Widźał, słyšał, napisał (19.10.20)
Zaměr kóždeho sportowca je, najlěpše rezultaty docpěć, wubědźowanja wuspěšnje wotzamknyć, najlěpje z dobyćom. A kóždy soni tež jónu wo swětowym rekordźe. Ale to zešlachći so jenož wubranym atletam. Njezaleži jenož na wurjadnym wukonje sportowca. Tež druhe wuměnjenja su wažne, kotrež jednotliwc hustodosć wobwliwować njemóže. Myslu na přikład na wjedro abo, a to je zwjetša rozsudne, wukonitosć sportoweho nastroja. W motorsporće je to nimoměry wažny aspekt we wubědźowanju wo prěnje městna.
Tež Michael Schumacher njeby swoje dobyća w formuli 1 w tej měrje docpěł, njeby-li w rozsudnych wokomikach najlěpši material měł. Nochcu pak jeho wukony jenož na techniku wobmjezować. Wón bě jónkrótny sportowc, njesměrny pilny dźěłaćer na sebi a na materialu, česćelakomny a zdobom wobdarjeny. Sym jeho přeco jara wobdźiwał, byrnjež ženje přewulki fan Schumachera njebył. Jeho rekordy, mjez druhim sydom swětowych mišterstwow a 91 dobyćow w kralowskej disciplinje, su po měnjenju wjacorych ekspertow za wěčnosć.
Wuslědki (19.10.20)
Kopańca, regionalna liga muži
Lok Lipsk – Borussia Berlin 4:0 (2:0)
Auerbach – Chemija Lipsk 0:2 (0:1)
Luckenwalde – Biskopičanske KT 2:0 (1:0)
Jena – Kamjeničanski FC 2:1 (0:1)
1. Viktoria Berlin 10 23 : 9 30
2. VSG Altglienicke 9 24 : 10 22
3. FC Carl Zeiss Jena 9 18 : 8 18
4. BSG Chemija Lipsk 10 17 : 9 18
5. Lok Lipsk 10 17 : 14 16
6. Union Fürstenwalde 10 22 : 20 15
7. BFC Dynamo 9 22 : 16 14
8. FC Energija Choćebuz 10 15 : 14 14
9. Berlinski AK 10 20 : 21 14
10. SV Babelsberg 10 13 : 15 13
11. Hertha BSC II 10 11 : 14 13
12. FSV 63 Luckenwalde 10 12 : 17 13
13. SV Lichtenberg 47 10 11 : 14 12
14. Kamjeničanski FC 10 14 : 15 11
15. VfB Auerbach 10 17 : 22 10
16. Tennis Borussia Berlin 10 15 : 20 9
17. ZFC Meuselwitz 10 13 : 20 9
18. Biskopičanske KT 9 11 : 20 7
19. Optik Rathenow 10 11 : 21 7
20. Germania Halberstadt 10 7 : 14 6
Sport (16.10.20)
Kónctydźenska kopańca
Koparjo prěnjeho mustwa Njebjelčanskeje SJ njesmědźa jutře pola HZ Wóslinka/Skaskowa/Kulowa II nastupić, dokelž su hrajerjo poprawneho hosćićela w karantenje. Za to smě ST Marijina hwězda zaso hrać. Za nju je karantena zakónčena.
16.10. 19:00 FV Přezjednota Niska –
Jednota Kamjenc
17.10. 14:00 VfB Žitawa –
Rakečanske ST
17.10. 15:00 SV Wesenitzal –
SJ Chrósćicy
17.10. 15:00 Motor Kumwałd –
Sokoł Ralbicy/Hórki
17.10. 15:00 Wojerowski FC –
Módro-běli Kulow
17.10. 15:00 Wóspork/Hrodźišćo –
SJ Njebjelčicy II
18.10. 14:00 ST Marijina hwězda –
Biskopičanske KT II
18.10. 15:00 ST Radwor – Rakecy II
18.10. 15:00 ST Hlinowc –
SJ Chrósćicy II
18.10. 15:00 Drježdźany-Laubegast –
Budissa Budyšin
Dorostowy turněr
Prěni raz přewjedu jutře we Wojerecach wot 9 do 14 hodź. prěni dorostowy koparski turněr Wojerowskeho FC wo pokal wyšeho měšćanosty, a to w Friedricha Ludwiga Jahnowym stadionje. Nimo toho poskića tam cyły dźeń zaběru za dźěći.
Časopis sej skazać
FC Energija Choćebuz ma třoch nowačkow
Na polu personalneje politiki je FC Energija hišće raz pilna była a hnydom třoch koparjow angažowała. Za nich njetrjebaja Łužičenjo ničo płaćić.
Jonas Hofmann (23 lět) přińdźe wot druheho mustwa FC Schalke 04 do Choćebuza. Swoje kwality jako ofensiwny srjedźnopólny hrajer je hižo w třećej lize a w regionalnymaj ligomaj Bayerska a Zapad dopokazał. Rodźeny Bambergčan je wjacore lěta w dorostowym centrumje kluba 1. FC Nürnberg hrał. Nazhonjenja w třećej lize zběraše 1,74 metrow wulki hrajer pola Sportowych přećelow Lotte, za kotrychž bě 30 razow zasadźeny. Po tym je za rezerwu FC Schalke 04 za bulom honił. Jónu bě w zwjazkowej lize zasadźeny a hraješe někotre mjeńšiny přećiwo Bayer 04 Leverkusenej.
Tež Serb we wubrance Ü 70 hrał
Skónčnje zaso raz dobyli
SJ Njebjelčicy
– HZ Lubuš/Bluń 2:0 (1:0)
Zestawa domjacych: Matješk – Kral, Hanuza, Šołta, Hoelzel, Haška, Čornak (53. Plaettner), Fl. Domš, Pawlik, Korjeńk (85. Lejnart), O. Domš
Wulke wočakowanja na domjace dobyće su so koparjam Njebjelčanskeje SJ předwčerawšim skónčnje spjelnili. Je to zdobom dotal jenički třidypkowy wuspěch w lěće 2020. Koronapandemije dla su woni doma hakle tři partije wotměli.
Energija so skrótka stróžiła
VfB Kśišow
– FC Energija Choćebuz 2:3 (1:1)
Zestawa domjacych: Drangosch – Jeschke, Knechtel, Taak, Felgenträger, Hebler, Zurawsky, Lopes (81. Pauling), Dahm (81. Dahm), Gerstmann, Pahlow
zestawa hosći: Stawecki – Pelivan, Jarosch, Storb, Hoppe, Gladrow (85. Kujovic), Eisenhuth, Hofmann, F. Geisler (88. N. Geisler), Brügmann, Crnički (78. Postelt)
Z napjatosću wočakowany derby we wosmifinalu krajneho pokalneho koła Braniborskeje w jenož 15 km zdalenym Kśišowje mjez tamnišim mustwom a FC Energiju je to spjelnił, štož bě na papjerje přilubił. Hižo tohodla, dokelž wyši ligist swojich hosći skrótka z 1:0 (14.) šokowaše. Choćebuženjo pak namakachu spěšnje swoju liniju, a Felix Geisler wuruna (22.). Energija wotnětka dominowaše. Škit VfB pak bě najprjedy raz njepřewinjomny. Tak dyrbješe pokutny kop pomhać. Mario Crnički bu do jědnatki, kotruž Felix Brügmann přetwori (52.), w šěsnatce połoženy. Nowopřichad Crnički třěli pozdźišo sam 3:1 (75.) a sta so hnydom z „mužom dnja“. Georg Zielonkowski
W finalnym turněrje dwójce podleželi
Wolejbulistki Hrajneho zjednoćenstwa Pančicy-Worklecy docpěchu z pomocu předkoła pokalne finale w Habrachćicach. Přećiwo młodym hrajerkam ze Žitawy kaž tež ze Zhorjelca běchu so suwerenje přesadźić móhli. Nětko steještej sylnišej kontrahentaj na parkeće: TSV Kundraćicy a Ochranowske wolejfantki. Mustwje stej hižo ze zašłych hrajnych dobow znatej, a tak bě jasne, zo budźe pokalne finale wužadace – a to nic jeno přećiwnika, ale tež personelnych přičin z boka Pančičankow-Worklečankow dla. Jim pobrachowaše přistajerka, tak zo měješe hrajerka wupomhać, kotraž je poprawom na poziciju wonkowneho nadběha specializowana.
Za Hrajne zjednoćenstwo Pančicy-Worklecy zasadźene běchu: Julia Brězanowa, Johanna Fieglerec, Jennifer Otto, Constanze Pašcyna, Lydija Pešmanowa, Rejzka Rawšec, Anita Salowskec a Rejzka Wjeńcyna; trenar Stephan Mühl.
HZ Pančicy-Worklecy
– TSV Kundraćicy 0:2 (16:25, 16:25)
Porjadny wukon pokazali
Sokoł Ralbicy/Hórki
– SC 1911 Großröhrsdorf 4:0 (1:0)
Zestawa domjacych: Schöne – M. Matka, Bejma, Wałda, K. Matka, Janca (61. Nuk), Rachela, Gloxyn, Šiman (51. Domaška), Šołta, Kurjat (72. Rawš)
Po dwěmaj lětomaj w krajnej klasy rozsudźichu so zamołwići Großröhrsdorfskeho SC 1911, zaso klasu niže nastupić, byrnjež jeho koparjo minjenu sezonu na pjatym městnje zakónčili. Přičina běše, zo běchu z trenarjom Christophom Klippelom tež dalši hrajerjo sportowe towarstwo wopušćili. Druhe koparske zastupnistwo bu rozpušćene, a tak maja w Großröhrsdorfje nětko jenož jedne muske mustwo.
Kónc po prěnim kole
Arnsdorfske KT II
– SJ Chrósćicy II 2:0 (0:0)
Zestawa hosći: Klimant – Hejduška, Kl. Mark, Kola (25. Donat), Ki. Mark, Dórnik, Schulze, Žur, Ph. Mark, Liznar, Cyž
