Přihoty na nowu sezonu zahajene

srjeda, 27. junija 2018 spisane wot:
Dźens tydźenja je regionalny koparski ligist Budissa Budyšin do přihotow za nowu hrajnu dobu 2018/2019 startował. Wšitcy hrajerjo su so na prěnich treningowych jednot­kach wobdźělili, k tomu hišće někotři probowi. Mjez koparjemi Budis­sy bě tež Njebjelčan Jonas Krawčik (srjedźa, čisło 8). Dźensa wobdźěli so mustwo na firmowym běhu DAK w Budyšinje a 7. julija w Rakecach na koparskim turněrje tamnišeho sportoweho towarstwa. Foto: Torsten Zettl

Wuslědki (27.06.18)

srjeda, 27. junija 2018 spisane wot:

Kónčne tabulki dorosta Zapadołužiskeho koparskeho zwjazka

młodźina A, wokrjesna liga, stafla 2

1. HZ Jednota Kamjenc/ST Kinspork/

Łužnica 21 62 : 42 44

2. HZ SZ Großnaundorf /Lomnitzer SV 

 21 51 : 38 41

3. HZ FSV Bretnig-Hauswalde/

TSV Połčnica 21 65 : 50 35

4. HZ ST Ćisk/HZ Łaz/Běły Chołmc/

LSV Hory 21 45 : 43 33

5. SC 1911 Großröhrsdorf 21 66 : 60 27

6. FV Ottendorf-Okrilla 21 53 : 56 25

7. TSV Wachau 21 47 : 69 22

8. HZ SC Hlinowc 1931/

ST Marijina hwězda 21 39 : 70 18

młodźina B, wokrjesna liga, stafla 1

1. ST Horni kraj Sprjewja 16 94 : 19 42

2. Póst Germania Budyšin 16 75 : 29 40

3. HZ ST 1896 Wulka Dubrawa/

ST 1922 Radwor 16 77 : 13 39

4. HZ ST 1910 Drohotka Ramnow/

ST Porchow 16 55 : 63 26

5. HZ ST Bart/Budissa 08 Budyšink/

ST Traktor Malešecy 16 39 : 57 19

6. HZ ST Módro-běli Njeswačidło/

Rakečanske ST 16 35 : 84 15

7. HZ ST Huska/ ST Palow-Stachow/

ST Hodźij 04 16 38 : 82 12

8. TSV Wóspork/Hrodźišćo 16 34 : 72 11

9. SZ Wjelećin 16 23 : 51 6

młodźina B, wokrjesna liga, stafla 2

1. HZ Sokoł Ralbicy/Hórki/

Módro-běli Kulow 16 97 : 15 48

2. Jednota Kamjenc 16 47 : 36 32

3. HZ ST Ćisk/LSV Hory/

HZ Łaz/Běły Chołmc 16 49 : 29 31

4. HZ SZ Großnaundorf/

Lomnitzer SV  16 50 : 36 27

5. ST Kinspork/Łužnica 16 44 : 41 25

6. HZ ST Běła-Cunnersdorf/

Natwar Němske Pazlicy/

SV Haselbachtal 16 40 : 65 17

7. HZ FSV Bretnig-Hauswalde/

TSV Połčnica II 16 36 : 61 16

8. HZ Jězorowy kraj ST Lubuš/

LSV Bluń 74 16 21 : 60 10

9. SV Hermsdorf 16 15 : 56 5

Jubilejny 25. koparski duel SGB

wutora, 26. junija 2018 spisane wot:

Na Mjezynarodnym dnju dźěsća, 1. junija 1994, běchu prěnju koparsku hru mjez pedagogami a maturantami na Serbskim gymnaziju w Budyšinje (SGB) zahwizdali. Wučerjo podležachu tehdy šulerjam 2:5. W dotalnych koparskich rozestajenjach dobychu pedagogojo štyri razy a trójce hrajachu njerozsudnje. Sydomnaće króć pak juskaše młódša generacija.

Lětsa su dźesać wučerpanych koparjow a jedna wrotarka sportnišćo Budyskeho Serbskeho šulskeho a zetkawanskeho cen­truma wopušćili. Při tropiskich temperaturach wotměchu tam mjeztym 25. koparski dwubój, a to bjez přetorhnjenja. Po dwójce 15 mjeńšinach hrajneho časa bě wjeselo na stronje dwanatkarjow wulke­, wšako su wučerjow z 3:2 porazyli a so tak za wolejbulowu poražku 0:3 wuspěšnje rewanšowali.

Wuslědki (26.06.18)

wutora, 26. junija 2018 spisane wot:

Kopańca

wokrjesna klasa, stafla II

HZ Bretnig-Hauswalde II/Ramnow II – Wjazońca0:3 (0:1)

Frankenthal II – Kubšicy/Bukecy 0:9 (0:4)

Steinigtwolmsdorf – Drjewnica 5:1 (3:1)

Porchow II – Bart II3:4 (1:2)

Arnsdorf II – Wjelećin III 7:0 (4:0)

SSV Biskopicy – KT Biskopicy II 2:8 (1:4)

1. Biskopičanske KT II 22 152 : 20 57

2. HZ Kubšicy/ Bukecy 22 123 : 33 57

3. TSV Wjazońca 22 63 : 38 49

4. SG Steinigtwolmsdorf 22 68 : 49 42

5. Arnsdorfske KT II 22 61 : 32 37

6. ST Drjewnica 22 74 : 45 34

7. HZ FSV Bretnig-Hauswalde II/

Ramnow II 22 45 : 68 31

8. SSV Germania Biskop. 22 46 : 58 25

9. ST Bart II 22 37 : 76 24

10. ST Porchow II 22 35 : 97 13

11. ST Wjelećin III 22 16 : 110 7

12. SG Frankenthal II 22 19 : 113 4

wokrjesna klasa, stafla III

Lubuš II – Hory II 1:1 (0:1)

Łaz/Běły Chołmc II – Šćeńca 3:3 (2:1)

Łuty II – Bluń2:7 (2:3)

Njeswačidło II – Wětnica-Hola 1:1 (1:0)

Kulow II – Wóslink/Skaskow 1:5 (1:3)

1. LSV Bluń 20 97 : 17 54

2. SZ Wóslink/Skaskow 20 80 : 10 49

3. LSV Hory II 20 60 : 32 41

4. SV Hermsdorf 20 73 : 31 37

5. Módro-běli Kulow II 20 34 : 51 28

6. HZ Łaz/Běły Chołmc II 20 53 : 45 27

7. ST Wětnica-Hola 20 46 : 48 25

8. FSV Šćeńca 20 35 : 70 17

9. ST MB Njeswačidło II 20 35 : 96 16

10. ST Lubuš II 20 33 : 78 15

11. FSV Łuty II 20 29 : 97 8

wokrjesna klasa, stafla IV

Kinspork/Łužn. II – Njebjelčicy II 1:0 (1:0)

Hlinowc – Sepicy II9:0 (2:0)

Wachau II – Hermsdorf II 6:2 (3:1)

Haselbachtal II – L.-Augustusbad 0:6 (0:1)

Němske Pazlicy II – Lomnitz-Großnaundorf II9:0 (6:0)

1. SV Liegau-Augustusbad 20 79 : 18 54

2. ST Hlinowc 20 72 : 28 41

3. HZ Lomnitz-Großn. II 20 49 : 27 41

4. TSV Połčnica II 20 46 : 45 34

5. Natw. Němske Pazl. II 20 46 : 33 31

Wosebje w duelu Portugalska – Iran, ale tež w hrě Španiska – Marokko njemějachu jeno sudnicy na kopa­nišću wjele dźěła, ale tež widejorefereeje při wobrazowkach. A přihladowarjo před ­telewizorom po milionach tak a tak jako „sudnicy“ swoje komentary wotedawaja. W partiji Portugalska přećiwo Iranej, kotraž skónči so 1:1, dyrbješe čorny muž dwójce foul w šěsnatce pruwować. We woběmaj padomaj rozsudźi wón na jědnatku. Do toho Portugalčenjo hižo nawjedowachu, a to přez wrota Ricarda Quaresmana (45.). Šansu na 2:0 da jim widejosudnik w 53. min. Muž z hwižkom na trawniku sej scenu hišće raz na wobrazowce wobhlada a rozsudźi na pokutny kop. Cristiano Ronaldo pak přećiwniskeho wrotarja njepřewiny. Dalšej widejodopokazaj slědowaštej po foulu Ronalda a po hraću z ruku w šěsnatce Irana. Ronaldo měješe ze žołtej kartu hišće zbožo. A jědnatku, kotruž móžeš a njetrjebaš tež dać, Karim Ansarifard k 1:1 (90.+3) za Iran přetwori.

ST Porchow

– ST Marijina hwězda 2:1 (0:1) 

Zestawa hosći: Schmidt – Wróbl (15. Rab), T. Škoda, Jurš, Lipič, Winkler (70. Pesch­mann), Kuring, O. Hawš, R. Hawš, Eldor, A. Škoda

Prěni raz w stawiznach Zapadołuži­­skeho koparskeho zwjazka stej dwaj wokrjes­­nej ligistaj relegacisku hru wo postup do wokrjesneje wyšeje ligi pře­wje­dłoj. Na neutralnym městnje w Němskich Pazlicach zetkaštej so cyłkaj Spor­toweju towarstwow Porchow a Marijina hwězda. Wobaj běštej w swojimaj staflomaj druhe městno wobsadźiłoj. W due­lu bě ST Porchow na kóncu zbožowniši dobyćer a postupi do wosmeje najwyšeje ligi Němskeje.

Zazběh bičwolejbula Satkule

wutora, 26. junija 2018 spisane wot:
Wčera zahaji młodźinski sćelak rozhłosa MDR Satkula lětušu bičwolejbulowu turu w Radworju. Tam wubědźo­waše so cyłkownje jědnaće mustwow. Cyłk „Mixery“ je do­było, mustwo „Bjarnat Krawc“ bu druhe. Přichodnu póndźelu pozastanje tura w Hórkach, potom slěduja stacije w Jaseńcy, Konjecach, Njebjelčicach, Pančicach­Kukowje, Nuknicy­ a Budyšinje. Zakónčacy turněr wo pokal Radija Satkula budźe tradicio­nalnje zaso w Miłoćicach. Foto: Darius Budar

Sokoł Ralbicy/Hórki

– Rakečanske ST 2:5 (0:2)

Zestawa domjacych: Gloxyn – Rawš, Zyn­da, Korjeńk, K. Matka, M. Matka, Młynk (80. Kobalc), Bjeńš, Janca, Domaška, Kurjat

Po wuspěšnym derbyjowym dobyću 5:2 dóstachu sej koparjo Sokoła Ralbicy/Hórki posledni hrajny dźeń ze samsnym wuslědkom doma na měcu. Rakečenjo, lětuši wicemišter, běchu prosće kreatiwniši a nadźěłachu sej z rjanymi kombinacijemi wjac móžnosćow.

Prěnju wulku składnosć měješe Gabriel Kurjat za domjacych. Sernjančan pak třěli kulowatu kožu ze 14 metrow wyše wrotow (10.). Po tym zo tež hosćo dwójce na derje reagowacym wrotarju Chrystofje Gloxynu zwrěšćichu, docpě Roman Brückner zasłužene nawjedowanje za Rakečanske ST z mjerwjeńcy (32.). Nětko Sokoljo tłóčachu a tež derje kombinowachu. Při jednej tajkej kombinaciji dźěše nutřkowny škitar Fabian Korjeńk sobu doprědka. W šěsnatce pak Ralbičenjo bul zhubichu a hižo běžeše strašny konter hosći, kotryž zymnokrejnje k 2:0 wužichu.

Wulke wjeselo knježeše mjez koparkami Serbskeho gymnazija Budyšin (SGB) starobneje klasy IV (5.-6. lětnik), jako zhonichu zo su kwalifikowane za sakske finale, kotrež wotmě so w Lipsku. W předkole běchu přizjewjene šule wotprajili, a tak su holcy SGB direktnje koło dale přišli.

Za Lipsk běchu so dohromady štyri holče mustwa z cyłeje Sakskeje kwalifikowali. Nastupili pak su jenož tři: Gymnazij „Am Breiten Teich“ Borna, Serbski gymnazij Budyšin a Gymnazij Bürgerwiese Drježdźany. Modus turněra bě 2 × 15 mjeńšin. Přidatnje mějachu koparki do hrow techniski test absolwować. A tón wopřiješe tři discipliny: třělenje wrotow, dribbling wokoło kehelow a pasowanje w hasy. Štóž test doby, dźěše z předskokom 1:0 do partije.

Budyske mustwo je scyła prěni raz hromadźe hrało. Potajkim bě za wšitke serbske holcy premjera, so zhromadnje na wubědźowanju wobdźělić.

Gymnazij Borna

– Serbski gymnazij Budyšin (1:0, 1:1)

Němska wubranka před hłubinu so zawróćiła

póndźela, 25. junija 2018 spisane wot:

Hłowne hesła za rozprawnistwo w printmedijach a interneće stejachu hižo na wobrazowkach žurnalistow. Krótko do kónca skupinskeje hry Němska – Šwedska pak dyrbjachu je zaso přepisać. Němska narodna koparska wubranka je mjenujcy sobotu swój druhi skupinski duel přećiwo Šwedskej po dramatiskich 96 mjeńšinach 2:1 dobyła.

Započało a skónčiło bě so wšo ze štworym dobyćerjom champions league Tonijom Kroosom, kiž zahaji dramu w 32. min. z přihrawku k přećiwnikej. Ta wjedźeše ke konterej, kotruž Šwedojo wuspěšnje zakónčichu. Ola Toivonen trjechi 1:0. Do toho mějachu Němcy zbožo, jako zapowědźi sudnik Šwedam jasnu jědnatku. Nětko trjebaše němska wubranka dalšej dźećelowej stwjelcy ze štyrjomi ­łopješkami, zo by so před hłubinu za­wróćiła. Prěnje tajke wuži w 48. min. Marco Reus, jako z kolenom na 1:1 wuruna, a druhe Toni Kroos w 95. min., smoknywši wólny kop krasnje do hornjeho třiróžka přećiwniskich wrotow. Hižo w 82. min. pak dósta Jérôme Boateng woprawnjenu žołto-čerwjenu kartu. Němcy hrajachu tuž hač do kónca z dźesaćomi. Nowinarske hesła přepisać po zdaću wulki problem njebě.

Serbska debata

nowostki LND