Historiski dezaster, wulki debakl a zasłuženy kónc

štwórtk, 28. junija 2018
artikl hódnoćić
(0 )
Dospołnje přesłapjeny bě němski kopar Thomas Müller po wčerawšej historiskej poražce přećiwo wubrance z Južneje  Koreje.  Foto: dpa/Frank Hoermann Dospołnje přesłapjeny bě němski kopar Thomas Müller po wčerawšej historiskej poražce přećiwo wubrance z Južneje Koreje. Foto: dpa/Frank Hoermann

Prěni raz w stawiznach swětowych koparskich mišterstwow je němske narodne mustwo hižo w předkole zwrěšćiło a domojjězbu nastupiło. Wčera podleža wone Južnokorejčanam z 0:2. Wrota třělichu ći w přidatnym hrajnym času. 1:0 Younga-Gwona Kima najprjedy njepłaćeše, dokelž bě pobóčny asistent nimohru spóznał. Sudnik Mark Geiger pak njepřewidnu scenu hišće raz na wobrazowce pruwowaše a rozsudźi na wrota. Posledni při bulu bě Toni Kroos (92.). W tej fazy hry wrotar Manuel Neuer swoje wrota wopušći, zo by so sobu do zadwělowanych nadběhow podał. Němcy pak bul zaso raz zhubichu a Son Heung-min zwyši po konteru na 2:0 (96.). Tři hry, tři słabe wukony, špatne wužiwanje wulkošansow, žadyn trěbny zapal. A k tomu su wjacori hrajerjo a po wšěm zdaću tež trenarjo a zamołwići hižo daloko přez swój cenit.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND