Jubilejne běhi wokoło jězora
Hamor (JN/SN). Dźesaty króć budu so sportowcy swjatki njedźelu wokoło Bjerwałdskeho jězora wubědźować. Po dotal zwučenym wašnju a modusu wubědźuja so šulerjo a šulerki pod 8 lětami na 0,8 km. Start budźe w 9 hodź.. Na 3 km startuja šulerjo pod 10 a 12 lětami w 9:20 hodź. a na 5 km starši šulerjo a młodostni wot 14 hač pod 18 lětami w 10:25 hodź. Za čaru 10 km su so młodostni nad 18 lětami a dorosćeni wšitkich starobnych klasow (sk) hač wyše 80 lět zapisali. Woni so w 10:15 hodź. na puć nastaja. Na 21,1 km (połmarathon) startuja wosebje wutrajnostni atleća wot sk 20 hač do sk 60 w 10 hodź.
Ludosportowy dźeń
Natwar Němske Pazlicy přeproša zajimcow na nětko hižo 33. ludosportowu njedźelu, kotruž přewjedźe 20. meje w tamnišim sportowym centrumje. Wot 10 hodź. hraje tam 16 koparskich a wosom wolejbulowych mustwow.
Na swjatkownu kopańcu
Tabulka wokrjesneje wyšeje ligi
1. SC Großröhrsdorf 26 55 : 16 60
2. Rakečanske ST 25 65 : 39 50
3. Motor Kumwałd 26 55 : 33 44
4. Wojerowski FC 26 50 : 31 44
5. Póst Germ. Budyšin 26 55 : 38 41
6. Módro-běli Kulow 26 52 : 27 40
7. Drohotka Ramnow 26 52 : 55 39
8. LSV Hory 26 60 : 56 38
9. Sokoł Ralbicy/Hórki 26 40 : 42 37
10. SG Großnaundorf 26 47 : 47 35
11. ST Wjelećin 25 52 : 74 30
12. ST Hnašecy-Dobruša 26 50 : 59 29
13. ST 1922 Radwor 26 49 : 59 28
14. ST Kinspork/Łužnica 26 51 : 53 27
15. Zeleno-běli Bukecy 26 31 : 78 19
16. ST Budyšin 26 32 : 89 13
SC 1911 Großröhrsdorf
– ST 1922 Radwor 3:1 (2:1)
Zestawa hosći: Ch. Šěrak – Bejmak, F. Šěrak, Mark, Zähr, Nuk, Zimmermann, Henka, Bauer (61. Rachel), Schulze, Glücklich (46. Hettasch)
W Großröhrsdorfje dyrbjachu so minjenu sobotu Radworscy koparjo z načolnikom wokrjesneje wyšeje ligi měrić. Wonkowne wuměnjenja běchu optimalne. Fanojo smědźachu so potajkim na spodobnu hru wjeselić.
Tabulka krajneje klasy
1. FSV Nowosólc-Hródk 22 64 : 29 48
2. LSV Nowe Město 22 59 : 41 43
3. FV Drježdź. Laubegast 21 50 : 39 38
4. Čerwj.-běli Mužakow 22 49 : 31 36
5. FC Neugersdorf II 22 46 : 35 33
6. SZ Drježdźany-Strěžin 22 46 : 29 32
7. FSV Oderwitz 02 22 50 : 46 32
8. SG Weixdorf 22 43 : 40 31
9. ST Horni kraj 22 47 : 38 30
10. ST Ćisk 21 37 : 42 29
11. SJ Chrósćicy 22 34 : 48 26
12. ST Trjebin 22 27 : 68 22
13. SC Borea Drježdźany 22 38 : 65 21
14. Drježdźanski SC 22 37 : 76 9
SG Weixdorf
– SJ Chrósćicy 6:1 (2:0)
Zestawa hosći: Králíček – Cyž (54. Teichmann), Sentivan, Hrdlitschka, Šiman, L. Zahrodnik, M. Zahrodnik, Runt, Němec, Młynk, Bogusz
Hra minjenu njedźelu běše po podźělach poměrnje wurunana. Wot spočatka pak bě widźeć, kotre mustwo je před wrotami efektiwniše. Hižo w 16. min. poradźi so hosćićelej po rjanym konteru 1:0. Chróšćenjo bul kontrolowachu, ale jim falowachu ideje, jón doprědka hrać. Tež přihrawki běchu přenjedokładne, a defensiwa woraše zmylki. Domjacy w 31. min. zwyšichu, při čimž hóstny škit derje njewupadaše. Trenar Tomaš Henčl njebě wězo spokojom a formaciju změni.
Krakečanski běh z nowym rekordom wobdźělnikow
Po rjanej tradiciji je so mjeztym hižo 31. běh po Krakečanskich hórkach přewjedł, a to kaž wot wšeho spočatka wječor do Božeho spěća. Cyłkownje 468 atletow je do cila doběžało, mjez nimi dwanaće lubowarjow walkinga. Sportowcy wubědźowachu so na pjeć distancach, kotrež hódnoćachu so za rjadnu lisćinu Wopačanski cup běharjow.
Kopańca, regionalna liga mužow
Lok Lipsk – Hertha BSC II 2:1 (2:0)
Babelsberg – Berlinski AK 1:1 (0:1)
Fürstenwalde – BFC Dynamo 4:2 (2:0)
Luckenwalde – Halberstadt 0:5 (0:3)
Nordhausen – Meuselwitz 2:0 (1:0)
FC Viktoria Berlin – Auerbach 4:2 (3:2)
Neugersdorf – Energ. Choćebuz 0:3 (0:2)
Chemija Lipsk – Neustrelitz 1:1 (0:1)
1. FC Energija Choćebuz 34 79 : 14 89
2. Wacker Nordhausen 34 48 : 29 58
3. Berlinski AK 34 63 : 47 56
4. BFC Dynamo 34 70 : 50 54
5. SV Babelsberg 03 34 52 : 38 53
6. Lok Lipsk 34 48 : 36 53
7. Germ. Halberstadt 34 68 : 52 52
8. Hertha BSC II 34 54 : 45 48
9. Union Fürstenwalde 34 59 : 52 47
10. ZFC Meuselwitz 34 44 : 44 43
11. VfB Auerbach 34 48 : 51 43
12. FC Neugersdorf 34 47 : 53 43
13. FC Viktoria Berlin 34 49 : 54 42
14. Budissa Budyšin 34 31 : 47 41
15. Altglienicke Berlin 34 30 : 41 38
16. Chemija Lipsk 34 21 : 51 35
17. TSG Neustrelitz 34 36 : 75 27
18. FSV 63 Luckenwalde 34 25 : 93 9
krajna klasa
Mužakow – Horni kraj 2:2 (1:0)
Nowe Město – Trjebin 5:1 (2:0)
Weixdorf – Chrósćicy 6:1 (2:0)
VSG Altglienicke
– FSV Budissa Budyšin 0:1 (0:1)
VfB Germania Halberstadt
– FSV Budissa Budyšin 5:1 (1:1)
Zestawa hosći: Schulz – Kunze (82. Gehrmann), Hausdorf (65. Kloß), Hoßmang, Heppner, Mack, Weiß, Pfanne, Milde (59. Krawčik), Bönisch, Schmidt
Po tym zo běchu prěnju nachwatansku koparsku dypkowu hru po 17 sekundach wothwizdać dyrbjeli, je so při třećim pospyće hrać hodźało. Budissa chcyše na kóždy pad dypkować, zo by w poslednjej hrě přećiwo VSG Altglienicke lěpše karty w boju přećiwo zestupej měła. Hrajersce sylny hosćićel najprjedy jónu wočakny a sej wobhlada, što maja Budyšenjo w poskitku. W 25. min. pak swoju prěnju móžnosć wuži. Po wólnym kopje Tima Oschmanna trjechi Florian Eggert k 1:0. 315 ludźi widźeše spěšnu partiju, kotraž wothrawaše so mjez šěsnatkomaj. Hišće do połčasa móžachu hosćo přez Tonyja Schmidta (41.) wurunać.
Kónčna tabulka regionalnych seniorskich mišterstwow we wolejbulu
1. VZ Nordhausen 6 6:2
2. FSG Budyšin/ST Mar. hwězda 4 5:2
3. SZ Motor Thurm 2 3:4
4. VZ Königstein 0 0:6
Po dobyću bronzoweje medalje na sakskich mišterstwach seniorow w Lubiju pohosćichu wolejbulisća Budyskeje FSG a ST Marijineje hwězdy dalše tři cyłki w sportowej hali Serbskeho šulskeho a zetkawanskeho centruma Budyšin, zo bychu so wo jězdźenku za němske zwjazkowe mišterstwa w Berlinje wubědźowali.
Nimale by so Budyskim serbskim a němskim senioram sensacija poradźiła, woni pak su finalnu partiju přećiwo durinskemu mištrej VZ Nordhausen z 1:2 snadnje přěhrali.
W turněrowej formje hraješe kóždy přećiwo kóždemu dwě dobyćerskej sadźbje. Po wulosowanju nastupichu Łužičenjo najprjedy přećiwo VZ Königsteinej, aktualnemu sakskemu wicemištrej. Tón pak njeměješe tónraz wšitkich hrajerjow k dispoziciji a bě w přijimanju nadaćow a w nadběhu słabši. Přěhra tuž wobaj přechodaj z 19:25 a 18:25.
SJ Njebjelčicy
– SV Haselbachtal 3:3 (3:0)
Zestawa domjacych: Hahn – Zeller, Hrjehor, Pawlik, Hanuza, Haška, Lejnart, Šołta, Čornak (70. Kral), Ričel, Korjeńk
Wječor do swjedźenja Božeho spěća běše za Njebjelčanskich koparjow nachwatanska dypkowa partija přećiwo SV Haselbachtalej postajena. Přihladowarjo dožiwichu dwaj cyle rozdźělnej połčasaj.
Sokoł Ralbicy/Hórki
– Módro-běli Kulow 2:2 (2:1)
Zestawa domjacych: Gloxyn – Rawš (90. Kř. Matka), Młynk, Šewc, Materna, Janca (77. Korjeńk), Bjeńš, Bejma, M. Matka, Kurjat, Domaška
Zestawa hosći: Adler – Pohl, Hantschke, Korch, Streicher, Katzer (46. Wehlan), Popjela (46. Piatza), Bulank, Wittek, Nicolaides, Graf (77. Graf)
Srjedu přichwata něhdźe sto přihladowarjow do delanskeho Stadiona přećelstwa, zo bychu sej nachwatanski koparski derby mjez Sokołom Ralbicy/Hórki a Kulowom wobhladali. We woběmaj mustwomaj pobrachowachu stajni hrajerjo, tak zo dyrbještaj jej trenarjej přestajić.
Sokoł Ralbicy/Hórki
– LSV Hory 1:0 (0:0)
Zestawa domjacych: Gloxyn – Kř. Matka, Zynda, B. Bjeńš, Materna, M. Matka (93. Kobalc), Janca (78. Bejma), Domaška, Kurjat, S. Bjeńš, Jakubaš (46. Młynk)
Kaž hižo přez cyłu sezonu dyrbjachu Sokoljo najwšelakorišich přičin dla mócnje rotěrować. W defensiwje wupomha Bosćij Bjeńš a postara so tam wo wulku stabilitu hromadźe z Heikom Zyndu. W ofensiwje dyrbješe hrajer starych knjezow Handrij Jakubaš jedyn połčas bule dźeržeć, štož so jemu wulkotnje zešlachći. Mjenowany Jakubaš měješe w 20. min. tež nawjedowanje na noze, po přihrawce Pětra Domaški. Nisku třělwu pak škrabny hóstny wrotar hišće z linije. Jenož pjeć mjeńšin pozdźišo poskići so tajka móžnosć Gabrielej Kurjatej, ale wón pak bul prawje njetrjechi. Swoju jeničku wulku móžnosć mějachu hosćo hižo do tuteju składnosćow za Sokoł, jako dźěše pospyt z 20 metrow na łatu. Hrajerscy sylni Horjenjo mějachu přez cyły prěni połčas bul časćišo w swójskich rjadach, ale defensiwa Sokoła steješe jara wěsće.