Najlěpša kolesowarka swěta

wutora, 24. měrca 2020 spisane wot:

Kolesowarka na čarach (Bahnrad) Emma Hinze z Choćebuza bě sej hižo w lětomaj 2014 a 2015 na swětowych a europskich mišterstwach juniorow někotre medalje zawěsćiła. Zo pak je 22lětna nětko tež jako dorosćena na swětowych mišterstwach hnydom trójce na podest smaliła, to samo najwjetšich fachowcow překwapja. Na němskich mišterstwach, přewjedźenych kónc februara w Berlinskim ­Velodromje, doby w Hildesheimje rodźena sportowča teamowy sprint, sprint a Keirin-wubědźowanje a tak tučelowy trikot, z kotrymž česća najwuspěšnišich.

Kolesowarske swětowe mišterstwa su nimo wurisanjow na olympiskich hrach druhe najwjetše kolesowarske wubědźowanja swěta. Olympia 2020 steji za najwuspěšnišu Choćebusku kolesowarku wšěch časow tež hišće na programje, njebudu-li wotprajene abo přesunjene. Tam budźe sportowča RSC Choćebuza, po dnjach w Berlinje, topfaworitka.

Po tydźenju dowola, kotryž přežiwi wona zhromadnje z přećelom-kolesowarjom Alexanderom Dornbachom na kupje Fuerteventura, je Emma Hinze za olympiske wubědźowanja w Tokiju trenować započała.

Za běharkia běharjowwjele njeběži

wutora, 24. měrca 2020 spisane wot:

Za wutrajnosportowcow to tučasnje runjewon lochke časy njejsu. Hač do kónca apryla su wšitke běhanske wubědźowanja wotprajene a za tymi wot meje hač do kónca lěta steja wulke prašaki. Nichtó mjenujcy w tychle časach njewě, kak so wšitko dale wuwije. Trenować wšak kóždy dale móže, znajmjeńša kolesować a běhać. Płuwać je komplikowane, dokelž su wšitke płuwanske hale zawrjene. Tu někotre wurisanja, za kotrež su přizjewjenja hišće móžne. Wšitke namakaće tež na internetnej stronje www.baer-service.de.

09.05. 29. běh na Sokolnik we Wjazońcy

09.05. AOK-city run & bike w Choćebuzu

10.05. 11. Lipšćanski žonjacy běh

10.05. 19. Bike & run při Sokolniku

we Wjazońcy

16.05. 10. Lipšćanski nócny běh

20.05. 33. běh po Krakečanskich wyšinach

29.05.9. Ramnowski Fichtowy běh

31.05. 13. swjatkowne běhi wokoło

Bjerwałdskeho jězora

06.06. 2. hornjołužiski trail

10.06. 1. Krabatowy firmowy běh

14.06. Swětowe mišterstwa Schiebock

2020 w Biskopicach

24.06. 10. DAK-firmowy běh w Budyšinje

24.06. Běh přećiwo rakej w Drježdźanach

26.06. 17. Žabjacy běh w Běłej

Kilian Hrjehor

Tabulka wobwodneje wolejbuloweje ­ligi wuchodneje Sakskeje – žony

1. Doprědka Rózbork  14 40 : 12 36

2. HZ Pančicy-Worklecy 14 35 : 15 32

3. TSV Kundraćicy  14 32 : 20 29

4. JTVG Koblicy 12 29 : 16 25

5. ST Kupoj-Nowa Łuka 12 21 : 23 18

6. OSC Lubij  12 22 : 24 16

7. Ochran. wolejfantki 13 18 : 28 12

8. MSV Budyšin 04 II  14 8 : 39 5

9. Nysa Wolejs 13 8 : 36 4


W běhu jednoho tydźenja stejachu za prě­nje zastupnistwo wolejbulistkow Hrajneho zjednoćenstwa Pančicy-Worklecy hnydom tři dypkowe hry na planje. Kónc februara dźěše tuž najprjedy raz do Lubija.

OSC Lubij – Hrajne zjednoćenstwo Pančicy-Worklecy 0:3 (16:25, 22:25, 16:25)

Lubijske žony OSC čakachu hižo na rewanšu. Wšako běchu w prěnim kole 0:3 přěhrali. Pančičanki a Worklečanki pak nochcychu so na žadyn pad bjez dobyća nawróćić. Dźěchu tuž ze stoprocentowskim zasadźenjom do prěnjeje sadźby, kotruž z 25:16 jasnje dobychu. W druhej sadźbje drje tu a tam njetrjebawše zmylki worachu, jenož jedna nadaćowa serija pak tomu polěkowaše, zo tež ju z 25:22 dobychu. W třećim přechodźe pokazachu wšitke hrajerki zaso swoju wukonliwosć, a tak rěkaše po něhdźe 20 mjeńšinach 25:16 za hwězdźički-micki.

MSV Budyšin 04 II – HZ Pančicy-Worklecy 1:3 (26:24, 11:25, 11:25, 23:25)

Kónc do kónca sezony

póndźela, 23. měrca 2020 spisane wot:

Tež Sakski wolejbulowy zwjazk SSVB ­je swoju hrajnu dobu 2019/2020 ­do­časnje zakónčił. Přiwšěm so wolej­bulistki a wolejbulisća hišće ­nadźijeja, zo móža zbywace dypkowe hry tola ­hišće přewjesć. Tu někotre aktualne ­tabulki.

Wobwodna liga wuchodneje Sakskeje,

mužojo

1. Módro-běli Wojerecy II 12 11 35: 9 33

2. Viktoria Worklecy 92 12 11 35: 8 32

3. ST Kupoj-Nowa Łuka 12 10 30:11 28

4. TSV Kundraćicy 13 7 23:19 22

5. CVJM Zhorjelc 12 5 19:23 16

6. 1896 Wulka Dubrawa 14 4 18:34 13

7. MSV Budyšin 04 II 12 4 17:28 11

8. TSV Niederoderwitz 13 3 16:34 10

9. OSC Lubij 12 1 8:35 3

wokrjesna klasa Budyšin-sewjer,

mužojo

1. SC Wojerecy    5 5 10:1 10

2. Módro-běli Wojerecy III 6 5 10:4 10

3. ST Kupoj-Nowa Łuka II 5 3 6:5 6

4. TSG Hamor Běła Woda 5 2 6:6 4

5. Módro-běli Wojerecy IV 5 2 5:6 4

6. Módro-běli Wojerecy V 5 1 2:8 2

7. Viktoria Worklecy II 5 0 1:10 0

wokrjesna klasa Budyšin-wuchod,

mužojo

1. ST Marijina hwězda 12 10 21:5 20

2. ST Sokolnik Wjazońca 8 8 16:1 16

3. MSV Budyšin 04 IV 10 7 16:8 14

4. Schönbachske VV 12 5 10:16 10

5. ST Hnašecy-Dobruša  10 4 10:12 8

6. SZ Budyšin-sewjer 11 4 10:15 8

7. ST Chróstawa 12 3 7:19 6

8. Sokoł Budyšin 9 1 2:16 2

wobwodna klasa wuchodneje Sakskeje,

žony

1. VV Žitawa 09 II 11 11 33: 5 31

2. VV Žitawa 09 III 14 10 36:14 31

3. Schönbachske VV 12 9 31:14 28

4. Módro-běłe Wojerecy II 11 5 18:19 16

5. HZ Pančicy-Worklecy II 11 5 16:20 14

6. MSV Budyšin 04 III 10 4 13:18 12

7. Viktoria Worklecy 11 1 3:30 3

8. Nysa Wolejs II 12 0 0:36 0

Hobbyjowa liga – miksowa stafla

1. ST Sokolnik Wjazońca 12 12 24:0

Awtor dźensa Jurij Bjeńš

Coronawirus runje naš wšědny dźeń postaja. Hač w nowinach, telewizoru abo w syći, wšudźe jenož wo strašnym wirusu rozprawjeja. Ale što dyrbja žurnalisća tučasnje tež hewak tematizować? Wšitko je znajmjeńša hač do jutrow wotprajene, a móžemy drje z tym ličić, zo hač do lěća žane zjawne zarjadowanja, wosebje sportowe z přihladowarjemi, njebudu. Cyle wěsće budźemy bórze na njewěsty čas tež doma wostać dyrbjeć. Wosebje pohib wonka na čerstwym powětře pak čłowjekej tyje a je njesměrnje wažny za jeho strowotu. Tohodla móžu kóždemu jenož poručić – wot pěstowarskeho dźěsća hač k wuměnkarjej – njeje-li hinak móžno, so w swójskich štyrjoch sćěnach kóždy dźeń pohibować a při tym dosć čerstweho powětra do domu dać. Wosebje widejoplatforma Youtube skići telko móžnosćow za ćěłozwučowanje tež w bydlenskej stwě. A tute poskitki by nětko woprawdźe kóždy wužić dyrbjał. Wšako je jich w syći dźeń a wjac. Jara kreatiwny přikład tajkeho Youtube-wideja ma Njebjelčanska pěstowarnja.

Dobry zakład

pjatk, 20. měrca 2020 spisane wot:

Budyšin (SN/JaW). Z powěsću wo tym, zo Federalistiska unija europskich narodnych mjeńšin za lětsa planowanu europeadu přestorči, drje su mnozy hižo ličili. Wot wčerawšeho je nětko jasne, zo koparske mišterstwa europskich narodnych mjeńšin pola Korutanskich Słowjencow w juniju njebudu, ale klětu w samsnym času, kaž Domowina wčera zdźěli.

Byrnjež přestorčenje europeady zrudźiło, zhladuje referent Domowiny a předsyda přihotowanskeho wuběrka „Serbske mustwo na europeadu“ Clemens Škoda pozitiwnje na dotalne wuwiće. „Strowota ma prioritu. Sym pak hordy na puć, kotryž smy dotal kročili. Smy so z nowej zestawu wobeju serbskeju wubrankow rozestajeli, nowe wuměnjenja přiwzali a je derje zmištrowali.“ Kaž Škoda dale pisa, je wón přeswědčeny, zo maja nětko „dobry zakład za dalše přihoty europeady, z kotrymiž wězo pokročujemy. Spěchowarjow chcemy prosyć projekt dale podpěrać, zo móhli jón klětu wuspěšnje přewjesć.“

Tež pozbudźace powěsće

pjatk, 20. měrca 2020 spisane wot:
Nětko je jasne, na čož běchu mnozy z nas hižo dawno čakali. Za junij pola Korutanskich Słowjencow planowane mišterstwa koparskich wubrankow narodnych mjeńšin – europeada – su přestorčene. Rozumny to rozsud zarjadowarja Federalistiskeje unije europskich narodnych mjeńšin hladajo na to, kak razantnje so coronawirus tuchwilu po wšej Europje, haj po wšěm swěće wupřestrěwa. Strowota kóždeho jednotliwca je nětko najwažniša. Dyrbimy so tuž chcyjo nochcyjo škitać. Za někotre tydźenje a měsacy budźe połoženje zaso cyle hinaše, a mam krutu nadźiju, zo budźe lěpje. Při wšěch njeličomnych špatnych powěsćach, kotrež nas njepřestawajcy a w njepředstajomnej spěšnosći doc­pěwaja, pak je tež dobra powěsć. W Bu­dyskim wokrjesu je čłowjek, kiž bě z coronawirusom inficěrowany, zaso wustrowjeny. To je tola woprawdźe powěsć, kotraž nas wšěch pozbudźa a namołwja so dale po wukazach zarjadow měć, abo? Janek Wowčer

Sport (20.03.20)

pjatk, 20. měrca 2020 spisane wot:

Datumy hižo žane njemjenuja

Zapadołužiski kaž tež Sakski koparski zwjazk nětko hižo žane datumy njemjenujetej, hdy hodźała so zaso kopańca hrać. Najprjedy raz su wšitke dypkowe partije wotprajene.

Snano tola po jutrach hraja

Žónske koparske cyłki Zapadołužiskeho koparskeho zwjazka a Hornjołužiskeho koparskeho zwjazka chcedźa po jutrach zhromadnje tak mjenowane wuchodosakske mišterske koło přewjesć. Stajnje najlěpšej cyłkaj wobeju staflow nastupitej potom dwójce přećiwo sebi tak, zo nastanje šěsć hrajnych dnjow. Tež dalše mustwa zhromadnje dale hraja. Wot sezony 2020/2021 ma potom mjez koparskimaj zwjazkomaj hrajna unija z jenož jednej staflu nastać.

Město witanja so rozžohnować

Wólnočasni wolejbulisća Mustwa 1296 su za wutoru, 24. měrca, planowany wólnočasny turněr „Witamy nalěćo“ přesunyli. Nowy hrajny termin cyłk wokoło kapitana Marka Dźisławka hišće nima. Poprawne mjeno turněra pak budźe na kóždy pad změnjene, a to na „Rozžohnujemy so z wirusom“.

Dumpery chcedźa startować

Wzdadźa so prawa na postup

štwórtk, 19. měrca 2020 spisane wot:

Wjacore cyłki, kotrež w staflach Zapadołužiskeho koparskeho zwjazka za bulom honja, chcedźa so na kóncu hrajneje doby 2019/2020 swojeho prawa na postup klasu wyše wzdać, budu-li w swojej stafli potom na prěnim městnje stać. Mustwje Motora Kumwałd a Sportoweho towarstwa Rakecy hižo we wokrjesnej wyšej lize starobneje klasy młodźina D nastupić nochcytej. Tučasnje pak nichtó tak prawje njewě, hač budźe aktualna sezona scyła hač do kónca přewjedźena. Hač do 19. apryla su wšitke dypkowe hry na teritoriju Sakskeho koparskeho zwjazka najprjedy raz wotprajene.

Sćěhowace cyłki nochcedźa postupić:

mužojo

SC 1911 Großröhrsdorf II

Módro-běli Njeswačidło(chcedźa ze stafle 2 wokrjesneje klasy do stafle 3)

TST Wachau

TST Wachau II

Hermsdorfske ST

ST Traktor Malešecy

ST Natwar Němske Pazlicy

ST Hnašecy-Dobruša

ST Horni kraj Sprjewja II

młodźina A

ST Horni kraj Sprjewja

HZ ST 1922 Radwor/ ST 1896 Wulka

Dubrawa

Póst Germania Budyšin

HZ ST Kubšicy/Zeleno-Běli Bukecy

młodźina B

SC 1911 Großröhrsdorf

ST Horni kraj Sprjewja

KT Ottendorf-Okrilla

Šunowčan hotuje so na comeback

štwórtk, 19. měrca 2020 spisane wot:
Patrik Woko (naprawo), hrajer Serbskeje koparskeje wubranki a krajneho ligista Jedno­ta Kamjenc, je tučasnje zranjeny a přihotuje so na swój comeback we woběmaj cyłkomaj. Za to trenuje rodźeny Šunowčan, kiž bě sej w kolenje nutřkowny pask nator­hnył, nimale wšědnje we Wojerowskej HoyReha. Hojenski wotběh je pozitiwny. Po informacijach sportoweho terapeuta Tadeja Cyža (nalěwo) z Njebjelčic budźe Patrik Woko po jutrach zaso na hrajnišću stać, a tak njeje tež jeho wobdźě­lenje na europeadźe w juniju wohrožene. Foto: Tadej Cyž-Njebjelčanski

nawěšk

SERBSKE NOWINY podpěruja:

Novi Sad – kulturna stolica Europy

nowostki LND