Starši a wučerjo z kultusowym ministrom w Budyšinje diskutowali

Budyšin (SN/MiR). Najwažniši aspekt w kubłanju je wobknježenje rěče. To zwurazni wčera wječor na zarjadowanju Budyskeje městneje skupiny CDU na žurli Serbskeho domu ze sakskim kultusowym ministrom Conradom Clemensom (CDU) wučerka z jedneje Budyskeje zakładneje šule. Minister Clemens potwjerdźeše, zo je rěčne spěchowanje tež z jeho wida primarny nadawk.