Captainscup z dalšim turněrom

wutora, 03. awgusta 2021
artikl hódnoćić
(0 )
Dobyćerska štyrka ze Zhorjelca je so njedźelu we Worklecach w kole 16 mustwow přesadźiła a prěni měšany turněr we wobłuku 6. captainscupa dobyła. Dobyćerskemu cyłkej přistupichu so tež zamołwići Viktorije Worklecy, kotřiž běchu turněr wuběrnje organizowali.  Foto: Kilian Hrjehor Dobyćerska štyrka ze Zhorjelca je so njedźelu we Worklecach w kole 16 mustwow přesadźiła a prěni měšany turněr we wobłuku 6. captainscupa dobyła. Dobyćerskemu cyłkej přistupichu so tež zamołwići Viktorije Worklecy, kotřiž běchu turněr wuběrnje organizowali. Foto: Kilian Hrjehor
Minjenu sobotu přewjedźechu we Worklecach tradicionalny captainscup, – bičwolejbulowy turněr za dwójki, kotryž organizu­je Sportowe towarstwo Viktoria Worklecy. Po tym zo nastupichu sobotu mustwa z dwěmaj hrajerjomaj, wotmě so dźeń pozdźišo měšany turněr. W kóždym cyłku nastu­pichu přeco dwě žonje a dwaj mužej. Přidatne miksowe wubě­dźowanje su lětsa do žiwjenja zwołali, po tym zo běchu do toho přeco jenož dwójki hrali.

Cyłkownje wubědźowaše so njedźelu šěsnaće mustwow w štyrjoch staflach. Wjedro běše nimale přez cyłe předkoło chětro špatne, štož pak sportowče a sportowcow wulce njemyleše. Organizatorojo běchu wjacore stany nastajili, hudźba bě słyšeć a ćělne derjeměće běše tohorunja zaručene. Tak hodźeše so dešć wudźeržeć, a wšitcy běchu přiwšěm dobreje nalady.

wozjewjene w: Sport

Galerija

dalši wobraz (1) We Worklecach su sobotu na nowymaj bičwolejbulnišćomaj hrali. Foto: Jörg Stephan
Prošu přizjewće so, chceće-li komentar podać

nawěšk

nowostki LND