimi wažne?

Lětsa žana kopańca wjace

wutora, 08. decembera 2020 spisane wot:

Prjedy hač je zwjazkowe knježerstwo wo dal­šim postupowanju w koronakrizy rozsudźiło, bě Sakski koparski zwjazk kónc nowembra wozjewił, zo w lěće 2020 hižo žane winowatostne koparske hry njenastaji. Rozsud płaći na wšitkich ru­ni­nach wšěch starobnych klasow w za­moł­wi­tosći koparskeho zwjazka wot kraj­nych ligow a klasow hač dele na wokrjesnu ru­ni­­nu. „Tak maja towarstwa za měsac december wěstosć planowanja. Kak a hdy dale póńdźe, njehodźi so po dźensnišim stawje rjec,“ zdźěli Volkmar Beier, před­syda hrajneho wuběrka.

Prezident Sakskeho koparskeho zwjazka Hermann Winkler zwurazni: „Posta­jenja zarjadow lětsa wjace žane hry njedowoleja. Jako prezident chcu pak pola wosobow politiki, kotrež rozsu­dźeja, wo to wojować, zo budu dźěći a mło­dostni bórze zaso trenować móc. Nadźijam so, zo smědźa w nowym lěće ručež móžno so zaso na kopanišća wróćić.“

Maik Brězan

Wulke změny planowane

póndźela, 07. decembera 2020 spisane wot:

Wolejbulowa zwjazkowa liga žonow pohonja plany do přichoda němskeho sporta

Najsylniša wolejbulowa liga žonow Němskeje kroči w koronakrizy nowe puće do přichoda. Zastupjerjo a zastupjerki zwjazkoweje ligi dorozumichu so na wobšěrny paket naprawow a sformulowachu jako finalny zaměr wiziju, so jedna „z třoch top-ligow Europy“ stać.

Łužiscy lodohokejisća chětro pod kolesa přišli

póndźela, 07. decembera 2020 spisane wot:

EC Bad Tölzske lawy – Łužiske liški­ Běła Woda 7:1 (3:0, 2:1, 2:0)

Po lodohokejowej hrě w Bietigheimje, hdźež Łužiske liški tam hnydom dwě nocy přebywachu, podachu so wone njedźelu do Bad Tölza. W prěnich dźesać mjeńšinach wuhrachu sej tamniše lawy jednu šansu po druhej. Tola wrota hišće žane padnyć nochcychu. Na boku hosći měješe jenož Kale Kerbashian jednu wulku składnosć, sadźi pak třělwu snadnje pódla wrotow. W 13. min. domjacy nawjedowachu. Po konteru na lěwym boku a preciznej přihrawce dyrbješe domjacy nadběhowar jenož hišće swoju łopatku do puka dźeržeć. We 18. a 19. min. poradźi so hosćićelam 2:0 a 3:0. Krótko do prěnjeje přestawki by Kerba­shian prěnje wrota za Běłowodźanow třělić móhł, ale znowa wón wrota snadnje misny.

Tež w druhej třećinje wostachu Bayerojo dominowace mustwo. Samo, jako hrajachu hosćo raz z mužom wjace, so jim wjele njeporadźi. W 26. a 34. min. zwyšichu Tölzske lawy na 5:0. Po do­bytym bullyju pak smaleše Kerbashian z pukom na přećiwniske wrota, posłuži tam Lucasa Dumonta, kiž ležo na 1:5 skrótši. Tola domjacych to nješokowaše, dalše tři stoprocentne šansy w tej tře­ćinje dopokazachu jich dominancu.

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND