W štwórćfinalu krajneho pokala
FSV Bernau
– FC Energija Choćebuz 1:6 (0:4)
Zestawa hosći: Kamenz – Starcew (46. Baude), Grundmann, Matuwila, Schlüter, Gehrmann, Zimmer (46. Ziegenbein), Weidlich (46. Karbstein), Marcelo, Papadimitriou, Boakye
Z někotrymi personalnymi změnami, zranjenjow a chorosće dla, poda so aktualny dobyćer krajneho pokala Braniborskeje do wosmifinalneje partije pokalneho koła 2017/2018. We wrotach steješe Matti Kamenz, Max Grundmann hraješe w škitnym rjećazu a na křidle zasadźi trenar Wollitz Christosa Papadimitriouwa. Čestne wrota za Bernau třěli někotre mjeńšiny do kónca Heidrich. To pak bě w cyłej hrě jenička třělwa hosćićela na wrota. Do toho postarachu so Gabriel Boakye (13.), Marcelo De Freitas Costa (28., 40), Kevin Weidlich (42.), Marcel Baude (59.) a Björn Ziegenbein (75.) wo šěsć wrotow a wo zaćah do koła najlěpšich wosom cyłkow. Georg Zielonkowski
Wuslědki (16.10.17)
Wokrjesne koparske pokalne koło
Bart – Lubuš II3:0 (0:0)
Liegau-Augustusbad – Malešecy 0:3 (0:1)
Budyšin II – Concordia Załom 5:2 (2:2)
Hnašecy-Dobruša II – Wojerecy 0:6 (0:1)
Wulke Ždźary – Budyšin 1:4 (0:0)
Arnsdorf II – Germ. Budyšin 0:4 (0:2)
Wachau – SV Haselbachtal 0:2 (0:0)
Kubšicy/ Bukecy – Mar. hwězda 3:1 (1:1)
Wóslink/Skaskow
– Wulka Dubrawa5:0 (3:0)
Kinspork/Łužnica II – Kulow II 5:4 (2:1)
Něm. Pazlicy – Nadr. Hrabowka 5:0 (2:0)
Minakał/Wulka Dubrawa/Radwor
– Rakečanske ST1:7 (0:3)
Chrósćicy II – Ramnow 0:5 (0:2)
Ottendorf-Okrilla – Großnaund.2:4 (1:2)
Wachau II – Großröhrsdorf 0:2 (0:1)
Sport (13.10.17)
Wokrjesne pokalne koło
Na wokrjesnej runinje wuhraja druhe hłowne koło wo wokrjesny koparski pokal. Sobotu w 15 hodź. hraja na přikład Pančičanscy koparjo w Kubšicach přećiwo hrajnemu zjednoćenstwu Kubšicy/Bukecy a njedźelu w 15 hodź. wočakuje druhe mustwo SJ Chrósćicy wokrjesneho wyšeho ligista ST Drohotku Ramnow. Pokalny duel Motor Kumwałd – Sokoł Ralbicy/Hórki wuhraja 31. oktobra w 14 hodź.
Běh přez zadźěwki
Sportowe towarstwo TV Biskopicy přewjedźe 14. oktobra štwórte wubědźowanje Schiebock-běha ekstremnje 4.0. Štyri kilometry dołha kołočara powjedźe ze stadiona Wesenitzpark do měšćanskeho lěsa a zaso wróćo. Tam dyrbja wobdźělnicy tež zadźěwki přewinyć. Hłowny běh na 8 km startuja w 14.45 hodź., wurisani za dorost w 13.30 hodź. (0,9 km) a w 14 hodź (4 km).
Jürgen Croy w Dźěži
Dalši sportowy forum budźe 23. oktobra wot 18.30 hodź. we wjesnym hosćencu w Dźěži (Diehsa). Budyski sportowy reporter Hanspeter Benad je sej po Peterej Ducce a Marcelu Reifu nětko Jürgena Croya přeprosył. W předpředani dóstanjeće zastupne lisćiki pola Hanspetera Benady pod čisłom 03591/40118.
Kónctydźenska kopańca
14.10. 14:00 Jednota Kamjenc
Dwójny dyr duel rozsudźił
Hertha BSC II
– Budissa Budyšin 3:1 (0:1)
Zestawa hosći: Ebersbach – Barnickel, Hoßmang, Patka, Kunze, Rosendo (66. Hänsch), Mack (57. Müller), Weiß, Gehrmann, Bönisch (73. Milde), Schmidt
Budissy pobrachowachu z Tobiasom Heppnerom, Francom Pfanne a zranjenym Jonasom Krawčikom třo stajni hrajerjo. Hosćo agěrowachu z wěsteho škita a chcychu wrota z pomocu konterow třěleć. Tajki wjedźeše přez Maxa Gehrmanna a Jonasa Macka k 0:1 (26.). Nadźija na tři ličaki bě nětko wězo hišće wjetša. Berlin měješe w prěnim połčasu optisku přewahu, z kotrejž pak hosćićel wjele započeć njewědźeše. Tak móžeše Budissa snadne nawjedowanje sobu do přestawki wzać.
W druhim połčasu měješe Mack prěnju dobru móžnosć mjezywuslědk na 0:2 zwyšić. Bul pak wrota njetrjechi a zleća wyše łaty (47.). W 56. min. wrotar Maik Ebersbach 1:1 hišće wotwobara, wólny kop Maika Haubitza pak přizemi njedźeržomnje pod łatu we wrotach hosći (63.). Nětko steješe Budissa pod ćišćom, dokelž chcychu Berlinjenjo dobyće. Zaměnjeny domjacy hrajer Pronichev hnydom dwójce trjechi (80., 83.). Z tym bě partija rozsudźena. Clemens Werner
Prěni dypk zhubili
1.FC Lok Lipsk
– FC Energija Choćebuz 0:0
Zestawa hosći: Spahić – Starcew, Matuwila, Stein, Karbstein, Ziegenbein (68. Boakye), Schlüter, de Freitas, Viteritti, Zimmer, Weidlich
To bě prěnja wot dźesać partijow w hrajnej dobje 2017/2018, po kotrejž njeje mustwo FC Energija Choćebuz hrajnišćo jako dobyćer wopušćiło. Wulke mjerzanje pak nastało njebě, wšako přěhra prěni přesćěhowar BFC Dynamo doma z 1:2 přećiwo ZFC Meuselwitzej. Nětko ma FCE samo dźewjeć dypkow předskoka před BFC a dźesać před Lokomotiwu Lipskom. Dobyće bě pola Lipšćanskeje lokomotiwy móžne, ale Benjamin Kirsten we wrotach hosći dobre šansy Kevina Weidlicha, Malte Karbsteina a Gabriela Boakye w druhim połčasu wotwobara. W prěnim wotrězku Lok Lipsk pokaza, čehodla słuša tradiciske mustwo do načolneje skupiny regionalneje ligi sewjerowuchod. Z agresiwnym wustupowanjom měješe Energija swoje ćeže. Wulke šansy pak hosćo, kiž dyrbjachu so znowa zranjenych Strelija Mamby, Benjamina Förstera a Marcela Baude wzdać, přećiwnikej njedowolichu.
Wuslědki (12.10.17)
Wokrjesna wyša koparska liga
Kumwałd – Wojerowski FC 2:1 (1:0)
Budyšin – Bukecy0:2 (0:1)
Radwor – Kulow4:5 (0:2)
Ralbicy/Hórki – Großnaundorf 0:3 (0:3)
1. SC Großröhrsdorf 8 17 : 2 20
2. Módro-běli Kulow 8 31 : 10 19
3. Wojerowski FC 8 16 : 12 16
4. Rakečanske ST 8 20 : 17 13
5. ST Wjelećin 8 19 : 19 13
6. SG Großnaundorf 8 17 : 14 12
7. ST Radwor 8 22 : 18 11
8. LSV Hory 8 15 : 15 11
9. Sokoł Ralbicy/Hórki 8 8 : 10 11
10. ST Hnašecy-Dobruša 8 11 : 12 10
11. Drohotka Ramnow 8 13 : 15 10
12. Motor Kumwałd 8 9 : 15 10
13. Zeleno-běli Bukecy 8 11 : 20 10
14. ST Kinspork/Łužnica 8 12 : 21 7
15. Póst Germania Budyšin 8 10 : 15 5
16. ST Budyšin 8 7 : 23 4
wokrjesna liga, stafla I
Frankenthal – Wachau 0:0 (0:0)
Arnsdorfske KT – Porchow 1:1 (0:0)
Malešecy – Wjernarjecy 4:1 (2:0)
Bretnig-Hauswalde – Połčnica 0:7 (0:3)
1. TSV Wachau 8 23 : 0 22
2. Traktor Malešecy 8 28 : 9 21
3. Concordia Załom 8 15 : 8 17
4. TSV Połčnica 7 22 : 7 16
5. TSV Wjernarjecy 8 18 : 14 16
6. ST Porchow 8 13 : 7 15
7. FV Ottendorf-Okrilla 8 17 : 13 15
8. Arnsdorfske KT 8 17 : 12 14
9. SV Frankenthal 8 15 : 13 13
10. Horni kraj-Sprjewja II 7 28 : 15 8
11. SC Großröhrsdorf II 8 7 : 10 7
12. SV Großharthau 8 8 : 12 7
13. SV Budissa Budyšink 8 3 : 42 4
14. Germania Budyšin II 8 12 : 23 3
15. Bretnig-Hauswalde 8 7 : 29 1
16. ST Huska 8 9 : 28 0
wokrjesna liga, stafla II
Wulka Dubrawa – Wojerecy II 3:2 (2:1)
Nowe Město II – Němske Pazlicy 5:2 (1:0)
Ćisk II – Łaz/Běły Chołmc 1:4 (0:3)
Rakečanske ST II – Chrósćicy II 2:1 (1:1)
Njebjelčicy – Lubuš2:2 (1:2)
Sepicy – Marijina hwězda 0:2 (0:2)
1. ST Lubuš 7 22 : 7 19
2. HZ Łaz/Běły Chołmc 8 25 : 11 19
3. Natwar Němske Pazlicy 8 32 : 8 18
4. SV Haselbachtal 8 29 : 12 18
5. FSV Łuty 8 14 : 9 16
Beata Čórlichec hižo na Hawaii
Hosćo bjez šansy wostali
FC Energija Choćebuz
– Hertha BSC Berlin II 2:0 (1:0)
Zestawa domjacych: Spahić – Starcew, Stein, Karbstein, Schlüter, Kruse (46. Boakye), Weidlich, Viteritti, Zimmer (78. Matuwila), Marcelo, Ziegenbein (86. Schneider)
To jeničke, štož měło so při suwerenym dobyću FC Energije kritizować, je wužitk šansow. Dalše tři dypki přećiwo U 23 zwjazkoweho koparskeho ligista běchu na kóždy pad zasłužene, dokež mějachu hosćo před 5 218 přihladowarjemi jenož jeničku móžnosć wrota třělić (71. min, Shawn Kauter). Avdo Spahić we wrotach FCE bě na tutym dnju nimale kompletnje bjezdźěłny. Energija postajowaše duel wot prěnjeje hač do posledneje sekundy, tež hdyž je trenar Pele Wollitz najprjedy raz bjez praweho nadběhowarja započał. Björn Ziegenbein, kotrehož pósła Wollitz doprědka, pak swoju wěc derje zmištrowa. Kevin Weidlich trjechi k 1:0 (8.) a Ziegenbein potom 2:0 (50.).
Koparjo Energije prezentowachu swojim přihladowarjam sep hrajnych kombinacijow, za kotrež dóstachu hrajerjo wjacore razy aplaws. Hišće ženje njeje mustwo w regionalnych ligach z dźewjeć dobyćemi do sezony startowało. Georg Zielonkowski
Zasłuženy domjacy dypk
SJ Njebjelčicy
– ST Lubuš 2:2 (1:2)
Zestawa domjacych: Hahn – Hölzel, Hanuza, Deleńk, Hrjehor, Pawlik, Kral, Lejnart, Domš (62. Haška), Schulze, Korjeńk
Dołho bě partija přećiwo načolnemu cyłkej z Lubuša wurunana. Njebjelčenjo džěchu ze wšeho spočatka bojownisce a koncentrowani do hry. Na zbožo nic tak łahodnje kaž před tydźenjom přećiwo ST Marijinej hwězdźe. Prěnju dobru šansu měješe Handrij Korjeńk po wólnym kopje Ronija Hanuzy w 27. min. Njebjelčan pak zhłójčkowa snadnje nimo. Na to nawjedowachu hosćo z 0:1. Mócna třělwa zadyri pod łatu Nica Hahnoweje klětki. Mjeńšinje po tym poradźi so hosćom z Lubuša po róžku z praweje strony 2:0. Njebjelčenjo pak njeběchu šokowani. Přez spěšnu kombinaciju Floriana Domša a Roberta Lejnarta zniži Korjeńk na 1:2 (34.). Strašnje wysoko třěleny bul Pawla Hrjehorja storči hóstny wrotar runje hišće tak přez łatu – bjezmała by tak k wurunanju přišło.
Ze zastatkom dźěše do přestawki. Po njej bě hra dale wurunana. Po róžku zhłójčkowa Hrjehor swobodnje stejo přez wrota. Tři mjeńšiny po tym pak poradźi so jemu z niskej třělwu po strašnje třělenym róžku Lejnarta wurunanje (88.).
Wuslědki (11.10.17)
Regionalna koparska liga žonow
RB Lipsk – Steglitzski FC Stern 2:1 (1:1)
Rostock – Fortuna Drježdźany 2:3 (0:1)
1. FC Viktoria Berlin 5 29 : 1 15
2. Magdeburgski FFC 4 21 : 2 12
3. BSC Marzahn 4 18 : 5 10
4. 1. FC Union Berlin 4 14 : 4 10
5. RB Lipsk 5 9 : 9 10
6. FC Rudne horiny Aue 5 6 : 10 5
7. Steglitzski FC Stern 5 8 : 10 4
8. 1. FFC Fortuna Drježdź. 5 7 : 16 4
9. Biskopičanske KT 08 4 4 : 12 2
