Poradźuje nětko hižo pjeć koparjow

srjeda, 23. septembera 2015
artikl hódnoćić
(0 )
Uwe Młynk, hrajer Sokoła Ralbicy/Hórki  Foto: Jurij Bjeńš Uwe Młynk, hrajer Sokoła Ralbicy/Hórki Foto: Jurij Bjeńš

Uwe Młynk z Ralbic je wot lětušeho trenarjej druheho koparskeho zastupnistwa Sokoła Ralbicy/Hórki Michałej Čóšce poboku. 29lětny­ je nětko hižo pjate lěto tak mjenowany scout, kiž wobkedźbuje młode talenty. Nimo toho poradźuje tučasnje pjeć koparjow, kotřiž maja zrěčenje z jeho agenturu Arena 11 sports group. Štó woni su a što Uwe Młynk jako scout hišće čini, to chcyše Jurij Bjeńš wědźeć.

Uwe, před dlěšim časom sym so Će hižo raz prašał, tehdy sy třoch koparjow podpěrał. Nětko maš jich wjac. Štó je k tomu přišoł?

U. Młynk: Hnydom třo to su. Marcel Franke (SpVgg Greuther Fürth) a Tobi Müller (Halleski FC) staj wostałoj. Z Ardu Dülekom (tehdy RB Lipsk) so rozžohnowach. K tomu přišli su Niklas Landgraf (Dynamo Drježdźany), Lennart Czyborra (U 17 FC Schalke 04) a Maik Salewski­ wot Budissy Budyšin.

Čehodla sy so z Dülekom rozžohnował?

U. Młynk: Wón njeje te kročele šoł, kotrež smy jemu poručili, tak dyrbjachmy zrěčenje z nim rozpušćić. Arda mě­ješe hinaše zaměry hač my, a tohodla njemóžachmoj wjac hromadźe dźěłać.

Maš najebać rozžohnowanje hišće kontakt k Dülekej?

wozjewjene w: Sport
Prošu přizjewće so, chceće-li komentar podać

Serbska debata

nowostki LND