Poradźeny zazběh do 2. połserije

póndźela, 01. februara 2016 spisane wot:

HZ Kinspork/Łužnica – Sokoł Ralbicy/Hórki 0:2 (0:0)

Zestawa hosći: Gloxyn – von Köding, Schultz, B. Bjeńš, Korjeńk, Wałda, Šołta, S. Bjeńš, Bejmak (82. T. Bejma), B. Bejma, Domaška (80. Kurjat)

Po krótkej zymskej přestawce nastupichu koparjo Sokoła Ralbicy/Hórki pola postupnika Kinspork/Łužnica. Byrnjež doma ze 6:0 jasnje dobyli, běchu Sokoljo warnowani. W pokalnym kole běchu tam hižo dwójce podleželi. Kumštny trawnik w Kinsporku je mjeztym tak dodźeržany, zo mjenuja jón jenož hišće plastowa přestrjeń.

Poslednju testowu hru dobyli

póndźela, 01. februara 2016 spisane wot:

FSV Budissa Budyšin – FK Teplice U23 4:0 (3:0)

Zestawa Budissy: Große – Heppner, Patka, Pfanne, Čermák, Hoßmang, Heineccius, Hansch, Kral, Salewski, Walther, Fröhlich, A. Jakubov, Reher, Rosendo, Klippel, Kolan, Hausdorf

Na testowu hru su so zamołwići z Budyšina a Teplic krótkodobnje dojednali, dokelž partija Budissy přećiwo Lok Lipsk wjedra dla wupadny. Bě to posledni test za Budissu, z pomocu kotrehož móžeše trenar Tomaš Henčl swojich chowancow pruwować. Wot wšeho spočatka regionalny ligist duel na kumštnym trawniku w Humboldtowym haju postajowaše. Prěnje wrota pak dachu na so čakać. Po někotrych wuwostajenych móžnosćach postara so Florian Hansch wo 1:0 (26.). Pjeć mjeńšin pozdźišo přetwori Martin Hoßmang foulowu jědnatku k 2:0. Přewaha Budissy bě dale jasnje spóznajomna a Hansch zwyši mjeńšinu do přestawki samo na 3:0.

Po přestawce Budissa pilnje dale nadběhowaše. Wrota pak docpě jenož Maik Salewski (62.). Tež Alexander Jakubov móhł hišće foulowu jědnatku k dalšim wrotam přetworić. To pak so jemu njeporadźi. Wosta tuž při wuslědku 4:0. Clemens Werner

Dypki přećiwniskim hrajerkam darili

póndźela, 01. februara 2016 spisane wot:

Volleyballistki ST Marijineje hwězdy a VV Žitawy čakachu před zamknjenej sportowej halu, prjedy hač so prěnje hrajerki hosćićela zjewichu. Tola tež wone njemóžachu pomhać. Zamk sportownje so jenož k postajenemu časej wočinja. Sćoplenje započa so tuž ze zapozdźenjom, hra pak dypkownje.

ST Kupoj/Nowa Łuka – ST Marijina hwězda 3:2

(15:25, 23:25, 25:18, 25:23, 15:13)

SJ Chrósćicy – TSV Połčnica 0:3 (0:3)

Zestawa domjacych: Králíček – Pöpel, Cyž, Bětnar, Dórnik, Šmit, Domaška, Schulze, Kunze (46. Młynk), Žur (68. Bogusz), Věchet (46. Dehn)

Na kumštnym trawniku w Kamjencu so Chróšćanskej SJ docyła ničo nje­zešlachći. Jeničce šěsć minutow bě časnik wotdźěłał a hižo běchu Chróšćenjo w zastatku. Po njejasnosći w defensiwje skoči přećiwniski nadběhowar najwyše a zhłójčkowa bul do saka. Krótko na to hnydom dalši šok: Daloka třělwa Połčničanow, wrotar Králíček chwataše z klětki ale bul njedósta, škitar bě tohorunja přepozdźe a hižo steješe 0:2 (8.). W 17. min. nasta wulkotna kombinacija hosći před domjacej šěsnatku, kotruž srjedźopólny hrajer z niskej třělwu do krótkeho kuta k 3:0 zakónči. Tak běše hra hižo po 18 min. rozsudźena. Domjacy běchu kaž lemjeni, spytachu přiwšěm čuwy wobchować. Njemějachu pak prawy recept. Tak dźěše z jasnym zastatkom do połčasa.

Widźał, słyšał, napisał (01.02.16)

póndźela, 01. februara 2016 spisane wot:
Awtor dźensa Tomaš Faska

Zymscy sportowcy nimaja so lětsa lochko. Lědma smy so nad běłym próškom zawjeselić móhli a sej tón abo tamny wot­jězd z někotreježkuli hornjołužiskeje hory popřeć směli, je wšo hižo zaso nimo. Swjaty Pětr nima za nas w tejle miłej a na sněh chudej zymje žanežkuli zrozumjenje. Najwjace sobuželnosće mam za tych, kotřiž su so z njesměrnej prócu wo to starali, zo by zymski sport pola nas scyła móžny był. W Rugiswaldźe a Załomju na přikład, abo tež na Łysy (Lausche) we Waltersdorfje w Žitawskich horinach a druhdźe je so zamołwitym woprawdźe poradźiło, zaručić znajmjeńša něšto dnjow poměrnje dobre wuměnjenja. Dźeń wote dnja su pilnje a njesprócniwje wo to wojowali, zo by alpinske sněhakowanje scyła móžne było. Doniž njepřińdźe při temperaturach jasnje nad nulu praktisce přez nóc zahubny dešć a sněhakowanje wjace móžne njebě.

Wuslědki (01.02.16)

póndźela, 01. februara 2016 spisane wot:

Regionalna koparska liga

1. Nordhausen 18 38  :  14 41

2. Zwickau 18 35  :  13 40

3. Jena 18 23  :  9 35

4. Berlinski AK 18 26  :  12 34

5. Neugersdorf 18 30  :  18 34

6. BFC Dynamo 18 40  :  29 34

7. Babelsberg 03 18 24  :  10 31

8. Auerbach 19 32  :  26 31

9. Neustrelitz 19 29  :  23 28

10. Hertha BSC II 18 29  :  33 25

11. Budissa Budyšin 18 28  :  21 23

12. RB Lipsk II 18 22  :  28 19

13. Meuselwitz 18 20  :  31 19

14. Schönberg 18 22  :  26 18

15. FC Viktoria 18 18  :  34 12

16. Luckenwalde 18 13  :  44 10

17. Rathenow 18 14  :  40 8

18. Halberstadt 18 16  :  48 5

Sport (29.01.16)

pjatk, 29. januara 2016 spisane wot:

Koparski camp znowa budźe

Tony Jantschke, kopar zwjazkoweho ligista Borussia Mönchengladbach, je dalši Tonyja Jantschkowy koparski camp připowědźił, a to wot 16. junija do 19. junija ze swojim teamom we Wojerecach. Wobdźělić smě so 44 dźěći. Přizjewjenja pak su hakle kónc februara móžne. Jantschke chce so sčasom přizjewić a modality wozjewić.

Bulowa nóc w Kamjencu

Sportowe towarstwo Natwar Němske Pazlicy přeproša na 13. bulowu nóc za koparjow, staršich hač 35 lět. Turněr je dźensa w sportowej hali při Kamjenskim lětanišću. Wubědźowanje započnje so 18.45 hodź. Přizjewjene su mustwa: Jednota Radeberg, Statistika Němske Pazlicy, HZ Halštrow/Hlinowc, Přećelski kruh Němske Pazlicy (zakitowar pokala), Lok Kamjenc, ST Marijina hwězda, SJ Njebjelčicy, Piwarnja Radeberg, ST Běła/Cunnersdorf, Natwar­ Němske Pazlicy a Natwar Němske Pazlicy II.

Volleyballowa dypkowa hra

30.01. 10.00 Worklecy II hraja we Wojerecach.

Koparske dypkowe hry

Radworscy blidotenisća solidarni

štwórtk, 28. januara 2016 spisane wot:
Póndźelu zhonichmy wo wosom lětnym hólčku w Americe, kiž ćerpi na njewuhojomneho raka. Wulke přeće Doriana je, tak přeradźi swojemu nanej, zo chce być sławny hač do Chiny, prjed hač do njebjes přińdźe. Powěsć rozpřestrě so přez hashtag „#dstrong“ po cyłym interneće. Ludźo z cyłeho swěta wozjewjeja fota z napisom „#Dstrong“, štož woznamjenja „Doriano, wostań sylny“. Radworscy blidotenisća so spontanje rozsudźichu, na treningu ze swojimi palkami wutworić wulke „D“ a je jako postrow do Rhode Island pósłać. Super, zo su to činili. Je rjenje sej předstajić móc, zo mały Dorian runje nětko na Google earth za Radworjom pyta­. Přejemy Dorianej – zastupowacemu wšěch w podobnej ćežkej situaciji: Stay strong Dorian – myslimy na tebje!Claudia Knoblochec

Poskića hojensku gymnastiku

štwórtk, 28. januara 2016 spisane wot:
Sportowe towarstwo Viktoria Worklecy poskići wot soboty, 30. januara, nowy kurs, zaběracy so z hojenskej gymnastiku. Kurs, kotryž započnje so w 17 hodź., ma ćěło bóle zhibujomne sčinić. Na zakładźe pomałych wotběhow zwučowanja a stajneho wospjetowanja pohibow je poskitk za kóždu starobu a strowotnu konstituciju mysleny. Na bohaty wopyt wjeselitaj so nawodnica kursa Rejzka Wałdźic a Ronny Krüger z Worklec. SN

Pančičenjo wuchodosakski mišter

štwórtk, 28. januara 2016 spisane wot:

W Drježdźanach přewjedźechu sakske volleyballowe mišterstwa za hrajerjow, staršich hač 47 lět.

Hnydom w prěnjej hrě dyrbjachu Pančičenjo přećiwo poz­dźišemu wicemištrej Textima Kamjenica-juh nastupić. Byrnjež chro­ble wojowali, woni z 23:25 a 24:26 podležachu. W přichodnej partiji Łužičenjo přećiwo Tannje Thalheim přeswědčiwje z 25:14 a 25:13 dobychu. Tak so za finalne koło kwalifikowachu. W cyłkownym hódnoćenju wobsadźi ST Marijina hwězda 4. městno. To bě zdobom titul wuchodosakskeho mištra Ü 47, dokelž bu Schönbach posledni. Mužojo zakitowachu tuž samsne zaměstnjenje kaž hižo lěta 2014 a 2015. Pětr Bart

Serbska debata

nowostki LND