Neymar po foulu kaž dźiwadźelnik wustupował

wutora, 03. julija 2018
artikl hódnoćić
(0 )
Belgičan Marouane Fellaini juska, po tym zo bě přećiwo Japanskej k 2:2 wu runał.  Foto: dpa/Frank Hoermann Belgičan Marouane Fellaini juska, po tym zo bě přećiwo Japanskej k 2:2 wu runał. Foto: dpa/Frank Hoermann

Z narodnymaj mustwomaj Brazilskeje a Belgiskeje stej so dalšej cyłkaj za štwórć­finale swětowych koparskich mišterstwow w Ruskej kwalifikowałoj. Wčera popołdnju dobychu Brazilčenjo we wosmifinalu bjez wulkich ćežow přećiwo Mexiku z 2:0. Po 51 mjeńšinach nawjedowachu woni po wrotach superstara Neymara. Willian bě so spěšnje do šěs­natki předrěł a w pjećmetrowskim rumje bul prěki połožił. Tam stłóči jón Neymar přez liniju do wrotow. Srjedź dru­heho połčasa je Neymar zaso raz poka­zał, kajki wulki talent dźiwadźelić wón ma. Mexičan Miguel Layún bě ko­parjej-dźiwadźelnikej, kiž ležeše po foulu na zemi, zlochka na hwizdźel stupił. Brazilski superstar so na to teatralisce wo­koło waleše, markěrujo ćežke zranjenje. „Smy tójšto hrajneho časa dla njeho zhubili. To je hańba za kopańcu“, komentowaše trenar mexiskeje wubranki Juan Carlos Osorio „ćerpjenje“ Neymara po foulu Layúna. Při 2:0 za Brazilčanow pak běše hrajer z čisłom 10 nadobo zaso fit. Na lěwym křidle poda so wón z dołhim sprintom do šěsnatki a přihra bul prěki Robertej Firminej.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND