Snadna poražka w połfinalu

wutora, 29. měrca 2016 spisane wot:

Jednota Kamjenc – FSV Zwickau 1:2 (1:2)

Zestawa domjacych: Arnold – Kotyza, Charuza, Hrdlitschka, Woko (53. Schidun), Ranninger (72. Hrjehor), Höer, Vrabec­, Prentki, Pannach, Novotný (82. Mielke)

Něhdźe 3 500 přihladowarjow přichwata minjenu sobotu do Kamjenskeho Stadiona młodźiny. W sakskim pokalnym kole wočakowaše prěnje koparske mustwo Jednoty Kamjenc, trenowane wot Serba Franka Ričla, načolnika regionalneje ligi FSV Zwickau. Kamjenčenjo steja na druhim městnje sakskeje ligi.

Widźał, słyšał, napisał (29.03.16)

wutora, 29. měrca 2016 spisane wot:

Awtor dźensa

Michał Nuk

Wuslědki (29.03.16)

wutora, 29. měrca 2016 spisane wot:

Kopańca, krajna klasa

1. Niska 16 38 : 15 36

2. Mužakow 16 47 : 29 30

3. Laubegast 16 35 : 17 29

4. Radebeul 16 25 : 16 29

5. Budissa Budyšin II 16 27 : 21 26

6. Zschachwitz 15 32 : 25 25

7. Nowe Město 16 28 : 27 23

8. Trjebin 16 31 : 38 21

9. Biskopicy II 16 31 : 30 20

10. Drježdźanski SC 16 23 : 30 16

11. Nowosólc-Hródk 16 22 : 29 16

12. Budestecy 15 23 : 37 16

13. Póst Drježdźany 16 18 : 45 11

14. Drježdźany-Strěžin 16 15 : 36 9

Wokrjesna wyša liga

1. Chrósćicy 23 56 : 19 56

2. Großröhrsdorf 23 63 : 35 46

3. Hory 23 57 : 24 43

4. Ralbicy/Hórki 22 55 : 23 41

5. Rakecy 23 47 : 36 38

6. Kumwałd 22 60 : 42 37

7. Hnašecy 22 46 : 31 33

8. Ramnow  23 47 : 52 33

9. Póst Budyšin 23 48 : 46 31

10. Ćisk 23 47 : 48 31

11. Połčnica 22 38 : 39 31

12. Kulow 23 41 : 39 25

13. Kinspork 23 43 : 46 23

14. Bukecy 22 29 : 58 20

15. Wjelećin 22 32 : 69 16

16. Wachau 23 32 : 73 13

17. Łuty 22 19 : 80 10

Sport (24.03.16)

štwórtk, 24. měrca 2016 spisane wot:

Pytaja hišće mustwje

Sobotu, 9. apryla, zarjaduje volleyballowa skupina z Kulowa w tamnišej sportowej hali nócny turněr. Tón započnje so w 19 hodź. Finalne hry budu wokoło połnocy. Hišće móžetej so dwě mustwje pod přizjewić. Startowy pjenjez wučinja 30 eurow.

Wotběhanje jutrownych jejkow

Jutrownu póndźelu móža so ludowi sportowcy w Němskich Pazlicach trochu wuběhać. Tam zarjaduje towarstwo Natwar Němske Pazlicy tak mjenowane wotběhanje jutrownych jejkow. Startować chcedźa běh bjez wubědźowanskeho charaktera w 10 hodź. při sportowym domje. Wón powjedźe wokoło wulkohata. Štóž trjeba za družinu walking Němske sportowe znamješko, měł hižo w 9.15 hodź. při terasy lěsneje kupjele być.

Hra lěta za Jednotu Kamjenc

Krajny koparski ligist Jednota Kamjenc nastupi sobotu doma přećiwo načolnikej regionalneje ligi FSV Zwickau. Budźe to połfinalna hra wo sakski koparski pokal. Hišće ženje njejsu koparjo Jednoty koło najlěpšich štyrjoch cyłkow Sakskeje docpěli. Hru zahwizdaja w 14 hodź.

38. MTB w Humbodtowym haju

W swójskej hali titul zakitowali

srjeda, 23. měrca 2016 spisane wot:

Šulerske mustwo Serbskeje wyšeje šule „Michał Hórnik“ Worklecy je lětuše wubědźowanje Wysokoskok z hudźbu dobyło a lońši titul zakitowało. Za domjacy cyłk nastupichu Adrienne Matkec, Florian Kreuz, Leoni Cyžec a Elias Kreuz (wotlěwa).

Zarjadowar šulerskeho wubědźowanja bě Serbske šulske towarstwo, wuhotowar sportowe towarstwo Viktoria Worklecy. Foto: Křesćan Bejmak

W poslednjej mjeńšinje wurunali

srjeda, 23. měrca 2016 spisane wot:

LSV Hory 1990 II

– Sokoł Ralbicy/Hórki 1:1 (1:0)

Zestawa hosći: Cyž – Bogusz, Materna (20. Šmit), Lulak, Zynda, Matka, Bejmak, Šołta, Čornak, Rawš, Kurjat (59. Kobalc)

Bołmončku nastupichu koparjo Sokoła Ralbicy/Hórki pola rezerwy z Horow. Hru doma běchu woni z 5:1 jasnje dobyli. Runje tak kaž w prěnjej połseriji njebě to tónkróć prěnje mustwo, ale sylna rezerwa Sokoła. Bejmak kaž tež Lulak znowa hraještaj, jimaj přidružištaj so Šołta a Matka. Kopali su na trawniku, kotryž běše chětro hłuboki. Hosćo hru spočatnje postajowachu a běchu přez prawu stronu strašni. W 10. min. bu wólny kop Lulaka wyše žerdźe storčeny. Tež wjele lubjacy nadběh přez Čornaka ničo njewunjese, dokelž hnydom třo Sokoljo jeho přihrawku misnychu. We 28 min. pak we wrotach Cyža klinkaše. Wólny kop ze zdalenosće 25 metrow přetwori přećiwnik wyše murje do hornjeho třiróžka. Na to zwrěšćištaj Bejmak dwójce a Bogusz na wrotarju. Konter bu hnydom spěšnje wuhraty a třělwa dyri do łaty.

Wuslědki (23.03.16)

srjeda, 23. měrca 2016 spisane wot:

Wokrjesna koparska liga, stafla II

Njeswačidło – Ćisk II2:5 (1:3)

Bluń – Lubuš4:5 (1:1)

Hory II – Ralbicy/Hórki II 1:1 (1:0)

HZ Łaz – Rakecy II0:2 (0:1)

1. Wojerecy 1919 17 52  : 14 41

2. Rakecy II 18 47  : 14 39

3. FC Łužica 19 37  : 20 34

4. Nowe Město II 18 66  : 32 30

5. HZ Łaz 18 24  : 18 30

6. Hórnikecy 19 36  : 35 29

7. Bluń 18 41  : 36 28

8. Njeswačidło 19 43  : 43 26

9. Nadr. Hrabowka 18 41  : 31 25

10. Hory II 19 38  : 30 25

11. Lubuš 18 39  : 46 24

12. Ćisk II 19 39  : 58 22

13. Ralbicy/Hórki II 19 33  : 42 19

14. Wětnica/Hola 19 28  : 76 11

15. Šćeńca 18 27  : 96 7

Wokrjesna koparska liga, stafla I

Póst Budyšin II – Wjernarjecy 3:3 (1:2)

Hodźij – HZ Budestecy 0:2 (0:1)

Kubšicy – Radwor1:1 (0:0)

ST Budyšin – Porchow 2:1 (1:1)

1. ST Budyšin 18 59  : 22 47

2. Malešecy 18 54  : 24 40

3. HZ Budestecy 19 58  : 34 39

4. Załom 18 52  : 24 33

5. Kubšicy 17 38  : 22 31

6. Radwor 19 47  : 25 29

Derje hrali a přiwšěm podleželi

wutora, 22. měrca 2016 spisane wot:

ST Marijina hwězda

– ST Sepicy 1:3 (0:1)

Zestawa domjacych: O. Schmidt – Wróbl (65. Škoda), Czapik, Łušćanski, Lipič, Pesch­mann, Pakoßnick, T. Jurš, P. Schmidt, Winkler (60. Langer), D. Jurš

Prěnju hru w Sepicach běchu klóšterscy koparjo 7:3 dobyli, štož wězo tež doma chcychu. Před 82 přihladowarjemi so cyłkaj najprjedy raz neutralizowaštaj. Tróšku njezboža mějachu domjacy w 29. min., jako prasny wólny kop Pakoßnicka ze zdalenosće 18 metrow do łaty. Z ničeho padny w 41. min. 0:1. Hnydom štyrjo Pančičanscy hrajerjo stejachu spalěr, a Sepičan Abdin so z wrotami podźakowa.

W druhim połčasu njebě za ST Marijinu hwězdu konstruktiwny hrajny natwar móžny, dokelž dźěchu hosćo agresiwnje do dwubojow. Tak spytachu Pančičenjo z dołhimi třělwami wurunanje docpěć, štož so tež poradźi. Daloki wotkop wrotarja Schmidta njedósta přećiwniski wrotar po dwuboju z Pakoßnickom pod kontrolu, a Dawid Jurš suny bul k 1:1 (70.) do wrotow. Mjez 73. a 84. min. wuwostaji hosćićel hnydom štyri móžnosće. 1:2 (86.) nasta po konteru a 1:3 (90.), dokelž bě w škiće domjacych wšo wočinjene.

Přeswědčiwje dobyli

wutora, 22. měrca 2016 spisane wot:

SJ Chrósćicy

– Drohotka Ramnow 5:0 (2:0)

Zestawa domjacych: Králíček – Šiman, Cyž, Šafář, Dórnik, Kunze (62. Pöpel), Schulze, Dehn (56. Młynk), Domaška, Žur, Šmit (67. Budar)

Skónčnje zaso jónu zamó prěnje koparske mustwo Chróšćanskeje SJ tak prawje přeswědčić a hru z jasnym wuslědkom za sebje rozsudźić. Byrnjež 5:0 hižo derje klinčało, móžne běchu hišće dalše wrota. Po nadběhu bu Žurowa flanka wot Ramnowskeho škitarja Dehnej na nohu połožena. A tón nisko do krótkeho kuta k nawjedowanju přetwori (10.). Krótko na to bu Šmit w šěsnatce foulowany, sudnik z hwižkom w hubje pak so na asistenta spušćeše a jědnatku njeda. W 20. min. padny 2:0. Po wólnym kopje Kunzy zamó wrotar bul jenož wotplacnyć, Cyž steješe prawje a jón do saka kopny. Po dobrej poł hodźinje hrajachu hosćo žołto-čerwjeneje karty dla z mužom mjenje.

Skónčnje zaso wuspěšni

wutora, 22. měrca 2016 spisane wot:

ST Hlinowc

– ST Marijina hwězda 1:5 (1:3)

Zestawa hosći: O. Schmidt – Wróbl, Czapik, Łušćanski, Lipič, Hawš, Langer (72. Vacek), T. Jurš, P. Schmidt, Pakoßnick (80. Škoda), D. Jurš

Do hry w Hlinowcu běchu klóšterscy koparjo dwójce přěhrali, a to přećiwo prěnjemu a druhemu tabulki. W susodnym Hlinowcu pak chcychu na kóždy pad tři dypki a rewanšu za poražku w prěnjej hrě doma. Woboje so jim poradźi. Muž dnja bě zaso raz Dawid Jurš, kiž je hru ze štworymi wrotami a jednym přihotom nimale sam rozsudźił. Hosćićel pak z 1:0 (18.) nawjedowaše. Ze zdalenosće 18 metrow bě kapitan Retzer trjechił. Wo 1:1 (21.) pak postara so tři mjeńšiny pozdźišo po dalokim zamjeće Wróbla Dawid Jurš. Konter w 23. min. zakónči Pakoßnick k 1:2. Wurunanju zadźěwa wrotar Schmidt z wuběrnej paradu (33.). Slědowacy róžk bu znowa bumerang za hosćićela. Přez stacije Lipič–Pakoßnick–Jurš dźěše bul k 1:3 do wrotow domjacych (34.).

Spočatk druheho połčasa znješkódni Oliver Schmidt dwě stoprocentnej šansy (57., 59.). Po tym pak nastachu rumy za kontery a Dawid Jurš trjechi k 1:4 (67.) a 1:5 (82.).

ST Marijina hwězda II wuwojowa sej z dźesać koparjemi pola rezerwy Hlinowca 1:1. Wrota třělił bě Kevin Kuschel. Tobias Nowak

Serbska debata

nowostki LND